從來沒見過肥仔文會爆粗得這麼厲害。
一大早，在更衣室，
W小姐第一句對我說的話就是：
「瑪姬呀…你有無俾人照呀？」
我問：「下？乜野照呀？」
她說：「乜無人照你咩？攪到咁大件事…」
我疑惑地問：「乜野事呀？我唔明你講咩…」
她說：「ALEX喎…」
我說：「哦~~~0個件事呀…KELVIN同恭SIR見左我啦…」
她問：「照左喇？」
我說：「都唔算照既…見囉…恭SIR話我知發生乜事0者…」
嚇死！又照？
我的肺已經又穿又爛了，
再照我便靈魂出竅。
她說：「GILLIAN都知喎…你點呀瑪姬？」
我答：「我知GILLIAN知呀…JOEY媽都知…
個個都知啦…佢地0的高層見哂我啦…」
那個燥狂的同事，
可否理智點點？
沒有人在針對你，
只是你自己覺得有人玩針對。
我都向KELVIN和師傅恭恭說：
「喂~如果你地出得起五萬蚊一個月…
叫我針對一個人…我一定會做！
但係我收幾多人工呀？你估我真係好得閒咩…
我針對佢又無好處…我針對佢做乜？唉…」
祖兒媽你真待我不薄呢…
編了這個燥狂的組員給我，
我都已經很火爆，他比我強千倍。
究竟他何時才明白？
究竟他何時才開竅？
我怕我會被他激死。
在丁二見到肥文，
他說起令他勞氣的C小姐…
和她的組員。
從來沒見過他那麼粗鄙！
連珠發炮的…
「瑪姬…你知唔知佢地今朝幾…$#^$^&%wrgdfsgxetty#%&%$t#qr」
我一邊掃他的背，
他一邊爆爆爆…
我安慰及解釋著：
「其實去到邊度做野…都有D咁既人…
你勞氣得幾多…你都知佢不嬲係咁…
你咪唔好同佢有正面衝突囉…
佢講野你咪當佢唱歌…」
還記得肥文他第一天上班，
嬌姐就說：
「喇…你以後直屬瑪姬喇…
佢寫你APPRISAL…你乖D呀…」
他和我一樣，屬於火爆一族。
我亦記得，初初他被我逼得透不過氣來。
每天不是問航空公司資料，
就是問他機場商舖位置，
又或是問他機場內的東西，
更誇張是問他如遇突發事件的處理方法。
每天不停的不停的…
他曾經一度表現最佳的新同事。
後來他清楚自己的表現比別人優勝時，
開始囂張起來。我對大力說：
「呢個0靚仔恃住自己叻過人就咁串…
我地一定要挫挫佢銳氣…大力幫幫我…」
後來我們的關係變得惡劣。
冰釋前嫌，
現在他是一位十分尊重我的代隊長。
當這屆有第二批的同事工作時，
他曾經對別的同事說：
「嘩…你睇呢班人點做野…
個個都唔掂…好彩以前瑪姬對我地嚴又認真咋…
先教到我地個個咁醒…依家班人唔得啦…」
從其他同事口中聽到，
我笑笑的說一句：
「死仔…依家先知我既苦心呀~~~
不過遲左四個月LU~~~哈哈哈…」
肥仔文亦曾經當面對我說：
「瑪姬…你執返正個教鞭啦…
我唔想機場大使衰呀…你嚴D啦
你依家太淋喇…咁樣佢地唔會做野咖…」
我解釋：
「我唔會再惡同嚴咖喇…你係佢地既師兄…
文仔…我將佢地交俾你地咖…你地要好好教佢地…」
他說：「瑪姬唔得咖…要你出聲佢地先會醒咖…」
我笑了，但沒有回答，
亦沒有跟從他的建議去做。
看著他，便像看到自己。
看到現在的他，
就像半年前的自己。
以前是大力掃我背叫我冷靜，
現在身份調轉了。
說真，今天的肥仔文，嚇了我一跳。
希望他明白，當LEADER除了經驗、
知識智慧外，還有重要的 --- 容人之量。
希望他們忍耐多點點時間，
我…會做點事呢！
將她由代隊長貶回普通組員，
不是一件沒可能的事。
巧遇李洛，
她依然明艷照人呢！
原來她有看我的日記…哈！
唏！何時和候生拉埋天窗呢？
我要參加你的婚禮，
也要當你寶寶的契媽唷！
