呢幾日慢慢好番﹐冇咁咳既時候﹐尋日就開始乾咳番﹐成晚喉嚨痛仲痛醒埋﹐今日又搞到冇返工喇﹗唉…真係俾個病激死我喇﹗
今日訓下又醒下﹐醒左又訓番﹐完全係呆滯﹗不過排隊攞籌時﹐乘機睇晒本旅遊書﹐所以而家大概都會知道自己係大阪既行程會去邊度﹐我原來可以食到神戶牛肉添呀﹗今次又可以去晒京阪神（京都、大阪、神戶）三處地方﹗好野﹗抵返晒喇﹗而家只係諗下去東京時去邊度咋﹗不過都唔會離開原宿、新宿、涉谷、代官山、上野、台場﹐剛剛一日去一處都夠有突喇﹗
今日個 Passport 寄到手喇﹗不過好唔開心既就係我以前去旅行既紀錄全部冇晒喇﹗嗚…雖然唔係去得好多地方﹐但係俾番個紀錄我都好啦﹗今日仲乘機去埋中銀開埋個戶口﹐方便我一號出糧時即刻有錢自動轉帳﹐而家中銀兌 7.59 ﹐希望好似咸濕佬望女仔咁：再低 D ﹐再低 D 啦﹗
過埋聽日就只係得番一個禮拜咋﹐真係未出發﹐先興奮﹗
文章定位：
