■□ Glamorous Days ■□ ＊ 就當一切難得＊ ＊＊ 所以珍惜 ＊＊ ‧能 珍 惜 最 好 的 事 情‧ ‧能 欣 賞 最 差 的 事 情‧ ‧能 感 激 最 小 的 事 情‧ 成熟的人不問過去； 聰明的人不問現在； 豁達的人不問未來。

2,199愛的鼓勵 0訂閱站台

030810 (星期日) 超勁熱

小記:
其實老實說呢幾日O既心情都係嘛嘛地(所以都冇乜心雞打日記)，雖然日日都有出街已經冇咁多時間比我自我沉淪。不過今日同同事小聚真係覺得好開心，就係因為有唔開心先會知道開心O既可貴‧‧‧所以一口氣打返哂D日記! 唔開心O既O野要記住，開心O既O野更加要記住!!

* * * * * * * * * * * * *
今日因為CARRIE放假，所以就約埋ANKIE一齊出O黎聯誼 +豪一番來安撫下我失落O既心情!

哎呀!真係好鬼黑女，點解會塞車O架! 早知搭MTR就一定唔會遲遲…遲…到啦 SORRY ^_^” 今日實在太熱喇~ 係架有空調O既巴士上面都鬼咁焗‧‧‧D人真係臭到想死呀!

幾經辛苦先去到美麗華RED BOX，好彩佢O地都未開始唱O者!好明顯都係一路唱一路掛住傾計傾計‧‧‧因為CARRIE太多O野要爆比我O地知喇~ HEHE!哎呀~ 我而家先知原來ANKIE呀、小瑩呀…你O地都會上O黎睇我O既日記仔O架!哈哈!有D開心添 ^_^”

好明顯呢間RED BOX真係冇乜人唱，星期日都可以由二點半唱到八點，雖然我O地七點半到就閃人去食晚飯! 係尖咀好多O野食都唔知食乜好! 乜都好心急O既CARRIE連肚子餓都好心急醫肚，所以就好草率咁衝O左入元綠食‧‧‧一開始就勁叫勁叫‧‧‧個感覺同上次同MATHS阿SIR打邊爐差唔多!我呢D食O野食得慢又要享受食物O既人只有默默咁吃!

唔知點解有好多人都話我食O野食得好滋味!? CARRIE已經係第N個人同我講呢番說話‧‧‧其實點之為滋味呢??

通常食親元綠都可以食及坐勁耐O架嘛‧不過我O地食完就係度傾傾傾傾傾‧‧‧因為望住自己食O野O個個樣真係幾--------弱智。都唔知點解要設計成咁O既~ 食完又可以去抽獎!哈哈~ 又有2碟免費!但係個紀念品就真係GAP左少少!

慢慢部行去拍貼子照，好明顯尖咀真係都唔係好識路‧‧‧行過一個十字路口!勁搞笑咁有個NEWAY哥哥話:

「唱唔唱K呀? 唱K比個8折你O地O丫!」
我O地眼見張COUPON都只不過係寫住85折，我O地即刻係度勁笑，乜唱K都可以講價O架咩!

我O地更係唔唱啦O岩O岩先唱過。行到去UPDATE MORE，原來都係我O黎過O既~ 3個人影3次咭咁每人就有兩張喇!果然係一分錢一分貨，$30既QUALITY真係屎D但係又係影得最靚O個幅 ^_^”” 搞搞笑笑咁又反完一大輪!

CARRIE行行下又係度講鬼，又話今日係正日七月十四。唔好反啦! 真係有D驚O架~

最後一站我O地去O左傳說中O既「甜蜜蜜」食甜品。個唔記得乜鬼芒果雪巴真係好好食食呀!仲有叫O左個生果涼粉一齊食~ 都OK好食O既! 我O地下次目標係O個個限量版雪山。

食完之後都十一點幾，我O地就開開心心各自歸家!發覺我同熱九81C都幾有緣，今個月我第二次搭你喇!很喜歡一個人搭巴士O既感覺，發下白日夢咁又落車喇!

拿拿臨行返屋企，我真係有D驚 >﹏<” 不過返到屋佐睇返個月曆先知明天先係正日，但係係呢D日子都係唔好出咁多夜街喇!