飯後，蓉蓉致電給我，
今天她要飛到北海道呢！
同行還有東尼仔…
和她和東尼仔邊走邊說笑，
肥仔文見到蓉蓉，
又爆爆爆…
蓉蓉都嚇怕了。
跟我一樣，又是狂掃肥文背。
蓉蓉都說，從來沒見過這樣激動的他。
師傅朗文也來到送機，
他對蓉蓉說：
「你又話聽日飛既…點解改左今日呀？
我將個炸彈安左0係聽日個閘口呀…
你今日唔准走呀…聽日先走…我要炸左你架飛機…」
這個師傅跟我們一起癲的。
望著蓉蓉入登機那刻，
想起側大田。
蓉蓉，一路順風呢！
努力唷！
祝你認識一個又帥又有錢的日本仔，
然後嫁到日本，再入藉日本。
若成勁的話…
不要忘的是…
請我到日本北海道浸溫泉呢！
真想看看滿地櫻花的街道。
很喜歡…淡淡粉紅的櫻花！
和師傅朗文約見兩位同事，
又是評核的時間。
肥仔文都有參與，
雖然兩位同事都不是我組員，
但因是蓉蓉組，而朗文又不太認識她們，
所以要在場。
蓉蓉，我對你兩位組員都有讚唷！
可以放心呢！
朗文又跟我談了一會…
又說起ALEX…
哎吔！我提起這個人會頭痛喇！
我怎知他為甚麼會這樣激動？
問我，我也不知道嘛！
我只是平心而寫，
連自己情緒及行為都控制不了的人，
可以跟我BARGAIN那麼多嗎？
對朗文說：
「喂~~~NORMAN…
我份RESUME寫你做我個REFEREE得唔得呀？」
他說：「好呀…你INTERVIEW咩？」
我說：「係呀…到時人地公司打俾你…
你唔好衰仔話唔識我呀…我打死你呀…」
他說：「點會呢！我一定同佢地講…
我HIGHLY RECOMMEND你…但係唔俾佢地請你…
就算係請…都要年尾之後…你走左我地點算呀？」
你在耍我嗎，朗文？
又極度推薦我，
又不讓我走，遊戲麼？
朗文之後，又有師傅白賴仁。
哎…給我喘氣時間好嘛？
白賴仁又說說說…
「瑪姬…你多D關心下佢地啦…
仲有呀…督促下佢地啦…邊有可能仲係咁？
LOST AND FOUND都唔識…
講野又一舊舊…你知上面咋型會點啦…
唉…你又唔係唔知…依家佢地咁做野法…
點得咖…喂~~你攪攪佢地啦…」
我說：「我可以點攪呀津津…你教我喇…
佢地錯既時候…同佢地講…
佢地又話乜鬼HARD FEELING…
又話我地LEADER針對佢地…
然後直接打俾GILLIAN…
咁嬌姐又空降落黎問話…你唔係唔知我個肺穿啦…
我地唔話班細…佢地無心機做野…
個個做野唔上心~喂…唔係我唔講呀…
係佢地唔聽呀…你地班MENTORS又問我喇…
你想我點先？」
白賴仁續說：「佢地直接打俾GILLIAN？」
我答：「係呀…佢地都唔跟程序做野…
郁D都打上去俾MANAGER…我地可以點呀？」
白賴仁，他們很瘋狂的！
閒談間…
白賴仁：「喂~~MAGGY…你有無諗過入AIRLINES咖？」
我：「無喎…」
白賴仁：「點解會無咖？點解唔試下AIRLINES呀？」
我：「下…咁辛苦…」
白賴仁：「咁又係…唉…你考下AIRLINES啦…
你見下AIRLINES啦…入AIRLINES做啦…」
我，開始忟憎：「點解係要我入AIRLINES0者？」
他說：「我見你有LEADERSHIP嘛…你入AIRLINES做岩呀…」
但是我真的沒有信心考呢！
跟師傅們談話後，
頭會變大的！
放工後，到德福買裙子。
原來很久沒買東西逗自己開心了。
每次出糧，都將大部份的人工給家人，
自己的，都沒多剩。
這條裙子，當是生日禮物吧！
下雨唷！
不要呢！
明天要穿裙子，
還有高跟鞋。
又冷又濕的天氣，
很怕明天會凍僵，
還怕自己會跌倒。
祝福我和曼娜吧！
文章定位：
