24h購物| | PChome| 登入
2008-01-29 23:11:59| 人氣63| 回應0 | 上一篇 | 下一篇

遲到！

推薦 0 收藏 0 轉貼0 訂閱站台

唉，今朝遲到呀！連環幾車相撞加上大塞車．．．我足足遲左四十五分鐘，坐係車上面真係好無奈。感覺真係似曾相識～～想落車又落唔到，坐係度係個隧道入面呆等，時間係咁就冇左！返到公司第一時候上去二老闆房簽名，又比佢囉唆一陣，返去做野，都差唔多十點啦～

跟住就ｆｅｅｌ到我個部門有一陣殺氣從後面散發出黎，班長不出所料，比男老師話完一餐，然後就到我地呢班同學仔受罪啦！罪狀有三：講電話太多，去其他同事度傾計同埋去廁所太耐！哈哈，我都認係既．所以今日收歛左少少！再黎一張遲到既通告，真係有啲唔忿氣，只不過係一次遲到，使唔使咁嚴重要出通告呀？可能係因為我今日自己遲，所以先對號入座姐！諗得太多，嘻嘻～～但真係唔係幾開心！想搵佢．．．但知道唔可以！

今日放工去左三伯娘屋企，佢地話今大閘蟹喎！我都唔食既，不過都去左食餐飯。或者我去都唔係為食飯，只係想見到佢姐．因為媽咪叫我拎幾隻比佢！我本黎應該一次過同埋佢地講我地分左手既事既，不過實在唔知點開口．

但其實見到佢又點呀，佢一直都係係度避開我！當我見唔到佢既時候我會覺得自己已經死左心，但原來當佢出現係面前既時候，我又發現我根本未可以將佢放低，但我又曾經同自己講過要做得到，所以我一定要得！而佢就更加唔使講啦！每一個男仔都係咁架啦，最叻就係話冇勇氣面對～講真，我又有幾多勇氣去面對呢件事。只係煮到埋黎就要食架啦，唯到本住呢個心態先可以好過啲姐。一日咁長，點會可以唔諗起佢呀？我真係試過好多次打左個ｍｓｇ比佢而最後都係冇ｓｅｎｄ出去，唯有當自己已經ｓｅｎｄ左比佢，佢冇覆我啦．．．日子就梗係咁過架啦！好多想做既野都已經冇人陪我啦．．．

今日我既Nat Nat Bank已經開張啦！

我要檢舉
台長： Ｎａｔａｌｉｅ
人氣(63) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文