14/05/2009
來到一個完全陌生、朋友也沒有的地方，對身邊的一均都非常懼怕。最大困難當然是英文，本以會最起碼都可以聽到少少，點知真係少少都聽唔明，係機場 information centre 的工作人員都已經好叻，身經百戰，對付我這類 “旅客” 當然係用最簡單英文，但我就係一個字都聽唔得明？？？嗰一刻真係好驚，聽唔明又點可以留係到生活，唔通咁就要返香港？？？
用左成15分鐘先買到張車票去 hostel，坐左 30 分鐘左右就到達 hostel 門口，還給我遇上幾個剛剛離開 hostel 去機場的日本男女。哦，原來都有亞洲人選擇住係到，咁都好呀！經過剛才係機場的事件後，就已經好驚自己應付唔到日後一個人的生活，如果遇到日、韓、台的 whv都方便溝通嘛。Yellow Submarine Backpackers 唔係一個大的住宿地方，不過都有三層樓︰地面係接待處 + 4間大屋 + 女沖凉室+ 2個洗手間、樓上有 7 間屋 (不過睇唔到入面，全部無開門) + 2 個沖凉/洗手間，地下 (因為係鈄波上建築，唔係地下室) 有男沖凉室 + common area (室內/室外) + 廚房 + 小花園，雖然website話有泳池但係見唔到，可能因為秋天所無開。住客都唔嘈，我到步時係中午時分，人就唔多，可能出哂街搵工/觀光，但係到晚上返黎自己煮野食的人也不多。
我放低行李出左去行，第一站係要去超級市場買水，天氣唔雖熱，唔會出好多汗，但就好亁，好似我咁 “渴水” 的人行一陣就要飲水。之後就行左去 State Library，因為嗰到有 wifi免費上網，梗係第一時間去開msn報平安啦。這邊的秋天跟香港的較不多，天黑時間約為 6 點鐘，所以我都唔敢坐得耐，由State Library 行返 hostel 都要 20 分鐘有多，人生路不熟嘛，梗係趕天未黑之前返去啦，而且我仲要去多超級市場一次，因為晚餐 + 明天早餐都未買，再要行多 30 分路程。所以話，要自由旅行，先要身體自由，外國地方唔一定個月亮大，但就一定地方大，身心都要預備。
15/05/2009
陌生人、陌生床、係一個全部陌生的地方，自己個女仔過了第一晚，感覺係︰瞓唔到。因為全屋有 8 個人，經常有人出出入入，由怕有偷竊，所以全晚都好醒瞓。到朝早 7 點已經成個醒哂，只好起身食早餐。之後就行去 CBD，呢到有 d 似中環與尖沙咀混合體，大好好重要建築物，同時又係購物區，旅客必到之地，因為有齊景環購物於一身。好似我地 backpacker 一到步就要去這個地方，因為主要的銀行都在此，可以開戶扣；有tax office，可以申請 TNF (當然可以上網做)；有 post office可以寄信；有電話公司門市，可以買到各式各樣電話咭，在放香港backpacker多數會用 optus，因為用佢打長途電話返香港畀較平的。
文章定位：
