■□ Glamorous Days ■□ ＊ 就當一切難得＊ ＊＊ 所以珍惜 ＊＊ ‧能 珍 惜 最 好 的 事 情‧ ‧能 欣 賞 最 差 的 事 情‧ ‧能 感 激 最 小 的 事 情‧ 成熟的人不問過去； 聰明的人不問現在； 豁達的人不問未來。

2,199愛的鼓勵 0訂閱站台

030729 (星期二) 猛熱

LAWRENCE好早就起O左身喇，我都係如常O地係床上面糾纏O左一陣先捨得起身。 我O地都準時O地9點落去食酒店早餐…… 我O地都話昨天「辛苦了彤彤」‧要彤彤行咁多路。亦因為呢個原因證明我同LAWRENCE唔係好支力‧都唔知點解會咁O既!?

食過早餐返房又要計劃一下今日O既行程。因為取消O左游早水，因而時間變得鬆動可以去遠D。執埋O野我O地就CHECK OUT 然後放低D行李係酒店先。

第一站: 大三巴+炮台山+ 澳門博物館
首先行上炮台山，路途中我O地見到「石春路」。見個伯伯行得咁過隱，我O地又高高興興除鞋走上去行。嘩! 比我想像中痛10倍!!!!! 完全係唔可以行得快O架~ 慢慢咁逐步逐步行‧一步一驚心! 我O地仲屎過個伯伯。伯伯行得超級快，而我O地D「後生仔」就…… 下次睇超級無敵獎門人時笑人O地唔好笑得咁大聲喇!

其實我O地今日O既行程都好趕急下‧哈哈‧仲咁悠閒係度行石春路，不過行完真係覺得促進O左血液循環~ 好健康! 行行行… 行上炮台山再經澳門博物館O既電梯落返去大三巴。好多人呀‧好多旅行團‧好多大陸你! 欣賞欣賞了一會，又走上大三巴的二樓。因樓梯與二樓的地是通窿的，可以見到地下，有點踏在半空都感覺，立時腳軟～

第二站: 禮記士多
本「悠閒澳門」寫到這裡的鮮果撈十分吸引，我們便前往位於賣草地街的禮記士多。這小小的鋪仔門面不是太吸引，加上剛吃過早餐基本上都係食唔落，但係一場O黎到點都要試試O既‧而LAWRENCE又一副「很想吃」的樣子。咁我O地就一同吃喇! 嗯! 不錯不錯~

就係等待買鮮果撈之際我又見到英皇O既同學仔。初時係我眼尾見到一個幾熟識O既男仔，再望一望原來係蔡詠竹同男朋友(死….我到而家都仲未記得…..應該係記得過但係又唔記得O左豬同學叫咩名)‧蔡詠竹同我講:「乜咁O岩O既!」‧係O羅‧乜咁O岩呀! (馬交真細小3)

第三站: 路環 (黑沙沙灘+安德魯葡撻)
下一站……路環。因為路途遙遠所以選擇搭巴士前往。
澳門O既路真係細‧感覺就係旺角等巴士咁( 路窄窄‧人迫迫)。而澳門就更加睇唔到O架巴士O黎未…… 而係要企出去目及先得! 等O左一陣就有車‧‧‧本來以為好快就會落車‧原來都要搭成半個鐘。早知就小睡片刻先啦‧‧‧唔夠目訓‧好眼目訓…… V_V

沿途經過「乙水．仔」，「乙水．仔」係住宅區感覺真係好似香港的馬鞍山‧可能係有D橋係度O既關係 ^_^” 而進入「路環」感覺就係搭車去赤柱咁等一條路出入。兜兜下就已經到達總站: 黑沙沙灘! 嘩! 同陽光玩遊戲指數: 極高‧曬到震~~~~熱到顛呀!! 真係想立刻換泳衣跳落水。但係唔好忘記我O地O既行李係酒店~鳴! 有得睇‧冇得反。

D沙果真是黑色的‧不過冇想像中咁黑。黑沙濕O左水之後成堆屎咁‧哈哈! 拍拍照後就去買「極級葡撻安德魯」食。搵個樹蔭位坐定定食~ GOOD! 但係彤彤就慘遭蚊襲‧一隻手七粒‧見到都癢…… 不過白花油一出果真掂擋!

之後我O地就為O左慳少少錢等15號巴士去「乙水．仔」O既住宅博物館。不幸地我O地等O左接近45分鐘。好彩個巴士站一D都唔曬……咁我O地就一邊等一邊傾計… 不時埋怨下點解咁耐都冇車~ 不時又白白痴痴話要用「念力」O架車先會O黎~ 明明眼見O架15號入O左去應該好快就出返O黎O架~~~ 不過最後我O地都冇放棄: 等到了!