唔打書面語喇！
你地識睇就睇，
唔識睇就咪嘈，
台灣既朋友真係唔好意思喇！
我咁大個女，
真係未見過一個咁無腦、
咁無理、咁唔識管理既經理。
你今日同我地講既新政策，
我諗你問十個人覺得幾時生效，
會有大個人答：「即時生效」。
但係你今日講，話我知係二月生效？
先生，依家係三月呀！
你有無腦咖？
唔補OT俾我唔係問題呀，
我至多以後盡時走囉，
但係我二月咁多野做，
差唔多晚晚都要OT，
TOTAL有十幾廿個鐘，
你唔係話我知我無得補呀？
你唔好等我完左個programme先講？
都話，開OT係我自願，
但係你都唔好話我知我之前係白費丫！
講真，OT又無錢補既，
我唔通真係呃你鐘數咖！
如果真係咁唔想我地OT，
咁你咪由DAY 1開始話我知囉，
咁我再OT就係我抵死，
自己攞苦黎辛0者！
妖~~~總之白痴啦…
跟住你又安排我去做其他野，
咁我本身跟緊既野你叫我唔好做？
有無人做野可以HOLD六日呀？
救命！
好彩，IVY明白我。
佢聽完之後同我講：
「MAGGY呀…你唔好為左D咁既野唔開心啦…
其他佢既野我地知咖…佢0係公司浪費人力物力…」
呼！
今日IVY捉左我落HALL 11行場，
初初以為有野要做有野要跟，
點知問IVY：「駛唔駛帶野抄呀？」
IVY話：「唔駛咖…無野睇既…
想同你落去行下之嘛…」
一出OFFICE門口，
佢就同我講一D我估唔到既野…
初初佢講得好隱悔，
後尾我講自己既睇法同感受之後，
佢就開始源源不絕…
嗯！我會努力咖！
多謝IVY，
IVY一直都很俾機會我，
我係知咖…所以一直都好俾心機幫佢做野。
但係我最開心YVONNE同佢一樣，
我仲以為YVONNE唔鍾意我，
原來只係因為公司政策既影響，
所以有D身不由己。
開OT既時候同IVY傾左好多計，
瑪姬依然幸福。
為左TRADY、IVY、YVONNE、
PEGGY、志偉、LOUIS、O仔…
我會撐下去呀！
0係烏蠅經理既「管治」下，
我真係覺得好大好大既掣肘。
你將我分配得俾其他部門，
其他經理，你就咪理人地俾乜我做啦！
你既安排，等同叫IVY同YVONNE唔俾野我做，
咁我留0係度有乜意思呀？咁不如你炒左我啦！
有時，我真係好想同你講：
「做EVENT PLANNING真係無問題…
不過如果你懷疑我既能力的話…
咁你搵一個你認為會做得好過我既人…
跟EVENT PLANNING喇…」
除左LOUIS同O仔之外，
你搵到的話，我即遞信。
我都好氣焰同PEGGY講：
「你等收信啦…」
PEGGY話：「咪咁啦…
我都好明白你做磨心好辛苦…
不過…唉…仲有呀…
記住小心身體呀…唔好成日病呀…」
我聽後，跟她一起哈哈大笑，
語帶相關喎！哈哈哈…
睇下點啦！
我個身體一嬲都好任性既！
發脾氣之下，
買左三本漫畫，
小KATE話我豪氣！
落雨，諗起BEBE。
每次落雨都會諗起佢，
因為佢講左一D令我好深印象既野…
「唉…又落雨…真係好怕落雨…」我話。
「咦？乜你都怕落雨咖咩？
我都係喎…我同你真係夾咖0者…」佢姣姣咁講。
「…你好核突呀講得…」
「咁人地都係想同你有共通點0者…
係喎…點解你咁憎落雨呀？」
「因為我試過落雨之後…
個地仲濕…我行樓梯跌親…
之後暈同入急症…醫生話我好彩…
跌親既係尾龍骨前上兩節骨…
如果跌正尾龍骨的話…我下身郁唔到…」
「哎吔…咁你小心D喇…」
「咁你呢？你又怕落雨…點解呀？」
「我一落雨既心情就會好差…
無心機做野咖喇…」
「懶就懶啦你…又賴個天…」
「真咖…落雨最憎出街…
D仆街成日一把遮咁“隊”埋黎…」
「唏…唔准講粗口呀…
…咁落雨有人擔遮好正常0者…可能人地唔想呢…」
「佢地都癲既…一“隊” 就“隊”我手臂…
你知啦…我咁既高度…佢地一“隊”埋黎…
我一定還擊咖…」
「下？小小碰撞咋喎…還擊乜野呀？」
「睇下佢“隊”完會講乜啦…
如果佢講“唔好意思”…咪話佢囉“乜野唔好意思呀…
你俾我隊返野丫…”」
「…………你咪咁無聊啦……
人地都講左唔好意思喇…
唔准咁無禮貌咖…」
「乜野呀？有D人仲“隊”完再“隊”…
我會一手拍走佢把遮…」
「下？駛唔駛咁呀？人地都係唔小心…」
「咩呀？我俾人蝦呀依家…
我拍走佢把遮…佢仲鬧我呀…」
「俾著我都鬧你啦…無啦啦拍走我把遮…
唉…咁你跟住點呀？」
「佢鬧我…“你做乜拍我把遮呀？”
我咪答佢…“你無能野呀？盲咖你？
一野隊埋黎唔痛咖？你俾我隊幾野丫！”」
「痴線咖…你簡直係大聲夾惡呀…」
「乜你咁咖…我俾人蝦你仲幫外人…」
「咁係你唔岩丫嘛…仲乜要同人嘈0者…
你再係咁…我唔同你出街呀…
我唔想同個野蠻人出街呀！」
「…咦…好衰咖…明明我係受害者…」
好記得0個時我係話左佢好耐，
因為真係無禮貌丫嘛！點解咁記得？
因為我想像唔到我身邊有個咁既惡人。
好彩佢無惡過我，
亦都無鬧過我。
哎！好掛住你呀bebe…
文章定位：
人氣(38) | 回應(0)| 推薦 (
0)| 收藏 (
0)|
轉寄
全站分類:
不分類
