頭很大．大想頭．想過頭 一期一會。

65愛的鼓勵 0訂閱站台

le幾年,我都撇唔甩"Y先生",le個影,佢唔係衰人,只係所謂o既"鬧氣冤家".

係我中三o既時候鐘意左佢,暗戀個隻~而佢當時係外校黎o既中六生,係因打籃球o既關係而認識,之後呢~咪就係"鬧氣冤家"o既情節囉~返學同放學都會久唔久撞見,幾巧合架~
雖然係鐘意,但我咩行動都冇做過,或者我個時太保守掛~扮咩事都冇咁.

我覺得大家都有d曖昧(或者係我個人覺得掛...),其實,我覺得佢應該知我鐘意佢.

係我中四時有一次,
因為我係風紀o既關係,要守返自己級個層樓,中六,七生唔限進出,但都未曾見過佢經過le一層,但果一日,我見到佢經過之餘,身邊仲拖住個女仔(係佢同學),個刻真係有d打擊.

你算點呀?

平時我同佢都會搵d白痴野激大家,但個次大家都冇,我一眼都冇望佢,當佢透明,而佢都直行直過.

我真係嬲.

但點都好,總之中四時,佢就已經中七畢業,再冇"之後".

過左三年,預科完左後我就去讀設計,
因為上堂時間短,有時好早就返左屋企,又唔洗日日返學校,

有日,我係屋企樓下銀行辦戶口d野,坐左陣,發覺有條"視線"向我le邊射過黎,一望,唉~係佢,佢"依舊"搵野"挑戰"我,我個下真係畀佢嚇窒左下,唔知畀咩反應,我望一望佢,就木無表情咁拿拿聲離開銀行.

le個就係我第一次係校外"偶遇"返佢.
隔左幾日竟然係朋友口中知道,佢原來係我屋企附近d屋苑做,做咩就唔知啦~
(巧合到呢!~~)

隔左一年左右,有次係我屋企樓下買完野,拎住我背心抽,又係覺得有條"視線"向我le邊射過黎,一望,係我前面迎面走過o既人又係佢,佢又做埋d古惑樣對住我...
今次,我回敬佢一個鬼樣,就咁,大家停都冇停咁,各自向相反方向離開~

又隔左一年左右,我終於出黎社會做野.
每次放工返屋企,本來唔需要經過屋企附近個商場,但有次突然落大雨,唯有兜入商場,唔望都冇野,一望,又係佢,佢身邊有位同事,同佢傾緊計咁樣,今次,佢見見唔到我(或者,望到我又點?).

之後,係我屋企附近個商場,都"偶遇"過3,4次,但佢再發覺唔到我係佢身邊行過.

對其他人黎講,le d都係一d無聊事,但對我黎講就耿耿於懷左幾年,雖然當中都有拍過幾次拖,但個心就始終放唔低一d野.

每次我決定唔再諗佢,佢都會好"奇幻潮"咁係我身邊出現.勾起我一d感覺,都幾辛苦,就好似今次,我唔係屋企附近,都可以係其他地方撞見佢,係咪"孽"?~~

我都唔知係咪前世做錯咩,好似畀人玩咁~
我真係唔想再見到佢,咁只會畀麻煩我......






不過,
今次感覺好似弱左好多咁,
終於有一次係我主動同佢打招呼(雖然係一個好爛o既打招呼方式...),
但心情舒服左好多咁.