頭很大．大想頭．想過頭 一期一會。

65愛的鼓勵 0訂閱站台

琴日08/10,
真係古怪又"奇幻潮" o既一日,
唉~好難講...

約左預科d同學夜晚聚會,12:30pm放工後又有一段時間得閒,
咁我就約下kelly食lunch,為左就佢放lunch,我地約左02:10pm左右,
見又未夠鐘,去左uniqlo睇下我想要個條牛仔褲有冇貨,又去左智源買書,
行完都係時候會kelly啦~

點知去到mk站,mtr delay,去到觀塘02:15pm,見遲左d咁就拿拿聲行,
但真係唔知畀個天玩定係我條命有問題,
係我正準備排隊搭自動電梯由月台到大堂時,
畀我見到個我唔想再見到o既人--- Y先生.

其實,我見到佢身旁o既人先o既,望左望,咁眼熟o既,咪係中學時個黃社個社長??(我咁都記得?好野!),我冇理佢,因佢都唔識我,當我正想"收眼" o既時候,佢身邊仲有個人,突然係心講左句-- "wah~今日發生咩事呀?",我真係諗都諗唔到,會見到佢.

我個心真係做戲咁,七上八落架!只係幾分鐘,就好似時間過左好耐咁~

我一路排一路諗,我個頭微微向下,我唔想畀佢見到我住,又或者佢根本睇唔到我,因我仲諗緊,點呀?究竟打唔打招呼好呀?但又好似唔知點咁?會唔會好尷尬? le d"無謂"野,一路行o既時候,佢都已經排左係我隔離,好!死就死!

佢係我前面企,我企係佢後面,係le幾秒,唔知係我感覺錯左定係佢唔自覺o既反應,
我見佢打側少少個頭向後面望,但側得唔夠盡,望唔到我個樣囉~~佢表情好唔自然,古古怪怪~我真係忍唔住,睇黎我真係要hi佢先平息到我o既情緒.

我用膝蓋頂左佢個背包一下...我都唔明點解要用咁o既方式打招呼...(好白痴..),
佢終於將整個頭另向後面,見到我整個樣,佢呆左呆,望住我,我亦都望住佢唔出聲,只係"微笑",因我實在唔知可以畀d咩反應佢,我有dd緊張.

"...你...你...做咩咁開心呀?"(佢面上係一個"難以至信"o既表情.)

"?!....(點解你唔問我點解笑,而係問我做咩咁開心?你又知我見到你係開心?)"

"...你..你..."

"...(微笑)"

"我...我個樣冇...冇變咩?...你又認得我?..."

"...(微笑)"

自動電梯到大堂.

"你...個樣都有變啦~" (le句唔知有冇聽錯~)

"...(微笑)"

我拎出八達通,出閘,
連回頭講聲"再見"都冇,我就一支箭咁逃離現場,
我緊張到一個"hi"同"bye bye"都冇講,只係傻傻地全程係咁"微笑".

我究竟係度做乜野.......