每一天也在面臨考驗＠BORISALLYLAND@AGNES B

2007-07-17 07:18:35| 人氣98| 回應0 | 上一篇 | 下一篇

每一天也在面臨考驗

推薦 0 收藏 0 轉貼0 訂閱站台

愈近ｂｂ出世的日子．
心情就愈緊張　也很反覆．．

有朋友探我的時候　我相當開懷．．
但在平日的早上　每一天　要食咩早餐　要做ｄ咩．
就是要面對的煩惱了．

好似尋日咁　起身嗰陣仲好地地．
諗住試吓整個早餐俾自己食啫．
（因為有咗　怕嗰陣油煙味　已經好耐無開過火）
食得丁嘢多都唔係咁好．

點知　就出事啦　我整咗腸仔　煎熟蛋　加埋茄汁豆　配鮮奶
其實呢個早餐都ｏｋ呀　我覺得．
食唔夠一半　打咗個ｈｕｔ　ｃｈｉ
跟住就嘔晒出嚟啦．．淨返嗰半　嘔完再勉強食埋佢．
之後就唔舒服．下午仲要返唔到工．

成個人都好ｓａｄ．．間屋得我一個　我無開燈．無開冷氣．
莫明奇妙的哭起來．

星期日仲有班朋友來探過我架嘛．．
但係當老公返咗工．間屋得我一個嗰陣
我ｇｅｉ獨居老人病又發作啦．．

ｅ家有時返唔到工ｇｅｉ時候　就會覺得自己好無用．
好似個廢人咁．　

唉　咁樣落去唔係辦法　對ｂｂ唔好架．
係咪每個媽咪陀ｂｂ都會係咁架呢？
睇書話　媽媽唔開心　ｂｂ都會唔開心　
太傷心或哭的話會對佢有影響．．

大家要忍耐啊．．我記得自己已經唔係第一次話自己咁架啦．
但我想正視呢個問題　所以都將最真實的事講出來．

尋晚臨瞓嗰時　
我仲同老公講：老公　我累到你破產啦．．
老公：點解呀？（回應我時佢已經半睡狀態）
我：　因為我返唔到工之後　以後靠晒你　你要養埋ｂｂ　你仲唔破產呀？
老公：唔會啦　你乖乖哋　無病無痛　個人開心ｄ．．．．．．
（跟住聽唔到佢講乜啦）
最後　我唔記得幾點先瞓得著．．
而家係一朝早　７點左右．今朝５點　我已經醒咗瞓唔返啦．
點先可以好瞓ｄ呢．？

希望當我只得我一個人的時候我也懂得開懷
而我清楚知道肚裏還有bb陪著我.

p.s
星期日朋友們探我ｇｅｉ相　稍後再ｐｏｓｔ
多謝你哋來探我．（partick amy 雪雪呀一 karen^.^)
仲有星期六特登過來陪我打牌gei石康雖然你一家嬴晒我哋三家.
但係都多謝你記住你去完台灣返來要再來我哋要上訴呀.!

我要檢舉

#芳芳又有心事

台長： BBPOOH

您可能對以下文章有興趣

迎接寶寶的來臨 ~ 倒數皆段最後四週

my新衫

煩呀.....無衫著啦..>,<

契女穎穎幼稚園畢業了..

人氣(98) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: BB在肚的日子 |
此分類下一篇:又到定期產前檢查GEI日子啦.
此分類上一篇:照咗4D啦~^ ^~

回應(0)