相似的事件，
看出兩個人，
對事情的看法、
及對待我的分別。
今早，來了一個笑料。
Sharon播著衛蘭的歌，
家俊輕輕哼著，突然說了一句：
「衛蘭…衛蘭…我真係好撚憎衛蘭…」
聽罷，我哈哈大笑說：
「真咖？我都係喎…
扮哂可愛咁...都唔知攪乜…」
「衛蘭都算喇…衛詩仲唔掂啦…」sammy插口。
「衛詩我又無乜野喎…」我回應。
「挑…總之兩個都好唔掂啦…
我都唔明…點解佢地咁既樣…
都可以0係娛樂圈生存…唔係…
應該係話…都唔明點解佢地係呢個世界生存…」
家俊淡淡然的道出…我笑得更厲害。
雖然我真的不喜歡衛蘭，
但這樣說未免有點誇張。
家俊隨即冷笑一聲說：
「哼~見到佢地兩個…
我就會諗起千與千尋…」
我奇怪的問為何，他說：
「我諗起千尋個阿爸阿媽…
變豬之後0個個樣…
佢地兩個真係好似0係兩隻豬…」
嘩哈哈哈哈~~~~~誇張死！
家俊的賤口，真是無人能及，
對像是sharon，他說笑的…
一句十級賤的說話：
「超~~~我射落地都唔益佢呀…」
我聽後，嘩然…笑到標眼淚：
「嘩~~~~好賤呀~~~~
家俊呢句真係好侮辱呀~~~~」
他還要加多一句：
「你估我真係個個都肯俾咖…」
「講真~~~如果有個男人咁對住我講…
我一定斬死佢…」我笑著說。
「嘩~~~瑪姬…駛唔駛斬人呀？」他問。
當然要囉！任何一個女人都不能忍受這句話喲！
這是令女人極度無「飛屎」的一個「行徑」。
心情不佳，
與bebe對話。
原本將我們的對話郵寄到我的電郵，
共三個不同的電郵，竟然…
全都亂碼了，想哭！
我要憑記憶打出來！(._____/.)~可惡！
「有無好男人介紹呀？」我問。
「你公司有無好野？」他問。
「我問你你又問返我…你玩野呀?」
「咩呀…通常公司都有好野…
我怕你唔覺嘛…只係提醒你…^^」
「唔啦...同事還同事…
況且日日見會好悶…」
「依家都唔可以日日見？
咁唔得咖喎…打一份工又唔係好耐…
可能一年就走…咪唔怕囉~~」
「唔啦-.-~佢地都有女朋友…」
「同佢地出去玩囉…有fd」
「唔玩啦…個個都做到咁夜…點玩？」
「放工去玩…」
「訓都唔夠時間訓…點玩？」
「乜你唔係話你玩到好夜咖咩~~~=.=」
「星期六之嘛…咁都要訓咖…」
「你又話你可以唔駛訓既...一__一」
「你依家係咪玩串咀呀pk」
「又咩呀？又係你自己講既…*扁咀*…
你話你唔駛訓可以玩…依家又鬧人…
好無辜….>”<」…他說。
唏！我不時都會罵你的。
「我想問…你依家仲係咪瘦緊？」他問。
「嗯~~~依家鎖骨好聽話…
出返哂黎喇…」我答。
「成日聽你話減…唔駛啦…」
「喇…bebe…我地都…
成八個月無見…我變成點你都唔知啦…」
「你咁做法唔瘦都幾難啦…」
「但係我同事話我肥喎…=.=””」
「佢玩鳩你…你都叫肥？」
「哦…佢好瘦咖…」
「仔定女呀？」
「男」
「你問下佢係咪生cancer…」
「…=.=…你好毒！」
「再唔係叫佢去body check…
可能有暗病佢自己唔知呀…」
「>”<~咪咁啦~~~
佢都幾錫我咖…」
「話你肥仲話錫你????」
「嗯…」
「唔駛減咖喇…
不過減完個坐圍會大d….哈哈哈…」
「係囉-.-~~盆骨真係減唔到…
一係打爆盆骨…」
「傻…呢d先係好女仔呀…^0^」
「好女仔會無人鍾意？我打死都唔信！」
「生完就知係好女仔喇…^^」他說。
「嗯…我可能唔生喇…」我答。
有時真是會被他弄得哭笑不得，
他疼我，但也不用這樣毒咒人呢！
「按摩緊…」他告訴我。
「咁好…你唔係公司？」我問。
「唔係…0係公司…」
「叫佢幫你按摩啦~~~~
我個夢想係幫老公按摩…諗起都開心~~~*面紅*」
「我好耐無做呢d野喇…=.=」
「咩呀@_@我講真係按摩揼骨呀！」
「^^~~~osim~~」
「又話osim貴既…一___一」
「……osim係貴呀…
咁人地咪買左個平野囉…
我驚講otn你唔識嘛…
你係要篤爆人既~~~>”<」
「小心坐爆蘿柚」我說。
「背部only…成個買好貴」他說。
「篤爆背脊」
「+_+…你呢d咪叫陰毒囉…」他埋怨說。
看到這一句，我對著電腦笑了出來，
因為我幻想到他無奈的樣子。
