又多兩個人給我鄙視，
一個是昨晚的他，
一個是…我自己。
今早的我，眼神空洞，
淚珠在眼眶裏，
不想滾出來，
因為沒資格。
兩年了，
已經兩年沒有這個衝動，
就是衝出馬路的衝動。
實在太鄙視太討厭太憎恨自己…
瑪姬，你將會受到懲罰的。
不是因為做過甚麼而鄙視自己，
而是答應了自己的事，
做不到，辦不到，
即是食言。
連自己承諾的事我都做不到，
有點想被吊起毒打來懲戒自己。
自己一人逛逛街，
買了一對長靴，
還買了小禮物給姐姐和師姐。
六時多，收到蓉蓉電話，
問了我一句：「瑪姬~~~~~
你今晚陪我飲野~~~~
我要飲酒精既野~~~~」
我想也沒想，答：
「得！無問題…
我食完飯打俾你地…」
細欣在電話的另一端說：
「瑪姬~~~~~~
KINKI佢今日唔掂過我呀…
唔係我呀~~~你要過黎…
睇住KINKI呀…」
我再答：「得啦！
無問題喎…一定到！」
相約姐姐在佐敦等，
又逛尖沙咀。
太多人了…有點燥燥。
八時半，到美國星期五餐廳，
吃晚飯。
好味喲！那個芝士焗薄片，
真是呢…
七人行，大家吃吃喝喝真高興。
由於收到蓉蓉及細欣的號召，
大約十一時多，轉戰太子。
( 喂！姊妹叫到唔係唔出呀？
唔係唔劈呀？唔係唔俾面呀？
我瑪姬係D咁無義氣既人咩？
呵…蓉蓉你要醉，我同你一齊醉。)
現身於歌德酒吧後，
細欣說：「嘩…瑪姬你件衫好似戰衣呀！
金色既~~~哈哈哈…咁咪好囉…
你唔好著黑色喇…你著其他色啦…
咁樣你個樣會隨和D咖…」
哈哈哈…謝謝細欣！
事實我蠻喜歡這件衣服，
但由於有點點昂貴( 我覺得 )，
所以平日不會穿喲！
反正這夜實在突破，
又露肩又裙裙又長靴這樣子，
我應該是嫌命長吧！
這樣豬豬的走在街上，
沒被人打死都尚算走運。
今晚喝啤酒，
很飽呢！還未有酒意，
都已經「飽到想嘔」。
沒辦法…剛剛的晚餐實在太充實。
但依然頂酒！
呼~
真有夠飽。
是我並不知醜，
還是酒精驅使，
又或是大膽了？
是我太貪玩吧！
姊妹喲！
若我真的有興趣，
不會只是問名字呢！
跟姊妹們聊天，
說起那個撥亂反正的高手，
越說越勞氣，蓉蓉捉著我的手，安撫我。
放心！我沒事！^^
只是我討厭人搬弄事非，
甚至做一些令人誤會的事後，
將責任推落別人身上的人，
更可恥的是，他是男人。
先講公事，
簡直不知所謂。
他不知道甚麼是刑事罪嗎？
說起他對我說的話做的事，
我說：「我諗我要係冷感…
又或者係冷血…咁我就唔會誤會…」
細欣和議：「我係一個普通女仔…
都會誤會啦…」
問我是否喜歡他，答案是「不」，
那時，我倆都沒有伴侶，
曖曖昧昧的絕無問題。
蓉蓉，希望你別介意我這樣說：
我實在覺得他是「借我過橋」。
這是一年前的事，我還記得清楚，
我最記得的是朋友的一番說話：
「瑪姬…你唔係咁都輸呀嘛？」
戰敗了，只怪我手法不及他高明，
亦不夠他聰明，更不像他懂得利用別人。
於我發生的都說出了，
SUKI說：「其實佢有提過你同佢既野…」
噢…謝謝啦！先生，你不是很討厭SUKI的嗎？
為甚麼跟她談私事？一時一樣…虛假。
細欣說：「瑪姬…點解你唔早D同我地講呀…」
噢…波仔，你不是不知道當時情形多惡劣嘛！
我再說只會「講多錯多」，再者，
以當時我的人氣度，我相信我說一萬次，
你們都會選擇相信他呢！
^^…懂得我的人，
便知道我不會做一些沒效果的事，
