夾心餅發泄編＠﹏愛×請問怎麼走_||｜PChome Online 個人新聞台

2016-08-16 23:54:35| 人氣100| 回應0 | 上一篇 | 下一篇

夾心餅發泄編

推薦 0 收藏 0 轉貼0 訂閱站台

2016.08.08

同安街發生嚴重交通事故，一架無人駕駛的旅遊巴從高園街直流撞倒華強大廈其中一主柱，事件波及華強大廈所有居民，令所有華強大廈居民有家歸不得（包括我）！

2016.08.16

事件發生到而家，已經過了一個星期，所有居民都有冤無路數，都在等工務局開講解會，解釋一下工務局對華強大廈所出嘅驗樓報告。

媽咪、哥哥和我三個傾過話聽埋份驗樓報告先返去住，而且唔係第一家先入住，而係有其他住戶話入，我地先入。因為媽咪怕到時大樓有咩意外，所有責任都推比第一戶入住嘅人。

而爸爸，今晚同我講，佢聽晚會搬返去住（呢段時間佢一直住青洲災民中心），而我都將呢個消息轉達比媽咪，媽咪當然又罵爸爸點解唔聽埋個講解會。 Anyways, 你地無人考慮到我係起咩處境，你地要我傳遞信息無問題，可唔可以唔好將你地嘅情緒發出黎而又由我把口傳遞出去？你要知道，你2個都係我父母，我就算傳遞信息，都唔會將你地嘅情緒傳遞埋出去，變相我要承受你地所有嘅情緒！垃圾桶始終都會有滿瀉嘅一日，今晚我喊只不過係宣泄一下情緒，但我唔知道我爆個一刻會係點，今晚我仲出現一d壞念頭，我希望唔會發生！我真係唔係你地所睇到咁堅強！

你地可能會問，咁你哥哥呢？

我哥哥處於愛理不理嘅階段，成日只係識打機、做運動，你地可能會覺得我哥哥幾好丫，無不良嗜好，但當遇到問題，佢從來都唔解決唔解釋，就算解釋，要佢解釋清楚都唔願意。其實我都明白佢嘅感覺，因為我都係咁，有時候係出邊工作攰，返到屋企想沉靜下，但係呢個時候，偏偏父母就有好多問題問你，而你又會不知不覺間將你係出邊嘅情緒發洩返係你父母身上。可能由細到大，我地一家大小都好少溝通嘅，變相大個之後，好多事情都收收埋埋，唔會同屋企人商量。我好明白無溝通係一件嚴重嘅事！但我無勇氣踏出第一步，我唔知自己怕咩.....

今年我終於畢業了，而且也開始有工作了，我唔知未來會變成點，我只希望唔好再有甚麼突發事件發生！

p.s.我唔想再讓自己後悔！我必須要行出第一步！無論任何事情！

我要檢舉

台長： Zoe