肥文看到我第一句說話：
「嘩…瑪姬…你今日既打扮好似去爬山咁喎…」
昨晚…應該是今早的四時才睡，
六時五十分起床，天哪…！很睏。
吃個早餐，收到肥文電話，
快快的拾好東西，然後出發。
八時多到達彩虹地鐵站，
第五組的兩女組員和肥文已到。
大力出現，還有思惠和阿賢，
然後再到小巴站，乘小巴到西貢。
在小巴上，大力對我說：
「瑪姬呀…你知唔知尋晚幾攪笑呀？
Winnie0係msn同我講…”alick呀…
我有樣野唔知同唔同你講好呀…”」
我說：「下？佢想講咪講囉…
一係講一係唔講…點會唔知同唔同人講呀…」
大力續說：「係囉…我都同佢講…say or not say…
然後佢就話 “…佢地有好多人都知瑪姬既日記呀…
佢地好多人都睇瑪姬d野…”…」
我說：「我一早知啦…我知佢地有我日記呀…
肥仔同我講左啦…咁有咩問題呀？」
大力說：「我都唔知有咩問題…我咪同佢講…
我都唔知瑪姬日記囉…但係佢地睇都唔係問題丫…
日記就係愛黎俾人睇咖啦…」
我疑惑地說：「係囉…個日記係open咖嘛…
咁open得就係俾人睇啦…寫得出黎就俾得人睇…
唔俾得人知就唔寫出黎啦…我唔明有乜野咁大件事…」
猜不透猜不透…
這麼一個簡單的道理，
就是我的網上日記是公開的，
公開的東西就是給人家看的，
為何要弄得那麼複雜？
不明白不明白…
到了西貢，等了良久，
依然不見第六組的組員人影，
甚至嬌姐和kelvin到達，還不見他們。
他媽的！本人極度討厭別人遲到！
又不是平時的逛街看戲吃飯，
今天是工作訓練日，是工作時間！
為甚麼會有人那麼不負責任？
還是小孩嗎？要教他們甚麼是守時，
如何做一個有責任心的人嗎？
若我還是第六組的領袖，
我必定抽他們出來，逐一問話。
成何體統？一點也遺傳不到我的傳統，
一個沒有遲到紀錄、出勤紀錄良好的領袖，
竟然有一班遲大到的組員，有夠羞恥！
到達訓練營，會祖兒媽會合。
更衣後，比賽訓練開始了！
大力對我說：「瑪姬我去team 5啦…」
我說：「點解呀？唔得咖…
我叫你黎係想同你同team嘛…
你唔可以過隔離組咖…」
他說：「你明唔明呀瑪姬…我同你要分開玩咖…
我地0係埋同一組的話…會無野玩…
太強喇我地…」說罷，他便走到第五組，可惡！
第一個遊戲 --- 木伐
哈哈哈…其實當我收通告的時候，
然後再和祖兒媽通電話時已經猜到，
就是這個遊戲。
聽教練哥哥 ( 其實都唔知係哥哥定弟弟…)
講解如何結繩結後，開始討論了。
你一言我一語，跟我想像一樣，
大家都七咀八舌…唉…
這樣子很大機會失敗的。
商討後，決定…
四個膠桶十二支竹三十條繩。
開始紮木伐了！
大家都手忙腳亂，
像…沒組織過一樣。
我不停快手快腳地綁繩結，
又不停地聽到別的組員求救…
「瑪姬…唔得呀…」
「瑪姬…我綁唔到呀…」
「瑪姬…唔識打結呀…」
瑪姬瑪姬瑪姬...