現在才全盤托出，不遲吧！
即使我不說出事件過程，
你們都會找我出來吃喝玩樂，
那…何時說根本不重要，
重要的是，我們彼此已經沒有芥蒂嘛！
我說：「佢同我出街…佢嫌我矮咖…」
細欣不屑的說：「唔怪得佢淨係認我做女啦…」
哈哈哈...別跟沒品味的人計較，
你們責備我也好，說我沒品也好，
坦白說，我覺得你們比「阿嫂」漂亮很多。
(…秘密…我同李洛第一次見佢女友…
0係旺角街頭…見到既時候…嚇左一跳…^^”)
經歷這件事後，
大家會不會認為我是一位極度口密的人呢？哈哈…
蓉蓉，我實在明白你處境，
因為我都置身其中。
我不是有小聰明估得到，
而是我明白…為甚麼你會喜歡他。
他是一位很有智慧的男士，
幽默、但認真…
他的眼光很闊很廣…
現在的你選擇不說，
你會心有不甘；
若你選擇說出口，
你又怕會影響關係。
這個案…
實在似「一刀插入我心」。
曾經選擇不說，
默默的在他身邊，
只要他快樂，
只要他關心我，
只要他會緊張我，
只要他遷就愛錫我，
只要他…時時刻刻想起我…便夠。
但，人總是自私，
這種狀態維持不了很久。(…對我來說…)
在他身邊，做他好友，
要承受的是他身邊女伴常換。
即使不換，女孩們在他身邊團團轉，
你也會總覺得不是味兒。
但，你可以呷醋嗎？
不！因為你沒身份。
(…咁我好彩少少…我可以扭計仔
唔可以俾我知佢同其他女仔傾計…)
那弊了！
不可呷醋，要裝大方，
還要若無其事…
猜到那個痛苦程度嗎？
真他媽的！我寧願裸跑。
由於感性的人總會易嫉妒，
我也曾經因這個話題跟他吵架…
「你老老實實話我知…你係咪有第三個？」我問。
「乜野第三個呀？…」他答。
「哈哈…你有女朋友…又有我…再多一個咪第三個」
「唏…唔好講D咁既野…
邊有分一個個…你就係你…」
「我唔理啦…我唔係你女友…
但係我唔鍾意你咁多女人0係身邊…」
「0個D點同你呀？0個D真係朋友…
都無野…地位都唔同…你地位高咁多…」
「咪一樣係女人…我唔理啦…
總之我好唔鍾意咁多女孩圍住你…
因為遲早有日佢地會搶走你…」
「痴線！你唔好諗到咁啦…
我點都會0係你身邊咖…」他說。
那，現在呢？
當有一天忍受不了，爆發，
將你心底的話完整說出，
那時，你和他都會受不了。
也許你不是我那樣毒辣，
說反面便反面…沒有酌情。
我是一個討厭別人說謊的人，
那時若果他坦坦白白告訴我，
反而我不會發火，因他誠實。
現在他又自首了，
後果：死路一條。
細欣問：「瑪姬…你唔後悔咩？
話反面就反面…話哂佢都咁錫你…
可能佢遲D會搵返你呢…」
我說：「唔會後悔…點解要後悔？
佢好醒目咖…我今次咁認真…
佢唔會再敢搵我咖喇…」
(…佢0個日同我講既時候…
我唔爆粗鬧佢唔掟電話…
已經覺得自己既耐力同EQ好高喇…=_=”)
我對她們說：「0個日佢話我知…
我鬧佢…話佢唔係唔知我點諗…
佢答我…你仲細…我頂佢個肺…」
細欣說：「細？佢想要幾大呀？」
喇喇喇…一個不能說服人的理由呢！
你說你不喜歡我，我都逼著接受，
但說我「仲細」，會不會有點過份？
(…O咀…除左O咀之外…乜都做唔到…)
蓉蓉，你作任何決定我都會支持你，
緊記，受不了撐不住的時候，
說出來，讓我們為你分擔。
我不願意看到你們關係變疏遠，
因為你和他都是我的好朋友。
好像「有口話人，無口話自己」，
可能實在太恨他給我模稜兩可的答案。
