05/10 ---
約左正記同學食飯.
都唔知點解次次都要食9點後,人地放工咁早,你話去邊hea時間好丫下?衰!
不過好彩我多地方hea~**v
(唔係我鬧爆你呀!)
先去左sky入貨,HYDE正正係今日出single [countdown],唔知香港會唔會同步出,(你知啦~水貨舖好鬼馬o架嘛~呵呵),估唔到sky le期真係醒好多,成日都好快有(以前要遲幾日先有,地庫黑店就成日係出碟前幾日都已經有貨添,不過玩高價,采你都傻!),入手後心情興奮難平,上埋10樓特區"尋寶".
都有幾個月冇黎,好掛住添~
入面仍然咁多人,呀長毛哥哥都係度,不過真係呢........
係之前幾個月,我last去個次,識左長毛,佢係個度做o既,因佢撩我講野,問我手拎住個幾隻zard係咪好好聽,見我買咁多,咁就講起日本野,又講佢係上兩星期去過日本住,總之講起日本就好多話題.
講真我好少同陌生人講野,何況係個度,就算講我都係同肥老闆傾多,因我識個老闆(係肥o既~),其他員工真係唔熟.
個次後,我真係冇去幾個月,今次上度去,我都有d老尷,因為呢.....
心諗長毛都唔記得我啦,日日都咁多客~因為事實上我真係好難畀人記得起個款(我認為!),所以我一直都冇乜抬起頭,周圍望,一心睇碟,就算佢企係我旁整理d 碟時,我都冇反應,費事我hi佢時,佢會問[你係...(乜水)...?],咁就真係多謝曬啦~....=___="
點知說時遲那時快,長毛"喂"左我一野,啊!~~~~~~@@
"咁耐冇見o既?"
"啊!~(扮驚訝)係呀!le排忙丫嘛~"......真係好樣衰呀我....
"Or~~今次又買咩碟呀?"
"買d演唱會呀vcd咁囉"
"咦?今次買睇o既,唔買聽呀?"
"冇呀!睇唔arm 丫嘛~"
"Or~".....
之後就大老尷咁散開.....啊!我真係好白痴呀..!!!!!!
總之我hi佢先啦~好樣衰呀!好樣衰呀!~~~
我覺得自己好mean囉!~~~><
sorry呀!sorry呀!!!
我下次會hi你先架啦~
p.s
走時有d安慰,因為我撞見肥老闆,啊!~~~好耐冇見啦~~~
其實頭先都聽見其聲,只係唔見其人,所以冇理,點知等"車立"時,見到肥老闆係舖頭行出黎,定眼望左野,佢終於記得我...(都話啦!係le個世界就黎冇人記得架啦~....=.="),
佢又係一句埋黎就問...
"咁耐唔見你o既?"
"係呀~忙丫嘛!不過有時上黎,你冇係度o者!"
"咦!你衣家讀書定做野呀?"
"做野lu"
"係邊頭呀?"
"葵芳,做product design"
"Or~有野做幾好丫"
"你都仲係老闆都唔錯丫"
互相"哈哈哈哈哈~~"一番~
又問我個舖頭搬上黎後,搵碟好冇d,我梗話好好多啦~
起碼唔洗同人迫餐死(雖然依家偶然都要咁做...=___+").
"你都算係一個"異數~"
"下?"
"係呀!好少女仔好似你咁,同人迫都冇所謂(佢指係舊舖個時,個時真係細到呢...得兩格廁所咁大咋~仲全部都係麻甩佬多~)"
"啊!係?~(偷笑左下)"
"車立"到時,佢望望手上個隻碟冇左張側紙,好驚訝咁搵,我話返入去返下仲好啦!可能跌係入面呢,咁佢就拿拿聲byebye後,就衝返去啦~~
(d碟冇左張側紙,個價同級數真係好冇差別架~)
啊!~~~真係好想大笑呀!
佢話我係"異數"呀~"異數"呀~
我係古怪d,但真係第一次有人咁稱呼我為"異數",我覺得好好笑呀真係~~~
原來肥老闆記得我係因為我係"異數"~~~icic!
(諗下諗下識左肥老闆都有5年咁滯lu~)
之後就去左綠野,wah~又係好耐冇黎,成個月啦~~好掛住呀~~*3*
仲以為sunny唔係度,訂左d書點拎呢?原來佢只係行開左...
sunny好好,知我要開d咩書,話黎左新貨,wah~我梗係入手啦~
(梗係對我好啦~我個個月平均洗$300幾蚊係佢間舖度bor~~雖然唔係多,但都唔好得失我嘛~~呵呵呵~~好衰呀我!),買左一堆書,重到丫~
因約左班衰人食飯,又未夠鐘,我同sunny講想係度hea一陣,佢就話隨便啦~
坐左成個鐘有多,睇自己買個d書之餘,仲睇埋舖頭d書,
睇左本徐自摩(我真係幾鐘意佢個份好似女人o既"情感"~~呵呵呵),先知原來佢識泰戈爾,wah~真係開心大發現!真係有d估唔到,仲幾friend個下先好笑,不過le兩個人真係同一系列,唔friend都唔得.
坐到夠鐘就走人啦~
約左係Langham o既"1212+"食飯,個度幾靚,裝修好外國下,因有兩層之餘,仲有歌手又彈又唱(我好鐘意咁樣食飯,好正!),個歌手好似拉丁人,衣著Ricky Martin,但個樣就吳唱k,可以話係拉丁吳唱k咁囉~好搞笑架佢,佢唱得好之餘,又彈得一手好琴,動作又鬼馬,我地坐2樓,佢望上黎時,我對佢笑,佢都有對返我笑個下good嘛~
因為我覺得佢對我笑有反應,係一種專重囉~
有d人好衰,明知人地係contact緊你,你他媽的扮有型,當人透明睇唔到,唔嬲呀?!~
裝修有中有西有日,幾古怪下,但整體都冇乜問題.
d野食,都有中有西有日,好好食下架~~唔似出面個d餐廳平得黎好垃圾(雖然le間比起出面係貴d,但條數都仍然係抵食o既,因每人都係百幾蚊左右,但食物同環境都咁好,我覺得畀錢畀得舒服囉~),所以食得幾開心下~~
因第二日要返工,唔玩太夜啦~
所以12點幾左右就散~
就係因為咁,我第二日返工不知幾眼訓,辛苦到丫~
都話咪係平日聚會食飯架啦~明知唔會早走架嘛~衰!
(唔早唔晏仲衰!)
今次唔知點解,心情冇咁"感性",可能太常出黎食飯o既關係掛~
因為之前真係好耐先食一次飯,依家好似兩個月,一個月就聚一次咁,平常左囉~
我覺得咁都幾好架,唔洗成日搞到聚會好似好難咁,要搵原因.
依家即興就出黎,不知幾好,就好似今次咁,leo即興就約人一樣,不過即興得有d唔arm時間囉~衰仔丫!
但食得好開心就真係good o既!
彬仔依舊畀人蝦,lile依舊"憎人富貴,嫌人窮",得罪人(包括我!),steven依舊咁多咀,leo依舊小出聲,但click著個制,就維園呀伯起黎,軒仔依舊吹水吹水勁吹水,kathy依舊傻下傻下(我覺得!).
大家都冇乜變.
我?唔知呢?
p.s
11月 ----
- [NANA] 上影.
- [哈爾移動城堡]日版DVD Box set推出
正!
文章定位：
