兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

先生，你對老闆不滿，
就直接對老闆說，
不要找我來出氣。

不要跟我說「呢樣野唔係你做…」，
那很多非我工作範圍內的工作，
我都替你辦妥，誰來替我不值。

跟他一吵再吵三吵四吵…

初初我很有耐性解釋給他，
他總是聽不入耳，依然固執…

病病的我，受不了…
哭了。還要被他罵我發脾氣，
又說那又說這…

幫了他，他不會感激，更不會道謝；
我沒能為力時，只管鬧鬧鬧…

找同意他的那句「每個人都有工作崗位…」，
我怎會不懂？我怎會不明？
問題在於：我已經爭取，
老闆說沒問題，我可以怎樣？
大罵老闆嗎？拍枱不做嗎？

我知道他辛苦，我明白他難受，
他說了一句，簡直不知所謂…
「師傅做得辛苦係佢既事…
請佢返黎就係要做咖啦…」
「師傅依家唔係坐0係公司無野做呀…
佢都幫你砌緊兩單大野…」我說。
「咁唔關我事咖嘛…
佢OT, 佢多野做做到通宵係佢既事啦…
你知唔知我好辛苦呀~」
聽到這句，我失控地破口大罵：
「即係全世界辛苦係正常…
你一個人辛苦就係全世界既人負左你啦？
每個人做野都辛苦…唔係淨係得你一個」

他辛苦，我不辛苦嗎？
師傅不辛苦嗎？老闆不辛苦嗎？

「你對公司不滿你直接向老闆投訴…
唔好同我講…」我說。
「我唔會再同佢講…我就同你講…
我要用你把口去投訴…」他說。
「依家係你不滿…唔係我…」我說。


「我0係個過程中幫你做過乜野你唔知…
有事有D單你話趕…我叫0個邊幫你送先…
要停其他單就係送你0個單先…你唔知…」我說。
「你小事幫到我咁又點呀？
你依家幫我唔到丫嘛？佢地夠膽唔送我D野丫…
我咪自己打電話叫佢地送囉…佢地夠膽唔送咩？」
他這種不可一世的態度，簡直仆街…
我還了他一句：「咁你咁把炮咪以後自己打電話去囉…」
「唔係乜野都係我安排我做咖…
下下都要我出手既咩？」他說。
「唔係~~但係你依家唔滿意丫嘛…
你可以安排丫嘛…咁你咁勁咪自己做囉…」我再說。

「我唔想再拗落去…」他說。
「我都唔想同你拗…」我說。

聲，因病…加哭過…
變了，快失了。

致電問貨物時，被識破…

「做咩呀？你喊黎呀？」RICKY問。
「係呀…」我不小心衝口而出。
「邊個…邊個攪喊你？」他續問。
「無…真係無…你幫我CHECK下…」
「你快D講係邊個整喊你…
你唔講我唔幫你CHECK…」
「唔好玩住先啦~~~乖啦…
幫我CHECK CHECK先…」
「唔得！你好快D講…
邊個仆街仔攪喊我個小美人…心痛死我…」
我笑了，說：「唔美呀~~
我唔係喊呀~~我病咋…放心~」

不久，RICKY再來電：
「我幫你CHECK左喇…」
「好呀…咁幾時呀？」
「你講左邊個整喊你先啦…
邊個攪喊你我就拖佢貨期…
夠膽整喊你丫啦…等佢知道我既厲害…」
「唔好呀~~你一拖貨期盞佢鬧得仲勁」
「咁係邊個丫？」
「放心啦…RICKY…我無事咖…
D人係咁…郁D就鬧…唔駛理佢…」
「喇…我話你知…
我就好公私不分既…邊個攪到你唔開心…
我就唔俾貨佢…話之佢係邊個丫…
係咪阿佳個仆街仔？」
「唔係…阿佳都唔鬧我既…」
「咁SAMMY呢…一定係SAMMY呢條友…」
「唔係…」
「唔係佢呀嘛？佢躝躂…
我知邊個喇~~~得咖喇…
以後我見到佢既單…全部遲一個月…」
「唔好呀RICKY…
你咁攪即係玩我咖咋…」
「你同我定…我直接同你老細KENNY講…
以後係0個個人既單…人地今個月…
佢就下個月…我得閒都唔做佢呀~~
吹咩？KENNY都奈我唔何咖…」
「RICKY唔好咁啦…
你係大帥哥嘛~~~大帥哥好胸襟廣闊…」
「錯喎~~我好小器…
鬼叫佢整喊我個小美人…係唔妥佢咖喇…」
「我叫得你做大帥哥…
你好大量既…咁小事…唔好鬥氣啦…」
「唔得…我講左我好小器…
又記仇...一D都唔大量…
就咁話啦…我會同KENNY講…
等佢地知道你既重要性…夠膽蝦你丫喇…係咁啦~」
說罷，他收線了。

希望不是真的！


戲言，也好，
起碼有人知道無理取鬧的不是我。

也謝謝寶寶，他說他會幫我報仇，
疼我的人，因為你們善良，
上天一定眷顧你們。






哭過，病嚴重了，看中醫。