兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

昨晚，第一次正式跟服務對象見面，
第一次參與服務對象的每月會議，
大家要說出近期的快樂或不快樂，
輪到我發表後，第一位嬴取他們的掌聲。

桌上有個蘋果，要人傳人，
傳到那人手上，那人就要對著其他人說出特別事。
到我，我很高興地說：「由我初初三月申請做呢度既義工，
到今日八月，足足等左四個月，我先有機會同大家見面…
之前聽姑娘講，我地義工本來三個人，但因為有人離隊，
可能又會延遲既時候，我係好唔開心，我問個天，
點解我只係想做一d我想做既野，仲要係好事，都要有咁多阻撓？
直到我早幾日再收到姑娘個電話，話我同gen可以開始我地既義工生涯，
我0個陣真係好開心…
之後既日子，我會同我唯一既partner好好合作，
去融入大家，希望大家可以多多指教…」然後，
就是一輪的掌聲。那刻，我很感動。
因為大概有七八個人在我之前說話，
都好像有點平淡，直到我說後，竟然，
可帶動他們的情緒。他們高興地拍手，
我感動，有點想哭，是快樂的那種淚。

大家聊著聊著，有一位兄弟很直接地問：
「我想問下你地兩位義工…其實係點睇我地？
究竟你地有無歧視我地？你地係抱住個咩心態黎做義工？」
相信沒有人會預算到他會問這條尖銳問題，
包括在場的每一位兄弟、社工，甚至我們。
我跟gen對望了一下，然後我笑笑地說：
「我相信如果我同gen係會用一d奇異眼光睇你地，
又或者我地係會歧視你地的話，我地兩個唔會有機會坐0係度，
同大家開會…我同阿gen都係自願，自己申請黎做義工，
所以我敢肯定，我地唔會有你地擔心既0個種心態同目光…
回應返…我地抱住既心態係，真心想同大家做個朋友，
俾我地去融入你地個大家庭，好老實講…你問我，你地同平常人有咩分別？
我可以好肯定講：0係我眼中，無！我睇唔出你同我有咩分別。
你同我，都係一樣，都係一個正常人，
行出街，我唔知既都只會覺得你係普通人，
其實最重要係自己點睇自己…無人係可以睇到你既過去…」
然後，都是一輪掌聲。

兩番說話，都是真心。

我沒想像過他們會這樣激動。
這激動，我感受到的是熱切、
感謝的激動，亦非忿怒之情。
我更加沒想過他們會鼓掌，
在我而言，只是一番我藏在心的說話，
並不是甚麼偉大的言論。但在他們而言，
可能，已經是對他們極大的鼓舞。


看見他們不放棄，我更不忍心放棄。




我從來都沒有懷疑過這次申請，
甚至認為，我在這裏，雖身為義工，
但真正的，是我可以在這裏學會東西，
而非我幫助他們。他們的鬥志、忍耐，
都是我需要從他們身上，再次提昇自己。



我對阿gen及姑娘說，
我都怕自己投入過多的感情，
請他們要時刻提醒我，我的位置。



很高興，很高興認識你們。
讓我們一起創造一個新生命給自己，
你也要，我也要，美好的明天再等我們。