今日係我地個one day tour啦~終於都到啦~不過因為我地要做呢guide所以都唔係咁好玩,反而係好緊張~因為要背既野又未背得熟...所以大家都係非常之緊張架~
我仲係屋企既時候,我就收到亞迪既message話佢唔舒服呀...返唔到...咁我都有打返比佢...咁佢唔舒服就冇得講啦~不過都幾擔心佢既身體架!咁我上左車之後就打比美儀,同佢講...不過佢都一早知...咁我同佢傾過都話等石仔黎做...因為佢都冇咩野講...我落車之前亞盈都打比我問我亞迪...咁我就同佢講話佢唔返...之後佢係買早餐果陣等埋我先返去~
咁我地一去到就就諗住係下面等埋先返上去啦~但係點知等等下呢...d人就叫我地上去,話差唔多夠鐘要點名...咁我就打比佢地話上去等,之後上到去就見到d人開始做緊野...但又好似唔係好覺得佢地係做緊野咁...
咁等左一陣我地就上左車...咁就開始聽佢地講野啦~有一個男仔好勁呀~係咁講周圍既環境...
第一站係磨菇場呀~係磨菇場入面我地係咁玩~明明下一part就係我地架啦~,應該話一上車就到我地...咁大家就係度玩...我仲話化呢個緊張為發癲...咁我地差唔多玩到咩都唔記得哂架啦~咁之後我地又係度影相...
上返車之後就到我地啦~第一個講野既人依然都係覺子...因為佢比較定~咁之後到christine,佢好似有d唔記得...其實亞盈講緊既時候,我同美儀都想叫佢講下呢個風境架,不過佢又睇唔到我地講咩...之後到我啦~我係勁緊張呀,所以我講得勁快...又有d唔係好記得喎...到美儀講既時候d人都好開心,因為有問答遊戲...咁到石仔講既時候佢好冇禮貌呀~架車又鬼死咁耐先到喎~比我地預期之中長左好多...落左車之後係更加難架...因為我地要幫石仔呀~
咁之後我地上返車,終於都攪掂啦~輕一口氣...到惠儀佢地~今次架車又快左好多喎...攪到講唔切呀~
之後係燒野食...不過唔係好夠時間...咁我地唯有係最尾作最後既衝次...就係我地係咁拎麵包...我係咁烘黎食...好好味~仲拎左幾條番薯添~
咁到左恆香都係咁...不過就好人去買野...我都有買呀~就係蛋卷~
咁到走果陣係好累架...不過佢又係咁講野...亞盈仲訓著左添...
放左之後因為我要等嘉麒,所以叫佢地陪我去行一陣...咁行到六點幾,我打去佢公司話搵佢,但係就有一個唔係佢既人話佢係...咁我就好無奈都唔知講咩好...咁之後佢終於都知道自己係聽錯野...咁嘉麒佢黎左搵我...我同佢搭巴士返去啦~本身係有位坐架...不過我又話唔上羅...
返到屋企有事發生....唔想講...
其實好多時好多野都係人與生俱來架...唔係咁易改...雖然有d野係可以後天改變...但都唔一定會改得成...人通常都只會覺得人地有問題,但當自己做返同一樣既野既時候,又會有一個好似好合理既解釋...其實全部都係錯架...
文章定位：
