24h購物| | PChome| 登入
2008-01-30 22:57:37| 人氣67| 回應0 | 上一篇 | 下一篇

快結冰了．．．

推薦 0 收藏 0 轉貼0 訂閱站台

嘩，今日好凍呀！好似話得十度到咋，真係辛苦，個天氣同係心一樣冰凍。但再難過都始終會有春天來臨既一日，我知我可以捱過呢個嚴冬既！聽日仲要凍過今日呀，要著多件衫先。

尋晚諗住同亞迪傾兩句，點知比佢做左出氣袋，真無辜！激死人．．．
我又忍唔住打比佢啦，換黎既依然係冷淡既回應！我抵死既，好地地做咩要打比佢喎，自己攞黎唔開心既．．．

因為尋日遲到既關係，我今日特登早左出門口，果然早左好多，八點三就落左車，有以前既水準呀～哈．．．見咁早，想食過暖烘烘既早餐，就行遠左少少去海皇粥度買白粥炸兩食。好耐冇食，幾好味，飽到食晏都唔係好肚餓！今日冇咩做，好得閒，好悶。三點半就開始坐係度等放工，真希望有多啲野做下～無聊既時候係張紙上面係咁畫，其實都唔知畫咩。淨係知自己個腦又係度諗埋啲無謂野，實在係控制唔到呀．．．真係想行開下，但一個人又去得邊呀？唯有繼續係呢個傷心地繼續生活啦！因為咁，突然有個念頭，想返去姨丈度做，轉下新環境又可以忙啲，痛會好得快啲，都係諗下既姐～放工去得邊，都係返屋企！同joyce一齊走，佢未婚夫又黎接佢，見到佢地咁恩愛，真係開心～覺得佢地結左婚都會好幸福，好真心祝福佢地，所以為佢地做呢個統籌幾辛苦都冇所謂。雖然同佢唔係識左好耐，但可以做到咁交心，真係好開心。

今晚’媽媽’打電話黎問我，過年會唔會去van度拜年！果一刻，眼淚好似控制唔到咁，最後都同佢講左，我以後都唔會去佢度，佢梗係明白啦！仲問我點解，真係唔識答佢，好多人都係咁問我，答到自己都唔知講緊咩啦。我叫佢去問下當事人啦，同一件事唔想講太多次，就由佢為呢件事負下責任啦！

今朝起身，見到個黑眼圈好勁，所以今晚電視都冇睇，好早就沖涼，因為諗住早啲訓！

我要檢舉
台長： Ｎａｔａｌｉｅ
人氣(67) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文