。﹒★·∴．泰國五日四夜旅行日誌﹒☆∴．·
6月16日 泰國第一日
0500起身, 不過都懶床左一陣, haha(都唔知有無訓到2個鐘……)。0540東涌搭車去機場, 0605就到lu~~ 真係好快~!! 見到我地既領隊(女), lorin, 感覺一般。不過都未齊人, so同bun去左m記食早餐先。0700集合, join埋poon同ivan, 見到我地既團友, 上次茶會經我地一一評價完既人大部分都出現左~~ 果然, auntie同uncle都係我地既 A group…… 等左陣就去入閘, 買少少野就去搭”無人駕駛”去飛機閘口等上機, 0845先起飛。到左泰國機場, 忙出境等行李, 之後lorin好趕咁叫我地出境上旅遊巴。好在我地醒, 拿拿臨去左換泰銖, 不過lorin都黑我地面, 超。自己換係1:5.2, 而同導遊換得1:5咋。導遊(男), 叫阿郭, 都ok既, 無咩特別好同特別唔好, 一個普普通通既導遊囉, 不過d團友話佢似北野武~~ haha, 白痴。不過呢個旅行勁cheap囉, d行程改晒, 都唔係原先果個plan, 雖然d地方係去晒, 不過搞到我地日日都唔知去邊咁滯, 打亂左我地~~ 哼。
第一站, 去左夢幻樂園, 玩左四個鐘, 差唔多玩晒所有野, 係無玩到d會濕身既野, 因為岩岩到步, 個人都未適應到”我去左泰國”就係咁玩, 感覺好怪…=.=” 最好玩咪就係去左夢幻真雪城玩果個雪兜, 滑左兩次~~ 好爽~ 不過真係好凍, 自己仲要係短褲, d冷風係咁飛入去~~ haha~~ 仲影左好多無聊相…… ^^, 泰國的第一餐lunch食左kfc, 頂丫, 佢d辣同香港既辣好唔同, 辣到噴火~~ 仲慘過食香港既冬陰功味!!
第二站去左睇人妖show~~ woo, d人妖個波波好假架, 成個碗咁, 無彈性既~~ 不過有幾個真係好靚, 仲見到好多明星… 有官恩娜, 黃耀明, 某某港姐, 某某咖哩啡咁, 激似!! d 男 dancer 都ok靚仔, 不過一知道佢地遲早都變做人妖, 個心情有d複雜……=.=” 仲見到d半製成品, 個樣係女人, 但個身係男人……(汗) 我會覺得呢個show真係比香港人同大陸人睇, 成個show都係唱國語歌(其實都係咪咀), 完全唔知想點。又諗起selina上堂既野, 灰左。完show就出左去同d人妖哥哥影相, 真係望落去一個女人, 開聲一個男人, 仲要高我成個頭, 好odd~ 唔小心踫到人妖哥哥個波波, 好硬呢……=.= 阿bun仲要比人妖飛吻同夾住, 笑死~
之後就係附近食第一餐dinner, 8人一圍, 分左3圍, 就係呢一餐決定左之後我地同咩人一齊食飯, 好彩, 佢地個個都好好同好正常, 最緊要係傾到計嘛(我地果檯 : 我, bun, ivan, poon, 木杉(又係叫bun)+佢女朋友(簡稱B女), franky+karen), auntie uncle果邊好似餐餐都無野講, dead air到爆。而我地餐餐都嘈, 餐餐都食到最尾~~ 仲要成日比領隊催…… 呢餐無咩特別既……唔特別好食又唔特別難食, 係碟蟹唔知佢想點姐, 都食得飽自己。哈哈!!
食完飯就返酒店settle down, 都算ok, 比想像中ok, haha!! 我地仲可以同隔離房打通, 超好笑~~ 算係方便我地四個玩,。自己即時沖左個靚涼, 今日都出左好多汗, 不過泰國既熱舒服過香港既熱, 起碼唔會好潮濕先啦~ 不過今日都落左一陣雨, 好在果時去左睇show, 影響唔太大。
晚上我地四個再加埋團友四個女仔一齊出左去行街, 食左d串燒, 買左少少野, 仲買左荔枝。最重要係去左7-11掃貨, 我地五日四夜都靠佢架啦。同埋 thai 既7仔多到爆, 以為台灣多, 點知thai都一樣咁多~~ 「hk既係 梗有一間係你左近 ; thai既係 梗有十間係你左近」。返到hotel, 又沖多次涼, 出左去一陣又流晒汗…… 過多陣就係房玩大富翁~~ 嘩哈哈!! 玩到咁上下就訓lu~ 今日大家都好累……
ps: 張床好彈好舒服~~ >///<
文章定位：
