兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

究竟發生甚麼事？
你知我有多擔心你嗎？
為甚麼要這樣？！

今早回到公司，
對綺君說：
「我二十一號last day…」
然後睜大她那精靈的雙眼，
接著說：「瑪姬…我可唔可以殺死你呀？」
我說：「咁嚴重？」
「你離我地而去…我要捅死你…
你快d俾我捅幾野……」
她拉著我的衣袖說。

然後肥文和嘉如，
都怨氣沖天。

和師傅nicole和三位acting leader聊天，
說那班不知所謂、沒有紀律的同事，
我說我不會再管。
被縱壞的人，教而不善，
不要浪費我的心血和時間。

到丁四探展超和蒙利卡，
哈哈哈…
他們都是傻的。
尤其是展超，簡直是癲。

吃飯後，
和他們做deployment…

跟學生機場大使做完小組會議後，
到七樓櫃台找師傅白賴仁。
可惡的他，明明那個小組會議由他主持，
他懶呢！又是我替他主持，沒他辦法。

白賴仁一見我，便說：
「喂~入黎傾兩句丫…
我聽到個驚人既消息喎…」
真是唷！傳到他耳邊了，
還想親自告訴他。

「講真丫~maggy…你係時候走啦…
唔通仲同佢捱呀？你都功成身退啦…
你係最後一個leader留0係度…
都算係完成到個programme啦…
唔通真係同佢做到最後咩？無必要丫…
其實依家黎講…我知你好辛苦好大壓力…
你係最後一個leader…可以話係元老級leader丫…
你依家唔單止要睇住班acting leader…
又要睇住班細既aap…又要聽上頭既野…
你唔駛講呀…我都知你有幾大壓力…
佢地有乜野”依郁”…第一個一定係你受先既…
你襯岩時候就好走喇…唔好0係度嘥心機啦…
你做到野既…咁岩expo又請你…
梗係走啦…你過到去有個人係in charge你個project既…
姓胡…你話俾佢知你0係機場既時候跟我啦…
佢一定會照顧你既…」白賴仁說…
謝謝你！

「maggy…其實我知你係一個好有原則既人…
我記得你領獎既時候講過…你一定會做到最好…
做到最後…0個時我就知你係好有心留0係度…
不過每個人去到唔同個stage就要改變咖啦…
你依家都算完成programme…講真…
都只係淨返個零月之嘛…咁都唔算完成呀…」
「你唔明喇…gillian唔俾我走呀…」
「你都痴線既…啋佢都傻啦…做咩要聽佢講呀…
有路數梗係要走啦…唔通真係同佢捱到最後呀？
你襯你仲細呀…見多d野…唔同我呀~都唔知做唔做好…
你知啦…我又老喇…」
「你係咪玩野呀津津…你都叫老？」
白賴仁就是這麼坦率，
他的話是會我多方面思考的。

「依家呢班acting leader有邊個行出黎似個leader得咖？
無呀…唉…個個講野陰聲細氣…又唔firm喎d語氣…
唔好話叫人信丫…連聽都唔會聽呀…你走得合時咖
你唔走…佢地一日都會依賴你…你走左佢地先會逼自己成長…
你係度既話…佢地有乜野事都會第一時間諗起你…
有乜野都call你…你咪又係周身唔得閒…」
「得喇…依家咪走囉…」
白賴仁是一個極力遊說我離開的師傅，
在他而言，我是一位有發展空間的小徒弟，
所以他由第七屆開始，已經勸我考航空公司，
只是我沒有興趣，而放棄機會。

謝謝他在第七屆時，
投我一票。
得到那個最佳獎項，
他有功勞的。
他是個很扶持我的師傅，
尤其是心理上。

別人說：「天時地利人和」
這六個字…
他卻贈了我九個字：
「順天時、就地利、創人和」
我會銘記於心的。

還有：
「喇maggy…去度邊都有好人同衰人咖喇…
尤其係做野…d衰人攪你就唔好理人…
好人幫你你要俾心機去學去聽人意見…
唔可以成日以為自己0個套岩…
可能人地0個套work呢…要慢慢聽…
仲有…如果0個個地方係無好人既…
走囉~~~去一個有好人既地方…
去邊度做野都係…要搵伯樂…
無伯樂就走…唔好同佢講咁多…
但係搵到伯樂既時候…俾多d時間聽人講…
等人地去欣賞你…知嘛…
你0係我眼中仲有好多野係唔到level咖
俾心機呀知唔知呀…」

謝謝白賴仁，
這年裏，無論是嬌姐、
祖兒媽、所有師傅…
都是我的伯樂。
教懂我教曉我的…
多不勝數。
希望愚笨的我可以永記於心，
有事時會記起你們的說話，
令我清醒，使我走正路。
閒時，在腦內重溫，
使你們的說話經常出現，
不讓自己犯下同樣的錯。




和白賴仁談了半個多小時，
走到五樓，先是東宮，
後西宮。

探了組內的兩位女女，
純真的她們，希望她們會快快成熟。



















失蹤了一整天…

天哪！
很可怕的感覺！
究竟你去了哪兒？
知不知道這令人十分擔心？

由一時多到現在…
晚上十二時了…
第二天了！

由初初的擔心，
發怒、又擔心…
又怒…

到現在，沒氣了！
放棄打電話。

不想我緊張到喪的話，
麻煩回回電話。