兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

因為要解決補貨的問題，
在最關鍵性的一刻，
原本由我親手解僱的阿軍，
最後由sharon「處決」。

這個只在公司工作兩個月的安裝師傅，
實在是經典，他的偉大事跡足以用一本書來記述。
已籌備了一段時間，大家正在商討由誰出口出手，
我鬧著玩的說：「等我黎啦~~~反正我未炒過人…」
Sharon說：「好呀~無所謂丫…由你黎同佢講囉…」
她的認真，令我有點愕然。
「我講下咋~~傻…我何德何能呀~~」我說。
「都唔係呀…由你黎炒佢都好合理…
始終佢既工作表現你係最清楚…」阿佳說。
作為高級人員的他，竟然如此…
唏，我只是個跟單文員而已。

這一個星期，阿軍變本加厲，
每一單工程都做不好，甚至諸多怨言。
前天，被他氣得頭頂冒煙的sammy，
向我大吐苦水，我又成為了出氣袋。
阿佳得悉，說：「maggy…只要你講一句…
我就今日即刻fire佢…唔等到星期五…」
昨天，更甚。
阿佳說：「其實如果唔係怕你辛苦…
我一早踢走左佢…只不過無左佢你會好難排單…」
我很坦白的說：「係丫…佢0係度…
我的確係易左排單…但係佢每樣野都做唔好…
又無心去做…其實我都好勞氣…」
阿佳說：「咁我即刻炒左佢…」
我說：「咁又唔駛…咪等到星期五囉…」
他說：「其實第時個新人又做一兩日又唔做…
盞玩死你咋瑪姬…」我同意，但說：
「係丫…不過之前無裝工我都係咁做咖啦…
只不過係辛苦d之嘛…總之點都好…
星期五我點都砌硬佢咖喇…」

本想親手手刃他，可是有別的東西要做，
導致沒有機會。

今天實在超出我想像的工作範圍，
漸漸發現，自己有點像半個sales。
阿佳責備說：
「maggy…呢d野根本唔係你做咖…
你幫佢地覆個客…就縱容哂班sales」
「唔係呀…係老細叫我幫patrick跟咖…」
「攪咩呀老細…根本就唔係你做既…
你叫老細攪啦…你幫手做乜0者…」
「嗯…但係老細叫到…」
痛之深、責之切…
其實阿佳是一位很「撐」我的上司。
事情複雜得難以形容，
總之由四時十五分開始，
到六時多結束，電話聽筒都沒離開我手，
乜許在短短的個多小時裏，我談了三十多個電話，
就是為了一單工程。

我慶幸一向與外面的安裝師傅有不錯的交情，
即使阿喜他多忙碌，有多不願接我公司的工程，
都會扭盡六壬地替我張羅，找師傅喇約師傅喇…
由於公司的弊病，令很多師傅不願替我們辦事，
這就是我工作最困難的一部份了。
我慶幸與各同事的關係尚算和諧融洽，
縱然阿佳坦然說明：「呢單野我一定唔幫老細」
我說了很多遍：「阿佳…咁你當係幫我啦~~好無…」
到最後，他說：「唔駛咁擔心啦…
我想你諗掂佢啦…」
與師傅阿彬簡直有溝通障礙，
無論怎樣，他都好像不能接收我的請求，
說到口乾頭痛，sammy說：「等我同佢講丫…」
雖然到最後都不能抽空幫忙，
但出名自私的sammy都出手相救，
可見大家都會協助無助的瑪姬。


謝謝各位。


今早六時起床，
八時四十五分回到公司，
十一時四十六分離開公司，
累得很呢！