看了一齣有共鳴的電影 --- 單身部落。
又是忙到半死，做到半死的狀態，
究竟何時我才可以順利地完成工作？
「bebe, 我決定練好我既廚藝!」我說。
「屋企唔係你煮架咩??」他問。
「..........我都唔0係屋企食飯...晚晚九點先放工...
返到去成十點, 唔好話煮..我食都唔會食啦-,-
跟住搵個八十幾歲既有錢佬嫁...再日日煮好味既梅菜扣肉,
乜乜豬手...呢d高膽固醇既野佢食...
多味精多鹽多糖多辣...攪到爆血管~~~~~
遺產屬於我之後~~~~以後唔駛休~~~>"<」我發晦氣的說。
「咁食野駛鬼八十幾咩, 五十幾都頂唔順啦」
「八十歲快見效d嘛」
「八十幾都冇牙啦」
「我會好好照顧~~~整到d扣肉淋一淋....
無牙都食到~~再唔係~~~飲油!!!!>”<」
「你受左咩刺激@_@」
「我個頭好痛呀.....T^T」
「咁你仲諗D 無謂野,,,
快D放鬆下啦∼ ^^」
「好無謂咩?!@_@~我近呢一兩年都係咁諗...」
「都幾... = =」
「扭下計都唔得�寠~~~~~~>"<」
「乖~ 咁你要 去BALL 了~」
「仲要deep v, 露背..」
「再唔係去 中環D 場都得」
「0個d邊有八十幾歲阿伯呀!?我唔係應該去維園咖咩」
「傻架咩….有老豆架…..
到時2個爭你幾過癮~keke」
「又係喎~~~~點解我諗唔到....
都係bebe你叻~>3<」
「講計謀我真係幾醒架~
如果我係女 一早 搵大把錢」
「我都話我無成就咖啦~~~~~」我哭訴。
「你仲後生~ 大把幾會你學野…呵」他奸笑說。
有時跟他聊天真是蠻攪笑的，
因為他是大白痴，哈哈哈…
昨晚在我的書櫃裏，
看到一隻小貓公仔，
還記得…我的是黑白色，
而他的那隻是彩色的。
他告訴我，他將那小貓放在桌上，
要每天上班都看著它，就像我一樣。
如今，小貓子的命運呢？
「bebe呀~我想問呢..我俾你隻貓仔...你有無扔到呀!?」我問。
「扔就冇... 不過跌左.... *喊*」
「............一個令我傷心的答案」
「我想架咩... D 公仔掛係袋度成日跌
跌過 多次了, 但今次執唔返…嗚嗚」
「咁次子呢!?」
「次子就執得返, 不過放埋左一邊唔掛喇
人地掛就冇事, 係唔知點解我掛咩就跌咩」
「如果連次子都無埋.................我就......................」
「所以我而家冇掛公仔LU」
「一係你當鍊咀帶囉...」
「你玩我呀...+_+」
「你鬧我呀?」
「你係咪有所誤會 ^^"」
「你都唔係第一日識我...我點會玩你呢~ 係咪^_^」
「你知就好 啦~ 我又點會鬧你呢~^^」
「點同呢~今時唔同往日嘛~~~」
「你咁講會唔會有D自打咀巴...呵呵」
「你誤會喇...
我同以前一樣咁對你咖嘛~~~唔會玩你
但係我既『女神』位置已經有所動搖~~~所以你會鬧我~~」
「 好好既形容詞
我差D 係個位度笑左出聲」
「只係你已經唔記得左我既『身份』」
「唔係…我好中意玩哩2個字
女神經病人…呵呵」
「=.=…好！你好野!!!」
「咩呀... 講下笑都唔得咩...=.="」
「你知唔知唔可以褻瀆神明~」
「下?!」他說。
我有點狂妄。
次子，是龍貓卡通片的小主角。
常常覺得，我是次子，而bebe是龍貓。
當他前年生日時，我買了他最喜歡的加菲貓，
還有我喜歡的次子。說實話…他不喜歡看卡通，
那次我強逼他：「我要你每日都帶住次子…
我要你日日都記住我…唔準唔帶呀~~~
…嗯…最少起碼你同我出街一定要帶…
知唔知>”<~~」他答應了。
後來，他每做錯事，
我發現了後致電給他，
怪責他之前，次子的繩子都會破掉。
他說這是預兆，讓他知道…
我將會再責備他。
如今，雖然我沒有親眼看見，
但他說次子依然被保存著，
起碼有點安慰，亦…
我在他心目中依然有點位置。
下班和安安到奧海城看「單身部落」。
我的天哪！實有在共鳴得很，
給它九個半好看。
戲中的谷祖琳，惹事生非，
喜歡看到別人尷尬的樣子。
而她是戲中的角色…
咦？為甚麼那樣似曾相識呢？
我想…我有七八成像她，
不是說我和她的樣子
( 講真…我都想好似有佢咁既身材…
佢唔靚…但係好charming )
她的行為…實在…有點…
像我的故事一樣！-,-
而安安，就是戲中的李彩華。
「當女人要豁出去既時候…
就會變得很極端…」
安安，人總要變的，
無論你怎樣變，依然是最愛我的安安。
再者，我都說…最緊要活得舒服。
有很多金句：
「仲等開心？女人既開心係要自己搵咖」
「有左感情既野就一定放唔低…
上過床又好…無又好….
甚至係上過幾次都好…
都無意思…最重要係…
你係乜野身份同佢上床…」
還有陳輝虹於尾聲的一句：
「咦？真係無人…」
簡直哄堂大笑。
沒冷場的電影，
難得一齣全院都笑的港產片。
一定要買vcd。
和安安到「x」壽司吃晚飯，
其實算是宵夜吧！
聊天…
「最近成日諗起o仔同我講既野…
佢話我所追求既野同其他女仔唔同…」我說。
「我一直都係咁話咖」安安說。
「但係我仲未知有咩唔同...
係唔係？即係人地要車…
我要遊艇…」
「我又覺得你唔係講物質既人」安安說。
「咁我又真係唔係……」
「嗯…不如咁講…
如果一般女仔係追求仙境…
你就追求天外天…」安安說。
「下…咁難明既…」的確我都不明白。
嗯，是時候睡了，
三時了。
晚安。
文章定位：
人氣(43) | 回應(0)| 推薦 (
0)| 收藏 (
0)|
轉寄
全站分類:
不分類
