各位係咪好掛住我呢?我咁就消失了廿幾日了!我見到本台的瀏覽人數係咁增加(當然小雲台長間唔中都會按下重新整理呢個按鈕來增加人流[註:不打自招了])心里不禁產生了一種戚戚然的感覺,因為覺得好對唔住各位日日來白行一趟,所以又想寫文供奉下呢度啦(嘻~)!!小雲一向作文都會先起稿,你地睇下我幾咁用心良苦呀?呵~~~呵~~~呵~~~但始終抓不住那一些些的感興(某人曰:使唔使講到咁好呀?唔想寫就唔想寫啦!懶惰的藉口)x.x...有時起到一半稿就無心機寫了,有時候仲訓著添(我通常都會晚上才作的)就係咁樣,一直拖到現在~~其實我都唔知寫乜好,不如就寫下我呢幾日做過乜,煩過d咩事呀~~
P.S:各位如果覺得悶~咁就唔好睇啦~我怕睇完會令你地更加煩燥~加下天氣熱呀ma~~嘩哈哈哈哈哈..(某人曰:笑?有乜好笑??)
P.S2:以上的廢話足以組成一篇文,不如就咁算啦:p~而題目就不如叫.....多餘了的說話(咪即廢話)heeeeee........
------------------------------------
呀!!呢幾日我認真頭痛哦!!!差不多一年無買新衣服的我~竟然為了畢業的聚餐舞會和謝師宴大傷腦筋!!!(唔好笑我平時無乜幾件衫著,其實我唔係無既,我只係成日"偷偷"拿我妹妹新買的衣服試試穿吧!!!這就是有妹妹的好處~)
真的,一年無行街街買衫,呀~~其實我平時都有行,不過最主要係食野,尤其行到信x城哥邊,嘩!!!夏天的意大利式泡冰呀,冬天的紅豆餅,一年四季都岩飲的草莓奶茶加珠走冰呀,芝士吞拿魚夾餅呀(拱北口岸商場的小泉居最好味),阿波羅雪糕屋的藍莓+蜜桃鮮乳酪和草莓香芋曲奇各種口味雪糕呀~救命呀~~~以上的食品係我呢排吃開的,下期我吃乜野呢...遲d話過你知呀~~
唔///你地明唔明白到我點解咁肥,同埋好似無乜錢咁,唉...鬼咩,咪就係食哂lor~~唉,咁大食,成日比阿媽話:「你睇你個妹,有錢就去買衫,不知幾識打扮,你?好似d乞兒咁,成日都係"偷"阿妹d衫著,自己有錢就食哂,搞到自己好似好窮咁(其實我真係好窮架!邊位有心人施捨個發財錢呀?)萬一你第日無錢,你話你會點?你最好找個有錢老公,如果唔係,你都命不久矣...」(喂,媽呀!我唔係廢人,我曉努力賺錢架喎!~)..不過講真,我咁大食呀~~d男仔都驚哂我啦~~仲邊有人吼喎~~~~~~~嚇走哂d人.............侏羅紀時代重現眼前....000000000000000
(某人曰:依,唔係講ball咩???)依??又係喎,扯遠了話題~~
我呀~~都算可悲了~可能真係沒有細心挑選衣服的習慣,於是,我越黎越無眼光,越黎越唔想睇~~~~~~~
上星期開始,我去選擇舞會的衣服,初初和媽媽,妹妹去看,由澳門睇到拱北,由拱北睇返黎澳門~oh...行過十多間的商場,過百間的商鋪,怎樣睇都是睇不上眼的!!我不是介意價錢的問題,只求合眼緣就ok,但...就是越睇越煩!!!!!!!!!我不知道為何!!!我不會主動走入去商鋪左找找右找找的!!!想知道一間店子質素如何,我就是看看門口掛了那幾件衣服便一目了然,然而這樣我給不耐煩的媽&妹(佢地合體了)埋怨:「有冇搞錯呀!!睇衫邊有人好似佢咁睇架!!」「...........」「咁樣睇就不如唔好睇..」「..........」「係lor係lor,浪費哂d時間.....」「..........」「哎呀....不如叫佢唔好去,就乜都唔使煩」「..............那倆母女真係...........」
此時此刻,我好無奈,都有諗過唔去,但一諗到吃自助餐,我就立志,一定要穿得好好睇睇去呢個party!!(去迎接我親愛的食物),講真,我真係有諗過穿運動服去,因為著運動鞋會跑得快d,拿食物都方便d嘛(阿媽吩咐過唔好把呢個唸頭話比人地知喎,會失禮死人,但我...唔...你地唔會話比人知架可~呵)~~~
其實心中都有一個雛形架啦!我想穿到好似小公主咁,不過一想到自己的樣子醜陋,再想到同學們見到我之後的大笑,奸笑,牽強的笑,偷笑,無奈的笑,無所適從的笑,一針見血的笑仲有同情的笑,可憐的笑等等,我都立刻取消了呢個唸頭,到時廢事比人笑到面都懂變色的(由紅-->橙黃-->綠-->青-->紫,嘩..咁勁,一定有人問我用邊隻化妝品...)
