Lâng 實 tsē。Guá kíng 一个 kak-á 坐。
一 liâu tn̂g-tn̂g，piⁿ-á 隔一位是一對戀人。
看伊惶惶狂狂插一位 tī 戀人 kiau 另外一組中ng，實在 bô sù-sī。
Bô guā kú，hit 對 tsia̍h 了走—ah。伊 suah liâm-mi 徙來 guá tsit pîng。
Tsit-má，中ng kap hit 組 koh 隔 beh 三位。
Tī guá tit-beh 結束 ê 時陣，伊 hiông-hiông khui-tshuì：「汝 kám ē 感覺熱？」
「淡薄á。」guá án-ne 回。
伊隨走去 kap 店員 kóng 冷氣 ē-īng khui khah 涼—buē。
Guá 發現伊看 ê 冊名叫「傑洛米的賭注」，piⁿ-á koh 一張台大圖書館 ê 條á，詳細看 tse 冊是 uì 台大借—ê。
伊坐 tńg-lâi，kā 手錶拔落來，形真高貴。
「Lán kám bat 見過？」
「Bô。」
「汝是原住民—hioh ？」
「M̄ 是。」
伊 bô koh ke kóng，guá 詳細 kā 相，白皮 iù-siù，實在真美麗。To̍h 行色匆匆，看 ē 出是急性。
「汝 bē 感覺 tsia ū khah 吵？」
「Bē，guá 看汝一个lâng niâ，所以 uá 汝 tsit pîng khah 靜。」
伊圓滾滾 ê 目仁，薄淡á leh 發光。
M̄-koh，tsit 時，guá àm-tǹg lóng tsia̍h了—ah，mā bô siáⁿ 理由 koh tiàm leh，而且，真 tsē lâng leh 等位。
Guá 只好向伊 kóng 一聲 beh 走—ah，m̄ 甘願起 kiâⁿ。
Ná 想 ná 感覺 bē-īng 失了 tse 機會，tio̍h 寫了 guá 聯絡方式，問伊。
伊 suah 直直拒絕，guá 想 guá 可能 tak—tio̍h 伊 ê 自尊，無法，只好 án-ne kiâⁿ—出去。
文章定位：
