兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

你認為人生有多少挑戰，
又或者甚麼才算是挑戰？
面對失業？面對失戀？
面對困境？面對逆流？
面對挫敗？面對過失？

以上的，都是我們必然會遇到的，但有樣東西，
卻不是人人都會選擇面對，甚至是選擇逃避。

那夜跟阿健吃晚飯，已經大半年沒見他了，
他，是我第一位男朋友。也許事過境遷，
面對他，只有老朋友的感覺。

跟他說起近日的種種，說起他，也說起他。
我說：
「發生呢件事…我真係好驚自己會再賣醉…
但係我唔俾自己咁做…因為我唔想嘥左阿一既出現…
如果唔係佢…可能有好多野都諗唔通…」
他說：
「可能我陰謀論啦~~但係你都唔好諗到佢咁好囉…」
「佢令到我有結婚既衝動咖…我地其實真係好夾…
一齊既時候無嗌過交…」
「咁點解分手丫!?如果真係咁夾…唔好諗丫, 依家打電話俾佢啦…」
「我唔會咖…」
「點解呀!?」
「阿健…….我對住佢, 有少少良心過意唔去…」
「下!?點解呀~~~?!」
「唉…我同佢一齊個原意…其實係因為好勝咋…你明嘛!?」
「哦~~~~~明喇咁…」
「之不過我估唔到自己真係鍾意左佢…」
「唔……我唔覺得你鍾意佢囉~」
這一句，像鈴聲般敲醒了我，
我笑笑的說：「唔…你都岩既, 我最愛既係自己…」
沒錯的，不是因為貪玩，不是因為好勝，
也許我和阿一會好好保持朋友關係，
從來都不會發展為戀情。

和他一起，也許是他答應我，待他工作忙完過後，
會跟我慶祝。又可能是因為他會安排一些令我歡喜的事，
讓我感動。

「有咩好嬴0者?!!?」健說。
「無咖~~~~我鍾意囉…」我回。
「你覺得你嬴左咩?!」
「唔…我唔會理囉, 依家我都係輸左,
我到呢刻都係同佢分開左…不過我鍾意個過程…
我太好勝太貪玩喇…」
「唉~~~真係俾你激死…」
「所以我成日都話…………….好勝, 其實係累死我…」

「你個人真係好極端…一方面又要有足夠見面時間…
另一方面你又要好多私人空間, 咁好難攪喎…
其實你係好易令到人鍾意你…你咁熱情, 好多男仔會覺得你平易近人…
不過, 鍾意你係因為你性格, 但係就係你既性格, 到最後會令人好抗拒…
你會講極都唔會變…有時會令人覺得好氣餒…不過你又唔駛改既 ….
始終呢個都係你既特質…」我向來都說問題在我身上，這個我從來不否認。

與大哥一同乘巴士，大家閒聊，
他說他有看我的space，知道我和他的事，
我說：「成班小朋友咁…我好嬲咖其實…」
他說：「嬲咩丫~~~你都唔係嬲, 你唔忿氣之嘛…」
一針見血。



雖然身邊誤解我的人偏多，
但都總有明白我、了解我的人，
事實被看穿，那種感覺非常刺激。

也許我從來沒愛過任何一個男朋友，
我只是找個伴，而這個人出現了，
逗得我快樂，所以走在一起。
但事實，可能我只是太悶。

面對甚麼也好，逞強的我總會支持自己解決，
面對自己，對好勝的我來說，是一項有趣的研究呢！




有些人會像我般，勇於承認，並宣之以口；
有些人就會隱藏，自欺欺人，並選擇逃避，
你是那類呢？^^