24h購物| | PChome| 登入
2008-08-17 23:15:38| 人氣119| 回應1 | 上一篇 | 下一篇

一周報告！

推薦 0 收藏 0 轉貼0 訂閱站台

過左兩個星期啦，我心情已經冇咩野啦～可能根本都唔需要時間去習慣，經過左六個星期既時間，我已經知道一齊同分開既分別係咩？我唔想因為想身邊有個人而繼續同佢一齊，而明明知道大家唔岩。曾經喊過，已經足夠！需要傷心既都過去，我要繼續努力．

呢兩個星期我都好忙，忙到冇時間去打日記，或者都冇咩好寫，日日都係咁上下！亦都冇人需要我去交代，自由自在既生活，令我更充實！

上個星期一，冇咩做，返屋企食飯！

星期二去左做同美美去左做ＧＹＭ，佢話星期三唔得閒，所以改左期。佢岩岩打完比賽，我見到佢比人打到瘀哂，真係心痛！真係想話佢，比賽都唔使打到好似比人痛打完無力反擊咁～果日唔知做咩咁多人，搞到我地冇得跑步，唯有去焗桑拿，我幫佢卒下啲瘀，又傾下心事咁囉～好早就走左啦，去左食野，食刀削麵真係幾好食，下次要再去食下先！

星期三本黎係同ＪＯＹＣＥ去做ＧＹＭ既，不過後尾我地去左同佢老公同啲波友食飯，食完飯我地就去左焗桑拿，又係咩運動都冇做過～懶到死呀！ＪＯＹＣＥ成晚係度搞搞震。最後都係如佢所願，希望真係唔會後悔呢個決定！

星期四媽媽生日去左旺角食飯，食飯前去左交學費，九月正式開學，要修心養性，努力讀書！去左食台灣野，都算ＯＫ啦，仲有細佬女朋友同阿姨一齊食，反正係細佬請，話之佢邊個黎呀！

星期五去左美食節，超多人。果日唔係咁舒服，每月一次又黎啦～另外我朝早食左啲好似鐵線咁既炒米粉落肚，唔使兩個鐘，即刻響警號！食左藥都唔得，仲痛到嘔添～嘔左兩次，真係好辛苦，唔食野就好啲！放左工去左美食節，四個人去，ＪＯＹＣＥ兩公婆＆紹強＆我，等到差唔多八點先齊人，入到去真係多人到想發脾氣～最後行到十點到就走啦～收獲都算豐富．之後仲去左跑馬地食飯，但因為胃痛，所以食左好少野～返到屋企成十二點幾啦！

星期六同紹強去左睇戲，去奧海城，原來真係冇野行既～跟住行左一陣就去旺角食飯，返屋企～睇地心探險記，好好睇呀～最鐘意睇呢Ｄ戲，但又要驚喎～呵呵，我就係咁！

我要檢舉
台長： Ｎａｔａｌｉｅ
人氣(119) | 回應(1)| 推薦 (0)| 收藏 (0)| 轉寄
全站分類: 不分類

我要回應
Zeon
= =" 奧海城只係個比較新少少既街坊商場......真係冇野好行架........
2008-08-18 20:42:59
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文