今次用左八十蚊買左四張廢紙, 原以為自己係世上最失意既人, 六合彩頭獎非我莫屬, 點知一個字都冇中, 既然個天要俾我知道唔係最失意既人, 咁我唯有面對現實 - 返工！
月頭請假既後果就係做死自己, 返到公司睇見檯面佈滿紙條, 上面寫住：Yan, 乜乜乜物物物......睇完不得不即刻開工。
趁住放飯既時候, 去左機鋪打機, 點知好揀唔揀, 揀錯左一部帶有三級成份既遊戲(在兩張相同的照片找錯處), ｄ相全部都係比堅尼女郎, 有ｄ仲係無上裝女郎, 攪到坐我隔離條麻甩佬望住我玩, 望住我用手指指住火辣辣鬼妹既胸, pat pat, 三角地帶...非常之尷尬 = ="
放工約左冰熊豹打邊邊, 呢一餐係我自星期三晚後既第一餐, 星期四果日完全冇食過野, 連一滴水都冇飲過, 直至返工搭車前先買支水飲下。參加完飢饉48小時既我, 放工連拉鐵閘既力都冇, 好在最後都俾我鎖到門 :p
打邊邊其間, 唔知點解俾佢地三個屈我請佢地去台灣 "f(-_____-")
我諗同你地一齊去旅行一定會好開心 (如果你地自己俾返自己果份既話)。
忙碌既工作可以忘記唔開心既事, 同朋友一齊嘻嘻哈哈更可以忘記唔開心既事, 呢一刻既我, 已經唔再想喊, 心情似乎平伏左好多, 希望我真係放得低所有令自己唔開心既事。
你仍然係我心目中最重要既朋友, 為左唔想失去你呢個朋友, 我會識做架喇, 你放心啦, 我唔會再傻落去, 我知你會明白我想講乜, 希望我做得到既同時, 你都做得到。
哈哈 ~ 岩岩同你傾MSN, 你講果個咩gig, 真係好想去睇下...anyway祝你成功 ^^/"
um...今日係2006年1月7日, 遲左7日先黎重新開始, 應該唔算遲掛 ~
***********************************************************************
Anne, Ling, Mandy, 我個妹, 熊熊, 豆, 冰, ｐ仔, 豹豹, 丁, 真
↑ 好多謝你地！
另外我都好想多謝阿老闆娘, 容許我做出咁荒唐既事, 批准我請幾日失戀大假 ^^"
仲有仲有, 我都要多謝你將事實講我知, 等我可以早日面對現實 (-_____-")
***********************************************************************
文章定位：