有幾位好友都陪我睇過,小雨、小盈等,我好多謝佢地的忍耐~因為我真係好挑剔...旁人見到一定罵過生龍活虎,死去活來(某人曰:成語不可亂用呀唔該!!)
----------------------------
「呀~~我一向唔識揀衫既~你覺得邊件好話我知,我就買左佢啦~我好隨便的,有衫穿就ok!!」小雲一開頭就給佢的朋友仔一些甜頭。
誰不知...
「呢件好唔好呀小咖喱?我覺得十分襯你喎!!」某朋友仔問。
「嘩!!咁成熟架...呢d係d廿幾三十歲穿的..嘩哈哈哈~~唔穿!!」
之後就只係聽到小雲自己同自己講:「呢件唔好,我背部咁靚,唔整d露背衫比我點對得住自己呀!!」然後就:「呀~哥陣冷氣一定好凍,唔穿露背了~」之後又:「我上圍咁掂,一定要穿吊帶低胸v字領長裙呀!!」一陣又:「呀...我怕我上圍突然縮水......跌裙.....」好多無聊而又白痴兼無腦的對話一直出現,但就係無乜人理會,朋友仔都給我嚇怕,因此逛了成個星期都冇乜收穫,終於有一日......
那天因為太累了,便留在家中午睡,可能天氣太熱,我發了一個惡夢........
在夢中:
「依,點解打電話比成班同學,但個個都唔在家的呢??咁奇怪既!!!弊,原來今日係去ball!!!依....現在係晚上6:30....依????????仲有半個鐘咪開始lor?我仲做招待添,死啦!!!!我又無衫無裙無鞋無手袋無首飾無錢無野食.....媽呀..........點算呀~~~~~~~」
媽淡淡應了一句:「真係自作孽不可活lor」...
跟住夢醒了~個夢真係好恐怖呀!!!(其實都幾白痴下..唔准笑呀~)
起床時,想想好在還有幾天給我選擇衣服,但又打聽到我班的同學...其實係我級的同學都買得七七八八了,而我,咩都冇,有幾個同學的媽媽更催促我添!!呀~~~煩死人......個人都開始燥了,造成我日日發惡夢的景象.......屈出個病來-----ball前抑鬱症。
好在,昨天就和一個上年工作時認識的一位大學姐姐去買衣服~佢真係好好人,知道我的煩惱後都立刻答應陪我去買,但我都好擔心,其實講真,我都唔知擔心d乜,可能呢次係我咁大個女第一次選擇d咁formal的裙(其實場面都唔係咁嚴重的,係小雲自己一個緊張,好似大陸婆出省城第一次見世面咁....)~對於平時唔多穿裙的我(唔計校裙就不會多過8次),真係十分有難度!!不過好彩,最後都買了一條全白的,像似小公主的裙(到時唔知嘔死幾多人lor~)就這樣子,煩惱就結束了~~~~
想知道我哥晚會穿成點,可以問我拿相睇架!!!(我應該會自拍既陰公~"靚"爆左人地個相機鏡頭,我可是賠唔起的!!)
註:只限沒有心臟病而又膽大包天的年青人索取~(好似又用錯成語,嘻~)
又註:今次呢篇文簡直係廢物中之極品呀~真係........只係好過無文章post....
呵呵....呵呵....呵呵呵~~~~~~~多謝各位,散場~~
文章定位：
