迎接寶寶的來臨 ~ 倒數皆段最後四週＠BORISALLYLAND@AGNES B

2007-09-20 11:57:50| 人氣109| 回應0 | 上一篇 | 下一篇

迎接寶寶的來臨 ~ 倒數皆段最後四週

推薦 0 收藏 0 轉貼0 訂閱站台

話咁快又一個禮拜啦..
呢個星期開始更加接近寶寶的來臨..

這張咭是從日本一個朋友寄來的..很可愛呢.

一打開就見到一個好可愛的寶寶啦..

講返呢個禮拜真係忙過不停 ..
要由上個星期六開始講起..

老豆佢特登上嚟我屋企幫我手整薑醋d嘢啦..
話說我同呀妹出世時都係佢整薑醋架wow.
佢都有經驗架啦話雖如此都成十幾年前gei事(對上嗰次係呀妹出世)
所以我都喺網上搵到d整薑醋方法俾佢參巧吓.

原來一煲薑醋要係生之前一個月開始整架啦..
咁先入味仲要每個禮拜返煲保持新鮮同衛生.

不過最辛苦的應該係事前準備功夫就係批薑皮啦.
老豆話要b女老豆(即係我老公啦)一齊參與先得.

以上就係實況啦.. 要批成五斤薑真係批到手軟架..
我喺側邊睇所以感覺好輕鬆又好溫暖.

老豆仲話批完d薑皮要留返風乾俾我生完用來沖涼咁話.
e 諗起都唔想沖不過我會照跟住做gei..始終呢d古方嘢.
一定要佢gei原因同好處沖涼啫唔好叫我沖水飲就得啦!

薑醋嗰d嘢就交俾男人做啦.
而我呢個準媽咪可以做咩呢..

尋日上午一早起身我終於"dick"起心肝
洗晒bb d衫用手洗嗰隻本來我諗住洗幾件要著嗰d先..
大件嘢就留返機洗..
不過當我洗咗好幾件衫仔同埋紗巾仔呀之後.
心血來潮不如一次過洗埋啦..

結果我用咗三個鐘頭gei時間洗嘢好多衫同埋最重兩件包被..
洗到手到軟我對住肚gei bb講 .."媽咪可以做gei嘢暫時係咁多啦!"
望住呢d晾緊gei衫好有滿足感..同埋大部份都係粉紅色..
感覺好似真係bb已經喺屋企啦!

啱啱嗰個星期二又係我產檢gei日子.
醫生話我個bb頭仔已經向咗下面啦進入咗產道加上佢已經足月.
所以隨時都出得世架啦. 叫我留意一下.
如果呢個星期未生得下個星期二就繼續覆診生咗就唔駛返嚟啦
仲俾埋一份文件我叫我跟身有咩事就可即刻入院啦.

就係一個"隨時"gei字眼令人好緊張呢..
呢個"隨時"gei字眼其實係好虛無無話幾時講咗等於無講..
但係令人好緊張咁..令到我老公都有少少緊張.
(不過佢實話唔係所以只可以形容少少緊張)

呢個禮拜個我肚肚成日硬起有時又會痛好似真係生得咁.
但係呢d都係bb練習出世的動作所以未到真正一刻
都要捱吓痛啦尋晚痛到三點幾先累到瞓著 ..>.<
估唔到最後階段係咁痛苦我真係想佢快d出嚟呀..唔好要我等咁耐就好啦.
中秋之後見到佢就好lu.

我要檢舉

台長： BBPOOH

您可能對以下文章有興趣

又到定期產前檢查GEI日子啦.

GOOD NEWS

契女穎穎幼稚園畢業了..

九月啦..~ 仲有一個月

人氣(109) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: BB在肚的日子 |
此分類上一篇:沈迷Sudoku

回應(0)