兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

有夠失儀的表現。

 

整天不爽，重重複複想來想去，

難聽點講「谷住道氣…」。

 

跟祖兒媽蓉蓉細欣suki吃飯，

雖然嘻嘻哈哈地笑，但心裏依然不爽，超不爽。

乘車時不停在想，應不應該致電給他，

結果，我是有撥電話的。

一次不聽，兩次不聽，三次也不聽，

我失去理智，留言「噴」他。

留言後，我要求他回電，那當然啦，

他不會回，我再致電，他終於接聽。

 

我吧吧吧吧吧…………………………….

 

我忘了自己說些甚麼，

只在勞氣，激氣，狂噴…

哼~

 

他說我歪曲事實，

我說他誤解了我。

 

我說：「我對住你我唔駛著住盔甲，

我唔需要有戒心，咁有事我可能真係察覺唔到…

咁你唔講我知…我點知呀…」

他說：「呢個咪問題囉…有d野根本存在你都唔覺…

到要講既時候你咪就係唔知我諗乜之嘛…」

「呢個世界係無兩個人完全相同咖…

我唔係你條蟲…可能連我阿爸阿媽都唔知我想要咩…

咁你唔講…我又點會知你想點呀…」

「可能根本唔駛講呢…好似咁…依家講左喇…

咪又係解決唔到…咁講黎做咩…」

「喂~~~呢d唔係叫溝通呀…

你有你講, 我有我講…呢d頂多叫做聽同講…」

「咁依家咪就係咁之嘛…依家都係溝通唔到咖…」

「我係要話俾你聽我點諗…唔係你想像中咁咖…」

「你點可以逼人地好似你咁諗法…」

講到這裏，我都弄不清是誰逼誰。

自問洞察力真的不差，要我有機心地算一個人，

非常簡單容易，但面對男朋友，需要這樣做嗎？

 

「我就係唔鍾意你咁樣拖呀…拖得一日得一日」我說。

「我依家咪無拖到囉…」他說。

「我唔係講我呢個人, 又或者呢段關係呀…

我要求你聽下我既諗法…我唔係一件物件…

你話要點就點…唔係你決定乜野就乜野…」

「你係都要逼人講一d唔想講既野你先心息啫…」

「唔係…而係我要俾你知道我點諗…」

「又或者...人地唔想聽呢…」

老味丫！如果說到這樣的話，

那不要像為我設想，要找個更好的對象云云。

 

「我都唔明點解唔肯面對面講清楚…

我幾時變後咁恐怖咖…你連見都唔想見我…」

「根本唔需要…」

「你知我份人…你驚我會喊呀?!你驚我會打你咩?!

呢件事唔係第一次發生…我上次都好平心靜氣同你傾咖…

你都知道…」

「哈~我知丫…你好叻丫嘛, 你好勁丫嘛…

咩”大把仔, 唔鍾意咪走囉”…你駛乜怕0者…

你處理到咖…」他嬉皮笑臉地說。

「………………………………原來一直…

你都係唔信我……我唔知我d語氣要幾咁firm,

先可以話俾你知我唔係玩…我真係有認真咁諗過呢樣野…

如果我係搵你黎hea, 我駛鬼咁勞氣呀!?我唔駛咁嬲啦…

我可以求其由你走左就算啦…下嘛!?!?」

「我都唔係咁既意思…」

「你唔係咁既意思!?!!?咁你又攞d咸豐年既野黎講!!!!

呢d係以前既事啦…我都唔知你提黎做咩…

你唔信我, 我同你一齊之後我連有邊個追我都睇唔到呀!!!!」

他那句，是最夭心夭肺的！

我討厭那些拿想當年的事，來談現今的事，bull shit!!!

 

 

 

心情很不爽，可是…

因為剛才我失儀的表現，有點驚訝。

 

唉~~~~~~

要再練練eq，

又或者攻心計地說：

「要練好d手段…」