電話 khuà 咧ㄉ開始想汝，我感覺親像一九九四年ㄟ熱天，隨時發燒，頭殼袂清醒。
會記彼時ㄟ暈熱，規个人得 beh tńg 起來，看四面白壁，白光中藏有紅火，有時我目睭金金定佇壁咧，啥物攏無咧看，喙裏輕唸汝ㄟ名，ká-ná 咧唸咒。
遮只有前世ㄟ深緣有法度解釋一切，無是安怎見無幾遍，熟似 kah 遮深。
今ㄚ日下晡，當我行佇地下街，規个頭殼攏咧想汝，汝ㄟ純真，汝ㄟ笑，心疼汝ㄟ受傷。
若 ke 一寸，ke 一秒，ke e 一 e，無定ㄉ永遠看袂着伊，一時想着遮，心內ㄉ不止仔驚惶。
我未來ㄟ媠某，好佳哉，福真深，咱兩人閣有相見ㄟ時。
文章定位：
