@~Emmanuel~@ @~Emmanuel~@ Everyday, everywhere, every minute, every second...... Where Love Flows, Happiness Follows It only takes a few seconds to open profound wounds in those they love, and it takes many years to heal them......

119愛的鼓勵 0訂閱站台

尋日朝早睇報紙, 睇到曾蔭權話o黎緊d人要生三個先夠數, 然後我同elaine仔睇到都覺得好搞笑~ 我同elaine仔講:"家陣話生就有得生ga la 咩!?! 要搵個'好種'o黎配不知幾難~! 生完仲要供書教學, 香港教育制度又唔得, 我識得有d再好o既老師都唔敢生la~"elaine仔話原來佢都識一d好好o既老師, 又係因香港教育制度唔好, 所以唔敢生~ elaine仔仲話俾我知, 唔知幾多年後, 香港o既男女比例, 大約係:100個女人對70個男人...... 之後又見到阿kay, 我o地叫阿kay第時要同suki(佢女朋友)生三個先夠數~~~哈哈~~ 最抵死就係講番之前我o地8L幫阿kay第時o既小朋友改o既名, d名...嘩哈哈~~~ 講出o黎真係笑死人, 因為阿kay係姓"梁", 所以佢o既小朋友d名分別係:梁粉(涼粉), 梁亭/婷(涼亭)&梁爽(涼爽)~ 嘩哈哈~~~~ 真係好"攞膽"~ 阿kay話如果真係咁改, 第時佢o既小朋友一定"怨"死佢~:p

今朝起身o個陣十分之唔對路, 一轉身就頭暈, 抬起頭直頭想嘔~~~@______@ ...結果係...出唔到ward...其實之前都有d感冒ga la, 係俾阿媽傳染o既...不過係一直都唔想認自己病o左咁解o者... 家陣想唔認都唔得la~ elaine仔打俾我問我o係邊, 我話我返唔到, 叫佢幫我同N.O.(nurse officer)講聲. 到八點幾打電話俾kk請假, 再打電話返ward, 但就唔記得打電話俾carman...

夜晚打電話俾elaine仔問番佢今日發生過o既o野, 佢話有兩個婆婆..."唔見o左"...一個其實尋日朝已經係"彌留之際", 問番阿婷, 阿婷話係下午past away o既...我仲記得我曾經帶過佢去toilet, 仲記得有一次幫佢度BP/P, 我一掂佢隻手, 佢即刻叫:"哎呀~你隻手好鬼凍ar~!!"我即刻話:"下~~~!? ...咁...你等一等ar..."當時我諗住搵elaine仔或者姑姑幫我同婆婆度o既, 點知搵唔到佢o地兩個, 於是我拿拿聲去kitchen倒o左杯熱水暖手, 但因暖得唔夠快, 結果去水龍頭開暖水沖手; 然後又好快咁番入去掂一掂婆婆, 問佢:"咁樣暖d未ar?"婆婆好似幾滿意咁話:"...唔...咁樣就好d...你著多件衫la~!!著咁少! 陰公!!" ...尋日開始已經叫唔醒佢食o野&食藥...今晚仲知道o左佢...唉~ 我好唔捨得婆婆ar... ~~~>_____<~~~ 仲記得之前carman份notes o度講過:"People die remains in the memories of those who live on"... 另一個婆婆, 問番阿婷, 佢話臨走仲見到佢o既, 第二朝(今朝)elaine仔已經見唔番佢, 我諗...佢應該係半夜past away, 因為無可能半夜轉院ga ma...個婆婆...我日日都有同佢接觸ga...... 一夜之間已經有咁大o既變化......

今日成日o係屋企無o野好做, o係o度睇尋日同cammy一齊買o既書, 係張小嫻o既<<相逢>>, 係一本散文. 都好耐無睇過呢d"課外書"la~ 特別係呢d愛情散文, 仲要好捨得咁花$54買本書. 不過都worth o既~ 因為睇得好有共鳴......
一路睇, 一路諗番起好多o野, 諗起...o係我生命中出現過o既六位男子......