■□ Glamorous Days ■□ ＊ 就當一切難得＊ ＊＊ 所以珍惜 ＊＊ ‧能 珍 惜 最 好 的 事 情‧ ‧能 欣 賞 最 差 的 事 情‧ ‧能 感 激 最 小 的 事 情‧ 成熟的人不問過去； 聰明的人不問現在； 豁達的人不問未來。

2,199愛的鼓勵 0訂閱站台

第四站: 「乙水．仔」 (住宅博物館+嘉模聖母堂+大利來豬扒包)
等O左咁耐上到O架15號但係冇位都要企企企。澳門的巴士=香港的小巴‧不過大少少。架巴士比我O既感覺係好似坐梗旺角通宵小巴咁~ 超快超搖。火箭都有得坐但係我O地就要企。眼見LAWRENCE拎錢拎得勁辛苦又掛住係度笑笑笑…..

經過巴士司機一連飛飛飛站，我O地都唔知幾時落車，幸好澳門地方小D路都比較易認加上LAWRENCE識識地路。去到住宅博物館原來不用買票‧唏‧又慳返了! 好明顯入到去都係以「嘆冷氣為主」，我O地好衰咁:「對澳門O既歷史文化冇乜興趣!^_^」

彤彤炭炭行O左一陣都未行哂就話唔行喇! LAWRENCE陪我行埋，佢O地就係度拍照。之後大家都拍玩照就食…食食..食雪條~QOO! 彤彤果然係唔食零食呀O下~~~再反O左一陣都成兩點幾，所以就慢慢步行去大利來等食澳門O既出名美食之一-------豬扒包

行行下我又見返媽媽o既朋友:霞姨一家及娟姨仲有(見過但係唔熟)…..‧其實琴晚我已經係議事亭前地見佢O地路過，不過見佢O地好匆忙咁係我面前經過所以費事叫佢O地啦! 但係好明顯我唔叫佢O地，佢O地都唔認得我! 莫非我真係變O左咁多咩~~~~~~~~~~~~~~~~~~~~~~

大利來係一個無冷氣O既大排檔，不過有把大風扇吹住都唔係太熱。大利來每天大約三時先有豬扒包出爐，買哂=賣哂；所以我o地都要早d去等…
O個度D伙計唔休做咁O既樣真係乞人憎到顛。經過猜猜猜後………我同彤彤要出去買(要等都不特只‧仲要排隊)。行到埋去排‧果真是即時整熱烘烘很好食的樣子^_^” 我同霞姨說了很多次要「自己比錢」~ 不過最終都難逃佢請o既命運。

拿著包子拍過照後大口大口吃著，味道…… 其實不是特別的好吃，係個「包」好好吃而豬扒都係一般。凍o左一定唔好食~~ 除o左豬扒包之外我o地仲叫o左咖哩魚旦!哈哈! 係超級的辣，彤彤仲食到好似人o地勁辣大賽咁係度默默咁食^_^ 食到成肚都係氣~ 呵!

「乙水．仔」之旅完結了!返葡京再返酒店，回程時仲路經澳門大學 (澳門大學大門口，有看過《十月初五的月光》的人（即是我）應該會對這個門口有印象吧？常常都有拍到君好在這個門口返學放學的) 同埋仲經過真係有隻青蛙仔o既餐廳。落車後仲有少少時間去埋瑪嘉烈買葡撻回港比屋企人吃‧不過我冇買!

第五站: 酒店。碼頭。回港
搭五點船返港我o地又好似淡定o左少少係度等1635既酒店車去碼頭，我o地都曾經擔心過會唔會趕唔切o架! 個司機叔叔有少少嚇我o地o既成份: 一般o黎講去碼頭10分鐘到‧但係可能會塞車(o下!?)‧不過通常都唔會o既! Hehe結果梗係安全到步及上船啦!

因為之前book已經full哂所以被迫我同Lawrence搭五點船，炭炭彤彤要搭五點三船。但係彤彤受人所托要買煙我O地就等埋佢先過關。我同Lawrence一上到船填完張申報表就好好目訓~爽爽爽! 雖然d冷氣凍O左少少，但係都唔理喇~目訓!!!呼呼大睡一小時後安全返港!

之後我o地就一齊搭MTR返歸，一袋二袋咀香圜鉅記係人都知我O地係馬交返來!

馬交真細小旅程開心愉快結束!