8 月 21 號，真係可以用幾個字形容：
立立亂
我去到0個時係下晝 1:00 左右，已經係人頭湧湧，一去到就不停開單、俾貨、收$$，完全冇時間諗其他野，好彩 CP 仔0個日心情唔係好躁。我亦都唔駛睇佢面色，所以時間都好快過。
會場中我公司除左拍住 Ulead 一齊做 Show 之外，其實仲有 Wacom 一齊既，如果唔明都會搞到幾混亂。不過算啦，總之係同兩間公司做啦。Wacom 派左個 Promoter（男仔），我一去到就係咁撩我講野，有時我都會同佢講下笑。有時佢又講得太多，我都唔會騷佢。我試過有幾次擰歪面，咁橋 CP 仔就0係我後面係咁望住我，搞到我唔知點算好，跟住佢好似包公上身咁，黑晒口面叫我執番好 D 野。
嘩﹗唔經唔覺就一直冇食野，由 9:00 去到 4:30 至有得食野，中間發生左一 D 小事。我地全班人其實係叫外賣，叫人送入黎會場俾我地。除左得我一個叫三文治之外，佢地個個都係叫飯食。終於野食到左時，原來係冇筷子、羹、飲筒既，（下﹗咪要用手拿黎食~）CP 見到咁，就即刻叫我食左野先，唔駛等。搞到得我自己有得食，而 CP 仔就算之後終於有筷子用都好似成盒飯冇食（好似係 6:00 ），就咁掉左盒飯喇。
0個日本來得小藍同小龍女黎搵我（你地去晒邊呀~﹗），但係小龍女放我飛機，乞人憎到死。所以成班 Friend 只有小藍見過 CP 仔真面目。不過小藍話佢成 Dum 低個頭睇唔到佢個樣，又睇唔到佢點樣對我，因為0個陣佢埋緊數，咪冇咩出聲囉，不過唔緊要。一定會見到既（重要係不久既將來…聽日咋）。
呢一日既營業額係四日裡面最好成績既一日，有成五六萬咁多（我地既貨由 $99-$2,000 不等），老細都話我好腳頭。因為我去到唔夠五分鐘就賣左一塊 Wacom 繪圖板 $1,7xx，差唔多係最貴0個塊，我未去之前，一塊都未賣得出。
俾老細讚就梗係開心啦，但係就係咁我就拎野。（留意『會展 2 』啦﹗）
文章定位：