像歌手在演唱會時，
被歌迷狂呼名字的場面。
教這個教那個…
教到某段時候，沒太多時間，
唯有拋下一句：「等我黎啦…
你過另一邊幫手啦…」
然後又重覆同一個綁繩結的動作。
用力狂拉狂扯繩子的後果，
就是手掌變得又紅又腫，
麻痺了，發不了力。
當教練要我們反轉木伐時，
膠桶左搖右擺，大家都大笑了！
可能是大家都知道…木伐會散唷！
穿好救生衣後，搬木伐到河邊，
八個人抬這個木伐，行不穩站不定…
放下水，噢！非常不穩固的木伐唷！
一個一個組員坐上木伐，
大家都尖叫了！因為木伐浮來浮去，
再者就是，眼看它快散掉！結果…
全體組員坐上木伐後不久，
教練哥哥說：「得喇…你地可以返上岸喇…」
被嬌姐祖兒媽喝倒采呢！
被笑我們木伐的下水禮這麼快完結，
說真的，我寧願撐到河中心才散，
因為不掉下水，不好玩呢！
當組五組六同時拆木伐時，
肥文聲大大的說：「咦？唔成功喎…
不如黎個大懲罰丫…」
我聽到後，喝：「鄭展文，
你夠膽就同我落河”撕片”…」
囂張地挑釁我？可惡的肥文！
在洗手的時候，女組員在我身旁，
當她不為意時，我用水潑向她的面，
她高呼著：「嘩~~~我仲以為alick同阿man會咁…
估唔到瑪姬你都會咁對我地…」
我哈哈地說：「哈哈哈…你唔係唔知我貪玩呀？」
說罷，我跑到大力的背後，
用他的衣服抺我濕濕的雙手，
他不甘心，又將手上的水抺在我的背…
跑來跑去…哈哈哈…傻的。
洗個澡後便吃午飯。
和祖兒媽嬌姐kelvin同枱，
談東談西。
嬌姐說到她兒時的頑皮事，
可怖呢！她說她小時候，
和她的哥哥看到蜈蚣時，
會用她媽媽的洗甲水倒在蜈蚣身上…
然後…
用火燒！
天哪！我想像不到！
我想像不到嬌姐會如此…
我衝口而出的一句：「好變態呀…」
她還有更「意想不到」的回憶告訴了我們，
簡直是…「愛登士家庭」。
謝謝肥文的特濃巧克力甜筒唷！美味！
第二個遊戲 --- 高橋
又是組五組六之分。
這個遊戲，無論是討論時，
又或是安排人手，
還有就是進行中的時候，
我都很滿意。
難度不高，但大家都沒有輕視。
最使我高興難忘的是…
兩組的每一位組員，
不論是我組還是他組，
大家都非常投入。
嘻嘻哈哈的、
緊張的、鼓勵聲不絕的…
總之這個遊戲使我非常滿足！
每有一個組員安全上高橋，
再安全成功地著地，大家都拍掌。
那種氣氛，是我意料之外。
大家都笑到面紅耳熱了，
情緒高漲…yeah！
遊戲完畢，經過教練哥哥身邊，
他突然說：「嘩…你隻手瘀左喎…」
我說：「下…？」
他說：「係呀…你隻手臂瘀左呀…」
我下意識看看自己的右手，微笑說：
「哦~~~呢個舊患黎咖…之前整親…」
我還未說完，他已搶先的說：
「唔係呢隻手呀…另一隻…」
然後我便看看我的左手手臂說：
「無呀…無喎…」
他說：「真係咖…0係入面…」
我疑惑地說：「下？入面…？」
我拉高自己的衣袖，
看到上手臂的內側真的瘀了。
我說：「嘩…你好眼利喎…
俾衫袖遮住左你都睇到既…」
果然是教練哥哥，厲害厲害。
若不是他說，然後我拉高衣袖看，
我猜，我要到今晚洗澡時才看到。
指定動作，
訓練過後的分享。
又是祖兒媽主持大局。
我參與這類團體精神訓練，
亦就是team building已經有四次了。
第一次是上年八月，
第二次是上年十二月南丫島，
第三次是今年八月，
這次是第四次…
這次的訓練，說真…
不刺激、難度不高、
不辛苦…但每位都參與。
論投入度、刺激度、難度…
都是南丫島的最厲害，
所以這次感受不大，
志在嬉戲。
在分享其間，
祖兒媽對著我和大力說：
「你兩隻野唔好出聲呀…」
哈哈哈…被祖兒媽看穿了，
知道我們都喜歡「攪攪震」。
談到今天第六組全體遲到的處罰，
大家都沒有發言。作為他們的前leader，
我說：「我贊成罰丫！點可以要咁多人等…
搵一日要佢地返八點半放八點囉…罰返0個兩個鐘…
一係罰佢地唔可以放break囉…
我地依家都話…邊個放完lunch遲返call sign的話…
全team無得放break丫嘛…呢個係必要喎…
點可以容許員工遲到？乜野藉口都無用啦…」
說到懲罰遲到的人，我是最認真的。
日落，在營地拍個照後，
乘巴士回到西貢吃海鮮，
選擇老字號的「全記」。
點菜…
