(22/2/2005, tue)
今日返早, 仍舊頗要命~ 不過今次叻o左, 帶埋眼藥水返學, 對眼就無咁辛苦~^^ 我近排的鼻水真係流得好過份, 個鼻好唔舒服, 我懷疑...係琪琪條頸巾...甩毛......~________~"
今日返到ward有個好"美麗"o既開始. 結果我開心o左成日~ 話說開o左工無幾耐, 有個病人叫我, 話隔離再隔離床o個個婆婆叫"姑娘", 咁我就過去睇下咩事la~ 個婆婆平時個樣好苦, 又唔係好講到o野, semi-unconscious o既, 多數都係o係o度細細聲"依依哦哦", 聽唔到佢講咩. 我行到去問個婆婆咩事, 佢講得好慢, 隻手震震下咁問我:"呢o度係邊o度o黎ga...?"我話:"呢o度係醫院ar~"佢繼續問:"...即係邊o度...?"我答:"呢o度係佐敦ar~"婆婆細細聲咁話:"佐敦...係咪即係佐敦道ar?"我話係, and then佢又問呢o度係唔係XX山(<---我聽唔到佢話係咩山)我又講多幾次, 話呢o度係佐敦. 之後婆婆話:"佐敦...係咪o係呢o度搭飛機去加拿大ar?" 我答:"唔係ar~ 搭飛機要去機場, 去赤臘角ga~~" 因為婆婆唔清唔楚咁, 結果又repeat o左後半段對話. and then我問婆婆係咪要去加拿大, 婆婆話係, 我叫佢要快d好番, 咁就好可以出院, 出院就搭飛機去加拿大~ 講完呢句, 婆婆突然話:
"...姑娘...我好鍾意你ar..."
嘩~ 聽到呢句, 隻耳仔酥o酉~~~^^ 都唔識應佢, 房裡面其他patients聽到婆婆講o左句咁可愛o既說話, 都笑o左出o黎~ 我笑住講o左句:"下? 係ar?" 婆婆話:"係ar...我好鍾意你ar......你...你貴姓ar...?" "我姓'李'ga" 婆婆話:"姓'李'...我...我叫你做'李小姐'"我即刻同佢講:"你叫我'李姑娘'就得ga la~!" 婆婆應我:"哦...'李姑娘'...你...你...好幫助我ar...我第時出院, 會...會同XXX(<---唔知邊個)講, 話'李姑娘好好人'ga..." 於是我話:"好ar~ 多謝你ar~!" 婆婆又repeat o左之前o個句說話. 之後我話:"咁你記得快d好番, 出院搭飛機去加拿大la wor~~~!" 婆婆話:"好...好ar..." 最後我同佢講:"婆婆我去做o野先la~ 你有d咩就按鐘叫我la~ 記得休息多d ar~!"
(以上部份對話本身repeat o左幾次)
聽到婆婆話鍾意自己, 真係勁開心ar~~!!^0^ 我係第一次見個婆婆咁conscious(當然la, 我估佢都應該唔係好知自己講o左d 乜~^^"), 仲見到佢有笑容tim ar~ 平時佢苦口苦面ga ma~~~ 不過雖然係開心, 但...因為開始同婆婆建立o左一份感情, 我諗...當佢有朝一日pass away, 我會....好唔捨得, 好傷心......>______<
今日都係有d hea ga la~ 不過就終於有得睇wound dressing & urinary catherization. 臨走仲第一次幫人搣橙. 哈~ 俾隔離床個病人話我搣到手震...well, 都算係咁la~ 我平時用刀叉食橙ga~ 為o左出ward, 我都苦練o左"用手搣橙"好耐下la~~~^^" ward裡面o既三個HCA(health care assistants:嬸嬸)o係o度內戰, 形成"二對一"o既局面. 事緣有人唔做o野, 另外兩個睇唔過眼, 結果咩都要留起俾阿"邊個邊個"做, 最終無人收bedpan, 苦了病人...唉~ lunch ga ma~ 唔收bedpan, 一陣味, d病人點食o野ar!? 最後睇唔過眼, 由elaine仔出手攞走個bedpan...
後記:sister咁o岩見+聽到兩個HCA好大聲同我o地講o野, 之後問番件事o既經過...
睇怕三個HCA都要俾sister鬧lu~
by the way, 姑姑今日感冒+塊面敏感, 頂唔順, 要early leave. d病人成日見到我o地都叫我o地著多件衫(因為我o地o係ward係著短袖ga...)哈哈~
大家...要保重身體~~~ paulpaul~ 拜託你好好休息, 咪去唱K住la~~!!>0<
文章定位：
