小雲今日真係悲喜交雜,所以樣子怪怪的(好彩沒有人看到~呵)
之後我會不定期咁update我的好朋友篇架啦~(好似學了姐姐的方式~唔好介意呀!!)所以你地可以上黎睇下,可能會有你的出現架(某人曰:我先唔稀罕呀~呵---___---!!)
------------------------------------------------------------------------------------------
還記得...那次畢業旅行時和你一起的快樂時光.......
在我心目中,你是一個很可愛,很隨和,時常喜歡哈哈大笑的人,又懂得搞氣氛,所以,我很喜歡和你在一起,眼看你身邊的朋友都要爭到你,要和你去街街,要你陪他們去這去那,心里不禁有點酸溜溜的感覺!!我相信這就是呷醋吧!!好酸呀~@.@~所以,有時候我都會加入成為其中一分子!!我要爭到你~~同你一齊玩架~~~~(我一出手,邊個夠我爭呀!!呵呵~我係咪好霸道呢?)
我好喜歡同你傾訴,開心,傷心,今日吃什麼甚至黃夏慧女士拍了什麼照片,我們都可以暢談一番;你最update的,因為你喜歡睇那些八掛雜誌;你有說不盡的話題,只要對住你,我便可以捧腹大笑,你一舉手一投足,都足以令我笑到喘不過氣來,你時常問我:「喂,我講野有咁好笑咩?有冇咁誇張呀?」說真的,我覺得你說的東西好另類,例如通常係踼人去大西洋,你一定要話踼人去印度洋,你就係喜歡創新,和你一起,真的對我的生命好有威脅架,因為不知道我幾時會比你的笑話笑到我死。
記得畢業旅行,你和我一組,又是同一間房,好開心,因為,你很會照顧暈車浪的我(詳見畢業旅行篇上),我每天在車上,一定變成死魚一條,訓在你的大腿上~好舒服哦(奸笑中~)因為我沒有一個訓覺的姿態的話,我一定嘔吐得一塌糊塗,雖然我都嘔了4次,但相對我以前已經很少了...(某人曰:好嘔心呀~~)你曾經微微吐了一句:「哎呀,好辛苦呀,日日都咁樣比你訓,我腰骨都定型了~好似前世欠左你咁,hahahahaha~」雖然我聽了覺得好對你唔住,但我對住你我最厚面皮了,於是乜都唔理,繼續訓(嘻嘻~~)好多謝你~~
我聽到有些人說,通常表面好快樂的人,內心其實是很脆弱的呀!!我一直好相信這句話,因為,我和你都是這樣的人,大家都是悲觀主義者,例如,我和你都不喜歡考完試測完驗同人對答案,因為覺得對左答案又有什麼用呢,知道自己計錯左咪仲唔開心,倒不如派卷哥陣先知,可能有意想不到的驚喜呢!!我們還有很多玩意,例如今次測驗測得唔好,我地都會想像自己的分數好低好低,我試過估某科得30分,點知50有分喎,心情當然會喜出望外,我們就是這樣自得其樂了。雖然我們好自欺欺人,但,我們的生活還是過得很快樂。
我有時候都好擔心你的,因為你有時比我更悲觀,想什麼事都是灰灰的,好似上次考澳大試,我們和一大班朋友去吃飯,誰知,我們吃完的時候,你所叫的還沒有來(期間吹了10次)我那時看著你,你面上帶著灰灰的神色,小聲說:「唉,我為何成世人都咁倒楣架,今朝考試又不懂,現在又比人蝦......」那時,我非常不滿,立刻找那伙計和老闆理論,(帶點非常憤怒的語氣~好彩你地冇睇到,費事嚇親你地呀~)因為,我覺得,我要保護你呀~你咁好,我一定唔會比人蝦你的!!!!(好似d姐姐保護妹妹咁~)
今日,我本應好高興的,但...當我知道你再次跌倒的時候,我真係不知所措了,真的,我好驚怕,我就是不相信,我不能接受這現實,腦中一片混亂之際,只會以淚水進行緩和(我唔知點解控制唔到自己的淚腺分泌系統...無用鬼呀..),我不知道怎樣才可以幫到你,但,只要你開聲,我一定會奮不顧身咁去救你(救火咩?)...............呼..................世事變幻無常,只希望你能振作,你都應該聽過,上帝給我們的試練,我們定必可以承受到的,所以,你要加油呀!!跌倒,不要怕呀!!~~因為跌倒的背後一定有佢隱藏的意義架~試試尋找吧!!!!
我已經不知道可以再說什麼了,
現在,我以我的淚水為你祝福,
我以誠心向主為你禱告,
盼望你,可以繼續堅強的,快樂的活下去!!
我的好朋友---靜怡,我永遠都會支持你架~絕不放棄!!!!
----------------------------完--------------------------------
文章定位：
