返黎澳門已經兩日，照以往慣例，都係會令人變得較為懶惰，懶得更新文章，懶得再睇網上澳門日報，就連今次ge題目都懶得去諗...
今次返黎已經可以話冇乜感覺lu~冇左係武漢期待返澳門ge感覺，搭火車時冇左興奮快到ge廣州ge感覺，返到屋企亦只有「啊，又回到家裡了」的感慨。一返到屋企門口時，見到阿妹係門前貼左張歡迎回來的語句，還說道在房間內有樣東西送給我看，誰知第一時間入房細看時卻看到一張「你被騙了」的字條，唉，由興奮到失落的起跌也不足一分鐘嘛 =.=
呢兩日主要時間都係呆係屋企休養生息，除了被逼出左去剪頭髮外，係澳門上網就係無比的暢快，開MSN、上新聞台、入Yahoo...總之上任何一個網頁都比係大陸上要快幾倍~~
再過幾日就準備去返圖書館lu~已經聽師姐講話佢被吩咐到檢查我新年所編過ge書，即係話我所編過ge書一直放係書車架幾個月來都冇郁過，依家由師姐親自為我ge成果做double check，硬係覺得有d唔多好，應該由阿頭一覽下我d工作質量先係嘛~~!
係屋企最大ge樂趣就係可以睇電視，今晚剛剛睇左個遊戲節目---一擲千金，個遊戲玩法都唔錯，至鐘意就係個banker，夠晒型同神秘!!! 唉，睇ge過程中居然俾老豆話自己個仔冇大志，話我去到幾萬蚊個時就叫禁掣收手 T.T
遲下又諗住過香港一日遊，睇下有咩好野買都好~~但又唔知等唔等埋動漫節先去好...= =+
文章定位：
