ToLoveAndBeLovedInReturn。﹒☆∴． 對愛情從來都沒有把握 　每每都令我覺得自己如掉進沼澤中 　掙扎不斷 　慢慢被侵蝕 沉淪 溶化 　害怕得很 　 　對愛原來有著不可磨滅的恐懼…

254愛的鼓勵 0訂閱站台

。﹒★·∴．泰國五日四夜旅行日誌﹒☆∴．·

6月19日　泰國第四日

今日離開pattaya喇~~ >.<” 早上行程—蜂園, 聽talk咁, 見到d好似雀粟既野~~ 仲有d酸到好似變壞左既野, 點放入口呢??? Then, 車左我地去買野食做手信的地方, 明顯地比旅客洗錢既地方, 我地團友, franky+karen就買左成千幾銖既野~~ 果然有錢~, 成2大大袋~~

Lunch去左唔知邊一間酒店食飯, 今次分兩檯, 勁似我地樹仁去慶功咁食飯, 一間房, 自己自生自滅, 如果多張麻將檯就似到十足十。呢餐既豆腐好難食呢, 扮香港既臭豆腐, 不過似坑渠水味多d~~ 我地竟然發現領隊佢地既肉片炒河仲好食……

完左就去蛇園, 睇下人地表演捉眼鏡蛇, 再睇下唔同類型既蛇蛇, 睇到毛管棟~~ 睇完又入房聽佢介紹用蛇做成的藥品。個介紹既醫生, 好好笑~~ 好似做棟東笑咁, 但其實人地係好正經, 不過我就唔出聲地笑到震晒~~ 成個白痴咁~~ 不過佢真係好好笑丫嘛!! 當佢話唔知比條咩蛇咬左, 5分鐘就死, ivan就話就算間醫院係我地對面馬路, 我地都一定死鬼左, 因為我地成日都唔識點過條馬路, 有次過左成兩個字都過唔到, 仲唔死左咩~~ 我地又一路講又一路笑到震~~ 哈哈!!

去左睇四面佛, 點知原來只不過係馬路邊既一個小小四面佛仔, 我仲以為會好似香港寶蓮寺咁大添~~ 勁失望, 都唔知去黎做咩~~ 而個領隊八婆lorin勁cheap, 問多佢少少野就唔滿意, 答又答得好求其, 好似係我地錯咁, 我挑~~!! 同木杉, B女佢地都深深覺得佢好cheap!! 睇完所謂既四面佛就move去中央世貿中心廣場shopping。

Shop完, 一袋二袋咁, 心情非常之好~~ 1700集合去食dinner, 呢餐應該係所謂既「泰式任食火Ŋ」, 但我地去果間餐廳叫ichiban, 吹啤~~!! 仲要佢所謂既任食完全不知所謂~~ 成個火Ŋd野食都白晒晒咁, 無野好食…好寡囉…>.<”
晚上去lumphini night plaza, 不過得兩個鐘行咋, 慘慘~~ 成個plaza就好似迷宮咁, 邊度行左邊度未行都分唔到~~ 而plaza入便既food court 正到爆, 可惜我地時間太少, 要行街就無時間坐低嘆返一杯。

2100集合, 玩左lorin一野, 我地三個都好開心~~呵呵~~ 之後就返hotel settle down, 間房勁好笑, 有lolita味道~~ 驚驚~~。沖完涼就執下行李, 聽日就返香港喇~~ 早上就要將個0急pack好~ 執到咁上下就開始同poon, ivan, 木杉+B女係房大玩 (條pk bun又走左去溝女, 挑, 唔係度仲好, 已經唔想見到佢)。我地首先玩大富翁, 再玩飛行棋, 又見到人性真面目, 係咁不留情地炸, 笑到癲晒, 仲要好刺激~~ 再玩五級豬搶野版, 玩到打交咁滯, 直頭要飛撲去搶, 個個笑到肚痛~~!! 完全激動地投入~~ 不過由於pk bun溫完女返左房, 所以完埋果舖就散。訓得唔太好, 因為個激動情緒仲未平復~~ haha!!