照咗4D啦~^ ^~＠BORISALLYLAND@AGNES B｜PChome Online 個人新聞台

2007-07-14 09:06:47| 人氣217| 回應3 | 上一篇 | 下一篇

照咗4D啦~^ ^~

推薦 0 收藏 0 轉貼0 訂閱站台

呢個就係我哋個BB女啦...見唔見到眼仔鼻仔咀仔呢.?
雖然唔算好清楚..
但係都可以見到基本樣貌.

之前一早BOOK咗照4D 約咗下午四點..
但係尋日上午我唔多舒服.. 又嘔返晒D早餐跟住就瞓咗一陣覺..
好快就2點幾啦..趕住出去坐車無時間食LUNCH..

老公在地鉄站等我時我腳都軟晒頭暈暈地 .
好在買咗蛋糕頂住肚..跟住就上去診所等見醫生啦.
當時是下午三點四十分..

但係等到四點幾近五點先到我入去..
姑娘解釋話醫生在同醫院通話所以遲咗 ..仲係咁同我哋講對唔住添!!

呢個醫生係我喺網上聽人話幾好..價錢合理..
所以我都嚟試吓..

真係要照4D啦..心情好緊張..
成個過程大約30分鐘啦...醫生好耐心咁解釋鏡頭以下..
邊度係頭仔手仔腳仔身體各部份
到面仔的時候 BB剛好背著我們只能看到小小側面..
最搞笑係佢在玩瑜伽雙腳貼住額頭呢..

醫生想俾BB正面我哋睇但照咗好幾分鐘 BB都係KEEP住以上動作..
於是叫我哋出去坐一陣再返入來照過..

在等的過程中我喺度諗 BB 可唔可以俾我見吓你個樣呀..?
20分鐘左右姑娘再次叫我個名..

今次見到正面啦...不過佢應該瞓咗覺覺豬..無乜唔特別動作郁過.
醫生話 BB算乖啦WOW...
我都覺得BB真係合作呢..

總結今日檢查醫生都係話我體重唔多理想..
建議我多吃一點至於BB SIZE就正常至於我點解個肚有時會硬起一舊嘢..
佢話可能係BB在子宮內練習出生的活動硬起的部份也有機會是頭仔
或是PAT PAT 不過都屬正常..

照完4D 連診金680蚊仲有兩隻DVD送返.(係4D過程)
加埋姑娘的服務態度
姑娘仲送給我兩罐BB奶粉SAMPLE 仲有一個靚靚紫色BB袋仔
真係估唔到覺得好超值呀^.^

點到好啦而家知道BB健康我就放心得多了..^.^

之後喺診所無幾遠仲撞到一個舊同事呀LAW..
我即刻俾幅BB樣佢睇吓 ..佢好開心話第一個可以睇到..^.^
仲提我生完一定要請佢哋食薑醋添..^.^

檢查完都6點幾7點啦..
行過TIMES SQUARE 影到的..有個展覽..

這兩個係其中一個作品...呢一男一女有名架..
~~呀當夏娃..~~.....樣子很搞笑呢..

呢個係一個頭髮吹到飛起的女仔...

名為~ 風.

FEEL唔FEEL到好大風呢.?

呢個伸手出來GEI女仔唔係乞錢..

名為 ~ 雨..

所以佢應該喺度求緊雨..

至於呢個同主題有D出入..因為個動作太難估啦..

名為 ~ 陽光.

你感唔感受到佢身上充滿陽光??

晚上約咗老公的朋友(呀祖呀佳 KANNIS)一齊食飯..
梗係俾佢哋睇吓照4D D相啦..
同人分享呢份喜悅真係好開心架..
呀祖佢哋仲喺度幫我哋諗吓幫BB改乜名..不過搞笑多D..
乜嘢盧大衛呀盧海鵬呀盧婉欣呀盧冰冰呀...
笑到我肚痛.....

晚飯十點幾左右埋單走人時間尚早
我哋兩公婆可以坐地鉄返屋企..經過中環站轉香港站時.
見到HELLO KITTY 地鉄小展覽..
雖然我唔鐘意HELLO KITTY 但係確實幾CUTE GEI..

圖上的地鉄笑笑樣係我最鐘意架..(唔多關KITTY事)

返到屋企即刻開隻DVD嚟睇吓
BB 我哋又見面啦..^.^
唯一美中不足係有畫無聲如果有埋醫生講解會好D..
我哋兩個喺度估估吓..不過唔緊要啦..
都係一個好珍貴的紀念品第時仲可以俾返BB睇添..^.^

我要檢舉

#照4D

台長： BBPOOH