2007-08-17
在朋友身上得到了世界女排球賽ge門票。諗諗下我都好似係第一次去現場睇比賽，一直都好想揸住兩枝吹氣棒吶喊助興，唔理好波定失分都大叫一餐，kaka。個晚睇ge係中國vs美國，中國連勝三場就打完，再加上因為遲去，好位都俾人揀晒，結果坐左係攝錄機ge後面，擋了五分之一ge視線，又因師姐睇得太投入，頻頻握到枝「加油棒」漏晒氣，結果我阿妹同我ge都奉獻晒俾佢揸爆晒，而我只能揸住枝扁扁的膠套揮舞...
2007-08-21
終於搞掂個考車筆試，所謂小心駛得萬年船，考試期間慢慢做，慢慢睇，慢慢對，結果當交完卷走人之際時，先驚覺間房已經走淨我一個...^^” 算啦，最緊要合格~~! 依家要排期到五月份先考技術，唉，冇時間返黎練呀，依家睇下可唔可以推遲到八月先考啦，意味下年返工又冇車揸。 T.T
2007-08-25
本來答應了在澳鄂大會上幫忙揸DV錄影，結果不知咩緣由之下做了幕後工作---音響室控制，對住電視台個種一大部ge音量控制器，推上推落的確幾過癮，不過後黎俾人當左做真正ge音響工作人員，有次叫我幫手set個電子琴時對住我講左d專業名詞，我都唔知咩黎...@.@ 好采最後都拉到條線。之後幫個合唱隊播放背景音樂時，因為唔知首歌有幾長，結果播完一首之後黎唔切反應，洩漏左少少下一首無關ge音樂出黎啦~~
係後台工作先至係我鐘意ge~就咁縮係一角睇住出面d演講吖表演吖，個feel特別好，心想所有聲音都係我操控之中，只要我將個音量較細聲d，整個場就聽唔聲啦，哈哈。可惜係大會中段個無線咪突然失靈冇左聲，整黎整去都整唔好，要令我呢個「負責人」蒙上污點...
2007-08-28
一個半月多ge圖書館工作終於要結束了，時間真係過得好快，亦一直都做得好開心。好人ge編目人員同好傾ge helpers，日日返工都唔會悶親。有時d人放完大假返黎個時又帶埋手信，一齊係office分屍，最後呢個星期副館長又請我地三個武大實習生(唯一堅持住...)飲茶，又邀請我兩個師姐九月返番黎做臨時工，唔愁冇工開。@_@
雖然依家係以part-time形式返工，但眼見咁多野做，如果唔去幫手d書真係出唔切，每隔幾日就有好幾百本書運過黎，收書、入資料、蓋印、做磁帶、編目、print lable、貼膠紙、double check，一本書先至可以放上書架，所以綜合責任和金錢的份上，堅持日日風雨不改上班啦，況且下年又要返黎實習，依家留定一個好印象都唔錯呀，不過下年就冇師姐陪一齊吹水lu。
2007-08-29
仲有一個星期(都冇)就返武漢了，好多野都未買未準備，要好好利用呢幾日行下先得喇。
近期又迷上了一套美國電視劇Heroes，講述幾個有特殊能力ge人如何發現自己ge天賦並一齊拯救地球，估唔到會被呢類科幻片吸引住，不過可惜已經冇機會再係電視上睇，只好係武漢對住電腦欣賞啦。
時下d小朋友真係早熟，以我那位年僅六歲的表妹為例，塊面肥嘟嘟細細粒應該好可愛，但當佢聽到別人讚佢塊面脹卜卜好cutie時候，佢竟然話自己肥難睇，要學人減肥，拒絕食野...啊，無言啊...囧rz
文章定位：
