各位好呀~今日小雲好開心呀,因為我終於報到暑期活動呀(遲了二日),我參加了國畫班和特色飲料製作呀!(邊個想飲就出聲!唔怕飲完肚痛就找我!我整杯比佢,係咁依收返20雞又點話呀!!哈哈)
係呀!今次個題目係咪好得意,好新鮮呢?事緣係發生在考台灣試的第二日(即係昨天)
~~欲知後事如何,請往下看看~~大家要有心理準備呀,因為幾無聊下!!haha~
-----------------------------
昨天,我上午第一堂考完歷史時(因為我唔識做,所以半個鐘多d就交卷了)還有成個鐘,去邊度消磨時間好呢?我諗住在我考試哥層望下風景,點知立刻比人趕了下去操場處,我唔份氣咁下了去之際,又比人趕了再下一層的足球場,於是,在我極度不滿之下,我把心一橫,一腳踏出粵x中學的門口,到對面的新xx游泳池附屬小食部處買野食同睇報紙(小雲果然識苦中作樂呀!)
真好,那里有娛樂版無限供應,完全滿足了小雲那追求八掛時尚的最高境界!!~當我聚精會神的時候,一個十分面善的哥哥,同我打了個招呼,我想了一想,我記得他原來是我在上次某演唱會做工作人員時成日幫我的那位哥哥,很好,他給我的第一個印象是一個唔出聲,喜歡幫人的大學哥哥。可惜,不夠一秒,他就現形了。當他點了一根煙,我開始有點想走的感覺。
當我回禮過後,我起身欲走,誰不知佢仲快過我,立刻上前坐在我身邊,同我傾計,我看到他的金毛頭髮(上次見佢係冇染架)又抽煙,同他的朋友仔講電話又粗口成文,我立刻坐定定唔走住,因為不知道他下一步想點呀!(小雲因為看得太多電視,睇到有d神神化化的!!)就這樣,我就好辛苦一路吸入佢噴出黎的煙,一路同佢講野了(哥陣我好想自殺!!!!!唉..唔講又唔得,我怕人地話我'hill')~
「依!你做乜係呢度食野架?游完水呀?」我又天真又恐懼地問。
「哦!唔係,我考哥個乜乜台灣試喎!」
「依!你唔係讀緊大學咩?」
當他想答的時候,他的一個朋友來了,同樣是金毛,吃煙,不同的是...他句句都是粗口...(無奈~)
我本能就係說:
「唔阻你地呀~我走先。」
點知他竟然話:
「唔怕,坐多陣傾下計啦。」
我心諗:「點算點算點算點算呀~~~不過,我相信光天化日,佢地惡唔出咩樣子的,so....」
「好呀!咁你讀邊架?」我又問。
「x江呀!你呢?」他答。
「我讀培正呢!」我當時想到濠x的恐怖,但又看到他們驚訝的目光,真係又驚又喜,好矛盾呀心情」呵~
在他們連環噴煙之下,我決定要走,我大膽說:「我走先呀,唔阻你地」(我應該晨早咁講,但我又怕得罪人。)唉...........
那人大聲叫:「一陣見啦!」我心諗:「哈~咁多人考試,你找到我先算啦!你又唔知我個名,我係邊個室考試你又唔知,找到我就比個頭你坐~呵呵呵~~~」
鬼知.......................
我考完第二科地理時,我同好友小盈諗住在頭先哥度吃點東西再回家,點知,那兩個男仔竟然主動走向我們身邊坐下且搭訕!!oh!!!點算好呀!!那人的朋友同那人開始一唱一和了~(我講野開始唔友善了!!)
那人朋友:「暑假有乜做呀?我就有份工,冇乜野做,日日坐係度嘆,咁就有3千幾蚊落袋呀!」
那人立刻答「我咪仲好,我老豆那里,不用做野,只係返去打下機,上下網咁,就有4千幾蚊了....」
此時我和小盈低下頭,望都冇望佢地,連問都冇問,因為我地心有靈犀,一聽就知佢地當我們白痴啦!好似d咩乙水妹妹仔入局的片段真人版,只不過係呃人手法的失敗例子之一呀~~好彩我的美貌與智慧兼備,所以當他們問我們的時候,我立即拉小盈起身,話有時先走,下次再見。
我出門口時聽到佢地大叫「喂,唔做暑期工呀?留低電話呀!」
呵~啋佢都傻呀!就扮聽唔到咁快步走了。
第一,我唔係貪錢的人。
第二,我寧願做義工都唔做d咁無聊的野呀!
第三,我是很會戴眼識人的;想同我做朋友仔?係都過了我眼睛哥關先啦~!!
今次的事件,令我知道,警訊中所揭發的呃人手法,真的可以在生活中出現,仲可以咁白痴添!哈~~或許,他們只是隨口說說,不過,呃我呢d妹妹仔就..哼!!!太睇小我了!!!(雖然好多人都話我個樣比實際年齡小,但不至於咁低bbbb掛!!」呵~~
今次之後,我會更加支持收睇警訊的!!Good!!!
各位呀!!小雲可能太耐無寫文章了,呢篇文的水準差左d(某人日:你d野有什麼水準好言?呵?)大家睇完後唔知講乜or覺得無理取鬧的話,請你笑一下就好了~唔好罵我呀~~~~哈哈哈哈哈哈~~~~~(神志不清中)
下次我會比心機作的了~哈哈哈!!!
文章定位：
