ToLoveAndBeLovedInReturn。﹒☆∴． 對愛情從來都沒有把握 　每每都令我覺得自己如掉進沼澤中 　掙扎不斷 　慢慢被侵蝕 沉淪 溶化 　害怕得很 　 　對愛原來有著不可磨滅的恐懼…

254愛的鼓勵 0訂閱站台

。﹒★·∴．泰國五日四夜旅行日誌﹒☆∴．·

6月20日　泰國第五日

泰國之旅最後一日喇~~ 唔捨得呀!!! >.<~

早上自由活動, 終於, 呢日可以訓晏d喇, 約左poon ivan 木杉+B女早上一齊食早餐同去shopping。8點先起身, 9點落去食早餐…… 而尋晚3個五級豬就要食d加左料既多士…… 嘔, d洋蔥真係好難食~~!! 食完上返房拎行李落lobby就齊齊打的去世貿行多次街, 再去BIG C 行supermarket, 激大呀!! 見到成個area都係M巾, 仲有display show出黎比你睇~~ 好搞笑~~ 亦都見到成座山咁高既”山竹”, haha~~ 無得頂呀!! 我地買左好多野食~~ 當然唔少得榴槤啦!! 買完一大堆野, 五條友好”里hea”咁行去M記草草地食左個lunch, 唔知點解多左個巨無霸, 明明我地都無叫到嘛…… 真搞鬼~ 之後又好”里hea”咁打的返hotel, 點知塞車, 頂!! 我地五個人係架車度乾蒸……>.<

返到hotel又要再執過d行李, 搞到無時間食榴槤, 上左旅遊巴又唔比食, 最後要係機場入閘前食, haha。1515到達機場, 係車上我問過lorin 寄postcard d野, 佢條8婆話到左機場話比我知幫我寄, 我頂佢個肺, 我到左機場佢又唔講, 後尾阿郭走左過多一陣我問返佢, 佢好不滿咁問返我轉頭做咩頭先唔講, 真係…頂…… !!! 跟住又黑面, 好唔願意咁話比我知好遠呀, 又點點點, 我當然唔會放過佢啦, 而家唔係我問題丫, 佢仲叫我自己去搵, 都痴線既, 我唔客氣咁話, 「下!! 你講完我都係唔識架啦, 一係你幫我寄囉, postcard我就一定要寄架喇!!」之後佢帶住我去搵……不過算係好快咁搵到, 不過行多左好多路, 我頂你丫!!

搞完一輪入閘過關, 就係候機室等上機, 係呢一個鐘, 我地成班人玩 crossword, 勁好笑~~ 玩左兩次就要上機lu~ 上到去, 發現我地四個又分3+1咁樣, 當然地, 今次我, poon, ivan會痴住坐, 死都唔會再x理bun, 佢不知幾醒呀, 識得自己調位坐埋去d女度, 唉, 都唔明佢既, d女仔明顯係唔鍾意佢成日痴住晒, 佢自己又成日law架黎丟, d女仔做晒口型比我睇話佢好煩, 而我就好無奈咁回返佢我都幫你唔到~~ 係飛機度係咁訓, 仲諗住繼續5個人玩, haha, 木杉同B女都訓死左咁…… 呢次鴨仔團大家都好累lu!!!

講真, 係上空望住香港既夜景都好開心, 好掛住香港既野, 果然, 去到邊最後都會覺得香港夜景最靚同最有feel, 可能人始終都會有”homeland”情意結。

我會覺得我地呢團人大部分都好得意, 都唔似平時既團咁, 邊有人會出左閘都要等齊晒人先行架, 仲要夾埋一齊搭車, 真好笑~~!! 通常都係出左閘就各行各路咁架嘛~~ 最後同木杉一齊搭巴士, 勁講野, haha~~好在都算有人可以一齊搭車, 心情good啦!!

不過後尾架車原來無站係ssp, 搞到要係太子落車行返屋企, 中途仲落雨添, 唉~~ 灰左!! 返到屋企累到趴街, 執左dd行李就去左休息~~~ 最後d行李執左3,4日先執好……=.=”