一入去發現公司比想像中更大，但亦比想像中更少人，後來聽番我會做佢個位既同事 Sunny 講番，原來 7 月呢間公司搬0左黎而家呢度，又炒晒大部份舊人，淨係留番三個舊人0係度咋。唉﹗間間公司都係咁，搬公司就要炒人﹗
而家坐我隔離位0個個好鬼似何守信呀﹗我唔制﹗搵個好樣 D 啦，唔該﹗成間公司得 12 個人（8 男 4 女，計埋我﹗），得 2 個男係後生既。不過自從上次既教訓之後，我唔會向公司既男同事埋手喇，費事諗起 D 傷心事啦﹗
唔知點解，呢個禮拜好似散0左咁，好鬼眼瞓﹗工作其實唔辛苦，不過好濕碎，不過都未試過要 OT，已經好好多喇﹗6 點一兩個字就走得，搭埋小巴返到屋企都係 6 點 45 分，仲可以瞓到 8 點至食飯，好正呀﹗真係要哈利路亞喇﹗多謝天父俾呢份工我做喇﹗
文章定位：
