兩極端點 「姬」 於日本漢字解釋為「公主」 沒有白雪公主的氣質，沒有睡公主的可愛； 沒有貝兒公主的勇敢，沒有灰姑娘的耐性。 刁蠻任性但得到周遭寵愛...像公主般， 就參透這活在狹小世界的井底公主， 如何看大大世界吧！

51愛的鼓勵 0訂閱站台

姬與卓峯，
兩個傻的人相遇，
造成「米米」說。

數學科：
卓峯新的一課數學課，是「厘米與毫米」。
當他做工作紙的時候，突然大聲的說出...
卓峯(燥底)：我邊有尺度呀？？？
我(奇怪地)：點會冇呀？！你面前咪有一把長尺囉！
卓峯(依然燥)：點度0者？我把尺都唔夠長...
我(再奇怪地)：唔係呀？佢叫你度mm咋喎...
卓峰(忟憎)：咪係囉！！我把尺點度「米米」喎...
我(更奇怪)：乜野係「米米」呀？
卓峯(更燥)：「米米」咪呢個囉....(手指書本)
我(哈哈笑)：「米米」...哈哈哈...mm係毫米呀...
卓峯(驚覺)：呀？！係呀係呀...記錯左...
*****************************************
我(耐心地)：點呀？識唔識度呀？
卓峯(招積)：識~~~~~點會唔識~~~~~不過...呢個係幾多mm呀？
我(依然耐心)：哦...喇...呢度有4厘米，咁即係幾多毫米呀？
卓峯(串咀地)：點知0者~~~~
我(開始煩燥)：咩呀~~書咪有講囉...1cm等於幾多mm0家嘛...
卓峯(又燥底)：邊度有講0者~~~~
我(更加燥底)：咪呢度囉~~~~(手指書本)......
卓峯(笑笑口)：係喎...
我(口快快咁)：都話有講啦...又話冇...答我啦...一厘米等於幾多「米米」呀...
卓峯(手指指)：哦~~~~你講錯左~~~~你講「米米」....我冇講「米米」....
我(死撐地)：咩呀~~~~係你擾亂我之嘛~~~~
******************************************
當我好專注地核對卓峯的功課時，突然聽到...
卓峯(碎碎念)：小壺0既雞度...水壺0既雞度...
我(頭向卓峯)：你做緊乜野呀？你唔係做數學咩？
卓峯(爽快)：係呀...咪數學囉....度水壺0既雞度嘛...
我(看一看)：.........係水壺0既高度呀........＝________＝

英文科：
老師要卓峯讀熟動詞表，那我便幫他溫習...
我：讀一讀0的動詞黎聽吖...
卓峯：乜咁煩0家~~~~~
我：喂！！唔係我要你溫喎...係你寫手冊話要讀咋喎...
卓峯：唏...係喇係喇...cross...drink...eat...go...sand...
我：等等先...邊個「sand」呀？
卓峯(手指指)：呢個囉...
我(解釋)：唔係呀...係「stand」...
卓峯(燥左)：咪「sand」囉~~~~
我(再讀一次：唔係「sand」...係「stand」...
卓峯(依然燥)：咪「sand」囉~~~~~~~~
我(再讀)：聽清楚...「stand」...「S-T-AND」...
卓峯(拍枱)：「stand」吖嘛~~~~我咪讀「stand」囉~~~~
我：你之前讀「sand」0家
卓峯(加重語氣)：無！！！我一直都係讀「stand」...
我：．．．．．．．．(無言)
**************************************************
我：ok...咁你逐個動詞解釋俾我聽吖...
卓峯(指cross)：唔好行...
我(更正)：唔係...「don't cross」係唔好行...「cross」係可以行
卓峯(笑笑)：呀~~係呀係呀....(繼續讀)飲野~食野~又係行...呢個...係「起」
我(奇怪)：乜野「起」呀？
卓峯(指stand)：呢個咪「起」囉...
我(恍然大悟)：呢個係「企」...唔係「起」...
卓峯(又燥)：咪「起」囉~~~~~
我(一齊燥)：聽清楚啦~~~係「企」呀......
卓峯(串咀)：咪就係「企」囉...你聽錯之嘛...
我(勞氣)：係你聽錯呀...(急忙改口)...唔係唔係...係你講錯呀~~~~
卓峯(哈哈笑)：哈哈哈...我無聽錯...係你聽錯...仲講錯timm~~~~~
我(發矛)：明明係你講錯~~~~我無聽錯呀~~~~~~
卓峯(再笑)：得喇得喇~~~~~~係你講錯又聽錯...仲要話我錯...你有冇攪錯...哈哈
我：．．．．．．． ．(再度無言)

卓峯的確可以帶給傷感的我丁點兒快樂，
但，面對他，真的要承認...
「死0靚仔...我就黎唔夠你抽喇...」