唔...而家既我開始連星期六,日都唔寫日記啦~因為我每個禮拜六,日都冇咩野做過~
上個禮拜六,日呢~我就去左買電話...始終都係買返我最想買果個~不過買果陣都同亞媽傾左好耐~佢話個電話唔好喎~
咁今日一早返到去就見到美儀坐左係度~佢今日好早呀~我一見到佢我就係度煩佢~咁但其實我己經買左電話架啦~所以佢都話我~
咁今日返十點啦~所以我都好精神呀~我返到去先記得原來要默書呀~咁所以我就係hidy之前溫~其實我都記得d架~不過到默果陣調轉哂咋~
咁lunch我愛人- nina同我地一齊食呀~但美儀就唔係同我地食啦~因為佢約左愛人呀~唔係呀應該係男朋友先岩~
咁原來我愛人既愛人係馬鞍山返工架~佢仲話搵日去搵佢添呀~佢地一齊左唔係好耐~但都應該對對方有信心先得架嘛~食飽之後呢~好多人都開論壇,一邊就開點可以肥,另一邊就講呢個減肥~總之就好搞笑啦~
咁之後上左一堂就放學啦~
放左學就走~咁之後呢我就送左美儀去搭車~因為佢今日搭巴士呀~之後係巴士站又見到karco呀~同佢係車度傾左好耐~
本來諗住今去跑步架~不過又好似好累咁~所以我都係冇去~
今日又有d野想講下~成日都係關於一d感情事~不論係我定係其他人既問題都可以引發我既感受~
一對情人點先為之好呢~唔通見到佢地好恩愛就係好~但其實好多人係人面前都會好好~只係當有問題既時候唔比其他人知姐...
身邊都有好多人拍拖呀~令到我睇到更多唔同人對愛情既睇法~有d就覺得拍拖唔可以有太多束縛;有d就想見多d都唔得;而有d人就係對自己既愛情冇咩信心~更加有一個好朋友-佢其實係好感情好專一架...不過有時就連佢自己都搞唔清楚自己係點諗...係佢幾個fd之間,搞到佢好似好花心咁...但佢對每一段情都好認真~
每個人既愛情價值觀係好唔同~好多時好多野都唔可以問人地,人地係只可以聽你講,同比一d意見架咋~愛情雖然唔可以計較邊個付出較多,但亦唔可以覺得人地對自己好係應份架~
一定要記得呀~對你好唔係永恆架~當另一半遇到一個比你好,比你體貼既時候一切都會唔同架啦~到果陣無論你做咩佢都會覺得你唔岩,你錯...甚至係睇你唔順眼呀~
所以切記...唔好以為佢唔會變...只係一點一滴咁變既時候,自己唔留意得到...到左你發覺既時候想做返一d野,都己經太遲架啦~皆因佢己經睇你唔順~到時喊都冇謂啦~
文章定位：
