陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

10.10.05,星期一. 國慶 + 電車男(二)

公曆2005年10月10日，即中華民國九十四年國慶日，我先要高呼:中華民國萬歲，三民主意萬歲、中華民國統一中國!!!

為了昨晚，一早為今天請了半天假，好讓自己睡晏D，所以可睡到十點幾先起身。今早起身洗好口面第一件事當然是懸升國旗啦!~見到國旗隨風飄揚的感覺多振奮呀!!!
由於晏食早餐，所以午飯沒有食，將近12點去沖個涼準備返工。就在將出門口之際，手電突然響起，是Pinky打來約我去睇"小企鵝"法文版喎，我二話不說就應承了，但因要出門口了，所以待回中心再同Pinky約。
回到中心約好晒時間地點，但過o左無耐Pinky傳來msg.告知約會有變，由睇"小企鵝"轉睇"電車男"。我一睇到這msg.即時叫好，因為我不知幾想去睇"電車男"，所以即時回覆支持!!為何我咁想睇，因我睇了漫畫版和電視版都覺得好好睇，所以好想去睇埋電影版。
我們睇7:50，所以相約6:15於旺角"身體店"等，先是去元氣食壽司(當然有傾昨...)，然後行o左陣朗豪坊先入場睇。最初我對電影版都有點期望，但由於電視版(死向到巴黎廣告那個靚女呢)的愛瑪仕小姐實在靚電影版(午夜兇鈴2女主角)的好多，再加上電影無電視拍得咁低能搞笑，所以有丁點失望，但整體都叫好睇，起碼成場觀眾的笑聲反應加坐我隔離的Pinky極力叫好呢~!!
睇完電車男，十點未夠，所以我倆行番過潮特和兆萬逛，因我倆各有目的，Pinky搵她的PC狗，而我就搵我的"軍曹"。由於睇電視版和電影版的電車男身上和家中都有軍曹的出現，所以我想找它的產品與漫畫，看看這隻似青蛙的物體是何方神聖!!由於時間和Pinky唔肯上信和的關係，漫畫只好留待明天賣，所以我只上了兆萬，但果真有收獲，因扭蛋店今期有軍曹的扭蛋呢!我揀了其中一間光顧開的扭蛋店，暢定40蚊5蚊，準備慢慢抽，不過這麼多5蚊我只用得著三個，因Pinky一幫我抽就抽中了主角"軍曹"，好開心哦~~(多謝Pinky)。
抽完軍曹，時間都不早了，送Pinky上車後自己也坐81返沙田，但當坐到大埔道近沙田山莊前兩個站時，巴士突然"爆駄"，成車人要轉坐第二架81...我已經不知是第幾次坐正d爆駄車了，六合彩又唔見我中，這些就有我份中!!
回到家煲埋電車男電視版第六集先去交交豬!!

11.10.05,星期二. "KERORO軍曹"
經過愉快的一個晚上，又是睡到十點幾先起身，因今天是重陽假期。我家習俗拜清明就唔拜重陽，所以沒有安排拜山活動，結果各自各有節目，我培媽媽同親戚飲過茶，同好重磅但卻很可愛的表妹(兩個月大)玩過後，就過旺角繼續昨晚未完的軍曹之旅。
今次收獲幾豐富呀!不單搵到軍曹漫畫，知到佢全名叫KERORO軍曹、來自何方等資料外，還給我在康田意外發現了國產模型公司出品的"藍嶺"號，我起初都驚國產無好o野，但點知開盒一睇~~都有水準喎，還有價錢又經濟，hehe..即時買下。
就在我行街的時候，接了老細一個低能電話...放假還要人做o野，都痴o架!我一陣回沙田都已經要幫妳去取電腦資料啦!!!
返到沙田取埋資料，都已經是7點了，是時候食飯啦!今晚同了爸媽還有萍姨去了皇城打邊爐。