芝士焗龍蝦伊麵底
椒鹽瀨尿蝦
椒鹽墨魚筒
白灼海蝦
蒜蓉紛絲蒸鮮瑤柱
白灼兩眼螺 (…嗱嗱嗱…呢樣真係唔記得叫乜野名…)
蒜蓉炒西蘭花
西芹腰果炒雞柳
薑葱蟹
應大力要求，
我必要提這夜所吃的菜色唷！
芝士龍蝦比一般酒樓美味，
起碼它有芝士味！不是說笑唷！
平常的酒樓只有一「pat」醬，
還要是吃不出甚麼味道的醬。
這次不同呢，恰到好處的芝士味，
配上爽口彈牙的龍蝦肉…
椒鹽瀨尿蝦…簡直惹味！
又是以我的筆墨難形容的。
蝦殼炸得應軟的軟、應脆的脆，
蝦肉沒有因過熟而變得硬，
椒鹽味足夠，吃罷要啜啜手指才滿足。
連怕熱氣怕皮膚敏感的我也吃了兩三件，
你看它的吸引力多強，簡直是…讚喇！
椒鹽墨魚筒的味道被瀨尿蝦蓋過了，
變得有點失色！不過，廚師炸得酥酥脆脆，
是令人回味的其中一個菜色。
蘸上酸辣醬，中和了這道菜的油膩感。
沒有難度的白灼蝦，
只要是蝦蝦新鮮便美味呢！
蒜蓉紛絲蒸鮮瑤柱是肥文的最愛，
點菜時他誓死要這道菜。唔…
事實我只是吃了一件，
味道很香，瑤柱小小的很可愛。
蒜蓉豉油葱花令平平無奇的粉絲變得突出，
不捨得遺留一絲於碟中唷！
白灼兩眼螺要用竹籤挑它出來的，
然後蘸上甜醬…唔…
都是白灼的東西沒大驚喜，
只要是新鮮便不難吃。
我猜著蒜蓉炒西蘭花…
究竟用了多少個西蘭花？
為甚麼上菜時看到像座山？
我狂吃西芹腰果炒雞柳，
因為我愛西芹和腰果。
薑葱蟹是唯一一道我沒碰過的菜，
不是因為它醜怪，不是我歧視蟹，
亦不是同事吃光而我沒份吃，
而是…
太飽了！
我吃了這麼多，
胃子還有空位給蟹蟹嗎？
別耍了！平日我在晚上不吃肉不吃飯，
只是吃點菜喝些湯…今晚已經超額了！
若要我放蟹蟹入胃，噢…
不是入胃，是入口…
我相信我會飽到噴了出來！
飯後，大家談談笑，
說到肥文的奇怪事，
原來他試過因笑得過份激烈，
腸抽筋入院…
肥文說：「0個次我同我阿妹0係屋企…
我諗到d無聊野…跟住就係咁笑…
之後笑笑下發現停唔到…跟住就腸抽筋喇…
咁我咪打九九九報驚call 白車囉…」
我問：「咁接線0個個有無懷疑你係玩野呀？」
他說：「有呀…佢同我講…”喂…你係唔係玩電話呀？
你仲笑緊”…咁我咪話我笑到腸抽筋…跟住講地址…
地址都講左幾次呀…因為我笑住講…佢搵唔到個位置…」
此時，大家都笑到傻了，
我更加笑到流眼水…
他續說：「上我救護車0個時仲勁呀…
個救護員問我…”~喂…0靚仔…你乜野事入院呀…
你仲笑緊喎…”…咁我咪話我笑到腸抽筋入院囉…
佢話佢做左咁耐…笑住入院既人都係第一次見…
「我去到醫院既時候…個姑娘又問我做乜事…
我話我笑到停唔到腸抽筋…跟住佢問我有乜野咁好笑…
我答佢其實係自己諗起d無謂野跟住笑…
個姑娘聽完之後都笑…
「之後個醫生黎到…我仲笑緊…佢問我要唔要打d鎮靜劑…
我都只係”up”下頭咋…我驚我一講野會咬親條利…」
思惠說：「應該送你入精神科…」
哈哈哈哈哈……………….
癲的！
還有，就是說到那次三號颱風，
他工作時，因為打嗝而被客人罵。
他說：「咁0個次係咁打c益…咁又要serve客喎…
其實之前已經打左好耐…咁你都知啦…
就算我唔透氣呀…都要一段時間先唔打咖嘛...
咁個客一路問我野…我一路”益~益~益~”…
咁初初個鬼佬都無乜野咖…之不過…
有一下好高音咁”益”左出黎…跟住佢就鬧我喇…」
哈哈哈哈…我也試過在工作時打嗝，
但沒有被客人責備，那是我幸運呢！
這次經驗教訓我們，
打嗝時要盡快令將身邊的客人離開自己，
亦就是說，要盡快答！
結賬！
九個人九款菜九支汽水…
還有果盤。
猜猜總額…
一千三百九十元正！呵…強喲！
飽飽後大夥兒到小巴站乘車，
途中說到我曾到魚排釣魚，
肥文問：「你有無試過跳落魚排游水呀？」
我答：「痴線咩…去魚排釣魚…又唔係游水…」
他說：「唔係喎…我試過喎…」
我說：「你係唔係白痴咖…」
他說：「嘩…幾驚呀…d魚咬咖…
我幾驚佢地當我0個部份係蟲仔咁食左呀…」
我說：「真係幼到咁…」
我還未說完，肥文已經追過來，
我躲到大力後面，他竟然避。
我說：「alick你唔係避呀？」
他大笑說：「唔係唔避呀？」
賤人大力！
飽飽累累的一天，
十二時多，眼睛已經睜不開了…
文章定位：
