24h購物| | PChome| 登入
2006-01-05 10:07:43| 人氣82| 回應0 | 上一篇 | 下一篇

寫於 2006 年 1 月 5 日

推薦 0 收藏 0 轉貼0 訂閱站台


呢度係屬於我自己既新聞台, 屬於我自己既空間, 我呢度所寫既野都係關於自己既事, e+ 雖然我個腦好亂, 唔知想表達ｄ乜, 但我好想記低我呢一刻既心情。

如果呢一篇日記有地方令你唔高興, 響度先講聲sorry......

其實有ｄ野係應該自自然然, 唔需要刻意俾其他人知道, 但呢一刻我唔係咁諗, 因為我想將事實講出黎, 等自己更加懂得面對現實。

同你分開將近一年, 呢段日子我真係好難過, 我好多謝熊熊同魔女響我身邊陪住我, 如果冇你地兩個, 我都唔知可唔可以捱到呢一日。

之前我收收埋埋, 唔想俾人知我地分開左, 我奢望有朝一日我地會復合, 我低能到諗住一大班人出黎時, 我可以順其自然坐響你身邊......

響岩岩過去左既2005年, 我諗我真係有三分之二時間係喊住過日子, 我喊到茶飯不思, 攪到身體差左, 不斷係咁病, 感冒, 貧血, 偏頭痛, 胃痛乜都出齊, 每個月都要睇三次醫生。體重響一年間跌左十幾磅, 仲要俾家姐鬧我瘦到好核突 /_

其實講到尾, 都係心病, 就算我睇幾多次醫生, 醫生都幫唔到我, 因為我知道心病還須心藥醫既道理。

我心靈上覺得好空虛, 於是乎周圍買野, 令自己開心ｄ。

知道你有女朋友後, 我都係時候要醒喇, 我真係唔想祝福你地, 因為我仲好鐘意你, 但我唔可以咁自私, 學冰話齋, 鐘意一個人都想佢過得開心, 所以我要默默地祝福你。

我自知有一個好大既缺點, 就係好怕俾人講, 好怕人地點睇自己。
唔知睇完呢篇日記既朋友, 可唔可以應承我一件事呢？
可唔可以唔好私下問「人」發生左咩事, 唔好私下討論我地？
(陳ｘｘ, 你應承我, 就算有人問你, 你都唔好講, ok?)

我請左假, 今日冇返工, 我連聽日都唔想返工, 唔知我幾時先有心情投入工作呢？

我唔想好似之前咁, 響公司做做下野會對住部電腦喊, 然後衝入廁所, 想盡辦法去抑制自己既情緒, 然後又返埋位再工作。

ｄ人成日話情場失意, 就賭場得意, 今晚六合彩有五千萬, 希望呢五千萬係屬於我呢一個失意人 ~

我要檢舉
台長： Yan
人氣(82) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文