SUKI說：「瑪姬…我0係佢地心目中…
我已經好強…但係佢地覺得你仲強過我呀…
你實在太厲害…女人中既典範…」
實在令我摸不著頭腦的話，
何以見得呢？？？
典範？不敢當不敢當！
我只是比任何人極端，
極端在…愛就無比包容，
反之，不要在我面前出現。
有時像我一般，
只會保護自己，
築起圍牆，
拒絕外界…
不是一件值得欣賞的事，
甚至應將我例入反面教材。
這只會令我越來越一事無成呢！
懂得將心比己、
懂得體諒別人、
懂得愛錫他人…
這些女孩才值得人喜愛的。
各姊妹，好好保持你們的優點，
這是全是吸引好男人的長處喲！
四時多已經知道你受傷。
內心不斷掙扎…
很想很想探你，
很想很想在你身邊…
若你容許的話，
我會放棄這晚聚會。
想撥電話給你，
要考慮…你會否聽我電話？
若果我問，你會否拒絕我？
我應用那個語氣跟你交談？
是勞氣嗎？我沒身份勞氣。
是溫柔嗎？但我怒怒你又弄傷。
是平淡嗎？但我擔心得要死呢！
是激動嗎？又好像有點小題大造…
太多太多顧慮…
再想：「不如sms佢啦…」
更嚴重。
如果給你短訊，
你不回我，我怎辦？
若你回我…不會吧！你不傳短訊的。
若果你直接致電給我回覆，
我會否口啞啞，無言以對？
但若果會和你在電話交談，
那為甚麼要傳短訊呢？
那不如放棄吧！
我已經被他拒諸他的生命內…
關心他，他會否覺得多餘？
受不了！
受不了瑪姬這樣婆媽！
坐下，撥電話…
「你做緊乜野呀？」我淡淡的問。
「無呀…0係張床度…」他答。
「點呀你？條腰有無事呀？
好嚴重呀？行唔郁…」我輕輕的問。
「你點知咖？哈哈哈…
邊個話你知咖…係呀…行唔到…」
你的語氣輕鬆得有點嚇我…
你是高興我會致電給你關心你，
還是…勝利的語調呢？
(…其實係似後者…)
你這樣的笑笑，
真令我哭笑不得。
大少，這可不是鬧著玩的。
關心你的傷勢後，
一口氣說出我過去幾個小時的思想掙扎…
「我真係有諗過打俾你咖…
但係我驚你唔聽我電話…又或者唔俾我黎…
我會受唔住你親口俾個檸檬我食…
咁又諗過sms喎…但係又驚你唔覆我喎…
咁你唔覆我…我又會唔開心喎…
又諗過唔理…但係又忍唔住喎…
真係好擔心…」我巴啦巴啦的說。
「點會唔聽你電話？幾時有唔覆你呢？
你就算真係sms我…我都會打返俾你…」你說。
你知嘛？我聽到後很感動的。
「衰人！你應承我陪我過聖誕咖…」我撒嬌地說。
「我跛左0者…如果唔係就出左黎啦…」
「我要你補返個聖誕節俾我~~~~~~」我>”<說。
「你想點補…？」
「我唔理…我要聖誕禮物~~~~~~~」我>_<說。
「你想要乜野聖誕禮物？我買俾你…好無？」
你給我的答案有點意想不到，
所以其實我接不下去的。
「你都唔錫我既…」我>.<說。
「幾時有唔錫你呀我…？」
「你都唔關心我既~~~~~」我>”<說。
「邊有呀~~~~！」
扭計扭計扭計扭計…
我真性情，
面對著他，
真是像個小女孩。
我要他答應我很多個「唔準」…
「唔準唔錫我」「唔準鬧我」
「唔準對我差」「唔準唔理我」…等等。
問心，我沒想過一個月的時間還未過，
我可以跟他如此地交談，非我想像的。
我恨他，這是事實，
但很累呀…
我寧願對一個人毫無感覺，
即是他是生是死都與我無尤，
比起憎恨一個人更加容易。
姊妹們，要澄清的是，
我並不如你們想像般堅強。
看！我都有我的弱點呢！
文章定位：