「講樣好笑野你聽…」我說。
「好呀~~~^0^」他回應。
「上次我咪攪細佬妹個生日party既…
有個媽媽問我媽咪…『咦？
家姐係咪讀緊中學呀…』…」我說。
「佢係問你係咪返夜校…一睇你個樣…
就知你係無心向學…出黎做野又唔夠料…
所以走返去進修一下…」
「郭XX…我地絕交啦~」
「又咪呀…*無奈*…
又係你話講好笑野俾我知…
咁我覺得咁諗又真係幾好笑嘛…」
「你擺明奚落我！！」我怒怒說。
「無D咁既事！」他反駁。
其實蠻佩服他的轉數，
小妹真是甘拜下風。
告訴他，我被責怪，
就是因為「頭像」…
該貼和不該貼的相。
bebe知道後，第一句是：
「叫佢去自殺」
其實我沒說甚麼，
只是說了有人不喜歡我放我、
連同他樣子的相片在MSN。
我皮毛的說了一些他的想法，
bebe說：「唔鍾意聽呢d廢話…」
我說：「其實可能佢覺得我無問過佢就貼…
覺得我唔尊重佢…」
他憤怒的說：「老味丫」
噢…我想不到他會爆粗。
「古古怪怪咁…
咁怕就咪出黎啦~~~
係咪你tum佢出黎咖？」
「你話我個生日？梗係唔係啦…
佢自己唔舒服都要出黎…^^”~」
「怕就咪出黎…
覺得咁醜既咪唔好出黎囉…
出得黎就唔好怕俾人知你地一齊…」他說。
正當我想解釋既時候…他續問：
「你係咪偷拍丫？」
「梗係唔係啦~~~係合照…」我答。
「你地係咪偷情咖？佢咁驚應該係喇…」他說。
「咩呀€~~~~光明正大…
佢自己承認過我係佢女朋友咖~~~>”<」
「好鬼憎哩d…覺得影衰佢咪唔好一齊囉…
一齊得又要怕俾人知…你唔同佢一齊真係明智決策」他說。
「bebe…我突然間又決定左唔同你絕交住…哈哈…」
我嘗試打圓場說。
他說到這句，我有點無言以對，
因為…選擇分開的，不是我，是他。
已經不是說誰放棄誰的時候，
其實我告訴他，只想他安慰我，
怎料得不到他安慰之餘，令他又躁躁了。
在bebe眼中，阿揚古怪，
因為他不允許我貼他的相在頭像；
對阿揚而言，古怪的是我，
因為他不明白我這樣做是有何陰謀。
原因，就是我喜歡那張相。
我貼的全都是我喜歡的相，
沒有特別意思，只因…我喜歡。
雖然bebe有點激動，但有點我很同意，
「如果係光明正大…怕乜野？」
我在想：「好朋友不可以貼相？
嗯？既然真有其事既…唔可以貼相？
你俾人笑？怕唔知人地點諗？…
仲介意人地笑…介意人地點諗？…
我作為一個女仔…都未驚…
可能我唔知醜啦…但我只知…
問心無愧…既然我係咁貶低左你既…
點解…又要一齊呢？分開後…
唔通唔可以承認曾經大家係大家既邊個邊個呢…」
問號在腦內。
最curious的是，
經常口裏說著不介意別人看法的，
現在，竟然怕別人如何去看他。
如果佢詳盡解釋為何不讓我貼相的話，
也許只會沒完沒了的爭論下去。
他就是說了一句：
「我唔鍾意…ok？」
這樣，我要將所有…
頭像相片、名字及小句子，
統統和他可能有關的都刪掉。
我問bebe：
「如果我貼你同我張合照上網…
你會點諗丫？」
「好開心~~~~~^0^」他說。
「點解呀？」我問，因為同一件事上，
為何有南轅北轍的反應。
「因為代表你重視我…^3^」他答。
See！！！！see！！
Bebe跟我的合照，都是我自把自為的，
將它貼在我的blog上。不被責怪，
反令他感到欣慰。
我並不是將相片作非法的事，
亦不是用相片「數臭」「攻擊」誰人，
只是…分享的形式。
大家可以說我不尊重人，
但在我不尊重人的同時，
又有誰來尊重我？
刪去所有相片，
就是因為你那句「唔鍾意」；
讓步，不等如我認為自己有錯，
只是，我尊重你向我發出的要求。
若果我心存不軌，
將相亂貼上網，我該打，
那請拖我上刑場受靶。
但…我是嗎？
我告訴賢弟：
「我發現…bebe真係好錫我…」
他問：「依家先發現？」
我答：「嗯…一時時啦…」
我是一位極度膚淺的女孩，
我不知道甚麼是高尚情操、
更不知如何面對「被禁止」的事，
我只知…讓我做我喜歡做的事，
那就是最大大大大大的尊重。
「若要人不知，除非己莫為。」
我敢做，亦敢認。
文章定位：
人氣(51) | 回應(0)| 推薦 (
0)| 收藏 (
0)|
轉寄
全站分類:
不分類
