好玩之必要 生活很平淡，好玩就好。 設部落格，寫作，旅行，畫圖，練書法等等，都是出於好玩。 好玩就玩，不好玩就不玩。 隨緣。

332愛的鼓勵 12訂閱站台

去郵局寄掛號批兼散步行街路，兩張健保卡罔紮（tsah，攜帶）咧；想講衛福部佇電視頂教逐家操作超級市場的機器預約喙罨（tshuì-am，口罩），無定著（說不定）也來去試看覓。

經過一間藥局的時，我罔（姑且）入去問，「恁猶有喙罨無？」想袂到得著的答覆是有。

哇，一聲就買著十八片，九十箍；免等，免預約。

這是我第二遍買，頂擺用一張健保卡買著三片。

Tsit-má（現在），真濟國家武漢肺炎確診和死亡的人數用千和萬來計算，買喙罨也真困難；咱台灣人猶會當正常過日，莫怪真濟人講「我台灣，我驕傲」。

這陣，我欲講「我台灣，我幸福」。

 

（創作出「我屏東，我驕傲」的人是天才，這个口號倯（sông，俗氣）閣有力。無啦，毋是倯，是媠，媠閣有力。講「我台灣，我驕傲」的時，胸坎著愛挺挺，表現咱的自信和尊嚴。）