頭很大．大想頭．想過頭 一期一會。

65愛的鼓勵 0訂閱站台

01/10 ----

因為放假,遲起左好多,有足夠睡眠後,成個人有返血色~仲有d"白裡透紅"添~~呵呵~真架!就係成日唔夠訓,每逢星期一至五成塊面係灰色,我自己都頂唔順.....
星期六好d,因返半日,老細個d又唔係度~

唉~一星期放兩日假咪好囉!

02/10 ---

星期日,理應係屋企休息,咩都唔做,人都唔理.
但呀媽呀姨問返大陸"消費",去唔去,咁我見咁耐冇返,又想"推拿",咁就破例啦~
同呀媽個d去呢~好處就係好多野都唔洗我畀錢,而同朋友去呢~好處就係買野同行街都係我鐘意o既,例如行書局同買CD,VCD,DVD呀咁~

所以個日真係冇乜大洗錢.

中間有個小插曲,就係我個白痴細佬(我真係唔係咁想認佢同我有血緣!),因為"懶醒,懶型,唔聽教"o既關係,畀d大陸"撻野達人"睇中,撻左部手提!

其實有幾次d撻野黨圍左2,3次,只係冇偷到,我已經見個白痴個電話條電話繩,吊係褲袋出面好耐,而我呀媽都出過聲幾次叫佢收返入去,當然,個結果個白痴發脾氣叫咪煩,咁我當然唔出聲點醒佢,由佢扮型,

le咁o既情況,你估香港咩?le度係大陸呀!咁大個傻仔放係面前,你估d大陸哩仲唔圍呀?傻啦~情況就係放幾舊金係面前一樣,仲唔"撻"??冇可能!

所以,我睇死佢一定會畀人偷,只係唔知幾時,同埋佢好冇彩o者!
何況部電話又唔係我,係d鐘意"寵"壞佢o既人買o既,而我不嬲支持"唔畀佢試下仆x,佢係唔知痛"o既"道理",所以我一定唔理佢.,冷血都係咁話!

其實畀人偷個次"圍",我企係個白痴後面,突然一堆麻甩圍埋黎,就知有野,我好小心咁護住個袋,點知係我前面個白痴仲"ON居居"咁楝係度畀人"摷"都冇反應,我真嬲都爆,我眼見有隻手係個白痴個大脾袋度摸,我咪一手扯佢一下,叫佢"吞開過黎啦!",點知佢竟然"啤"住我,WAH~如果唔係呀媽係度,我爆梗粗呀!
好笑o既係,我呀媽同佢一樣,傻下傻下咁話,係咪跌左野呀咁(指個班男甩),我真係激到暈係度.

冇野下話?le度唔係香港呀,睇新聞都知大陸真係好多賊,冇邊個個信得過架啦!得罪都係咁話,我次次上去,警界心不知大幾多,真係放心唔落~!

事後d麻甩四散,我咪問囉,你有冇畀人摸呀頭先?,佢條pk(我真係忍唔住要講!)又發脾氣,話冇呀咁,好~我唔理囉!呀媽見我咁問,都擔心問佢,仲問手提係咪度,個pk一摸褲袋,面都青埋(真架!),死摷爛摷,都係冇,呀媽咪又話都叫你點點點個d囉~個衰仔仲唔知衰,又話我頭先仲feel度係度架咁! feel?out爆之餘,仲唔知衰.

都話架啦~偷硬!

個白痴同呀媽呀姨之前都上過大陸幾次,都識小心?今次有冇得到教訓,真係好難講,因第二日佢如常咁黑我憎.=.=!

Anyway,有損失果個又唔係我,管你去死~