(21/2/2005, Mon)
第一日返A更(7.30am-1.30pm)...攞命~ 尋晚要兩點幾, 三點先瞓到, 今朝5.30am起身, 6.20am出門口. 出門口o個陣...個天仲係黑ga law...@________@ 好凍ar~~~~>0< 幸好有elaine仔一齊去搭地鐵返學~ 神講得o岩, 兩個人真係比一個人好~^.^~ 有elaine仔一齊返學, 感覺無咁"悽涼"~~^^; 咁o岩o係地鐵站見到位"師兄"(話說, 呢個師兄係我校最靚仔o既~ 哈哈~ 真係悲哀...全校男仔, 只得一個比較"養眼"...~_______~"). 咁o岩佢又要返早, 去荃灣返psychiatric ward. 問佢o係精神科有咩做, 佢話d時間會過得好慢, 都係同d病人打下乒乓波, 捉下棋, 睇下電視, 派下飯咁. 佢仲話d病人唔知點解見到o野食就會大家一齊o係o度爭... 我o地又講開話返早簡直係接受唔到個天竟然未光, and then師兄話:
"放心la~ 放工o個陣就會天光ga la~"
..................唔識笑..................~__________~"
我想話呢, 一早起身兼唔夠瞓, 我對眼勁"澀"law~~~ 天氣又凍, 個鼻一早就係咁沁血......好乾燥ar~~~~>.< o係佐敦一落車, 就見到kay la~ 哈~ 原來大家係同一班車wor~ 好明顯阿kay都係未瞓醒ga law...~~~ 換完衫, 起程行去R block時, 阿kay發神經, o係o度話:"好! 我o地o黎一齊睇日出~~!!" .........點先...!? 搞d咁o既爛gag, 點俾反應你ar...?? 滴o酉汗la ~_____~""
返A更都幾hea下...之前個禮拜返P, 頗多o野做, 充實好多; 今日...我早餐&午餐都有o係o度餵人(平時返P更係唔會有如此"閒情"&時間ga), d時間都係勁難過~ 唔知點解個錶望極, 都仲係九點幾~ 到十點幾可以度BP/P, 點知俾我選中一條唔係好多人要check BP/P o既街~~~~ 得兩個要check~ 中o酉計la... 想去empty urine bag, 點知又俾EN miss"截足先登"...
最大收穫就係睇到醫生perform chest drainage. 你咪話, 都...幾得人驚...雖說apply o左L.A.(local anaesthesia:局部麻醉), 但你見到個醫生拮把手術刀入病人個intercostal space時, 自己都會覺得痛ga~ 好似被拮o既係自己咁~ 一拮落去, d血勁流~~~@_________@ 睇到我o地三個吞o酉口水~ 插枝粗管入pleural area時, 好似想插入個肺o度咁...一插o左入去, 勁多血衝出o黎~!!(之後先知o個d唔係血, 係heavy-blood-stained pleural fluid...個病人...都幾acute...)睇埋個醫生縫針, 縫到成手血... 之後我o地三個講番呢次experience, 我話:"我好明白點解我會係'護士', 而唔係'醫生'..." 我唔係驚血, 但俾我o既話, 我唔想用把手術刀拮/cut 人law...會痛ga ma, 我唔忍心ar~~>______< 睇o左差唔多半個鐘, 睇到有d心寒...
今日返o黎見到好多"吉"床, 接近半個ward都係"吉"o既. 我估有d轉o左去其他醫院; 有d返o左屋企; 有d純粹返屋企"渡假", 之後再返o黎; 有d...我相信...係past away...至少...我第一次換屎片o個個係......
三日, 只係三日無見, 就見唔番好多人...
護士雖然唔會有好多假, 但總算是"有假放". 但醫院, 醫院係長年開放, 所有事情都一直在發生, 那管是星期六, 或是星期日...來的要來, 去的要去, 生的要生, 死的要死......
人與人之間的離離合合, 到底我何時才能適應?
適應了, 我又會變成一個怎樣的人?
我怕...我會成為一個冷血的人...... 我唔想......~~~~>_____<~~~~
文章定位：
